Avropa İttifaqının Xarici işlər və təhlükəsizlik siyasəti üzrə ali nümayəndəsi Kaya Kallas bazar ertəsi Aİ xarici işlər nazirlərini toplantıya çağırıb.

“love.az” “France 24”ə istinadən xəbər verir ki, iclasın məqsədi Rusiya-Ukrayna məsələsində növbəti addımları müzakirə etməkdir.

“ABŞ-nin Rusiyanı ciddi danışıqlara məcbur etmək gücü var. ABŞ və Rusiya arasında hər hansı sövdələşməyə Ukrayna və Aİ də daxil olmalıdır, çünki bu, Ukraynanın və bütün Avropanın təhlükəsizliyi məsələsidir", - deyə Kallas bildirib.

İclas onlayn şəkildə keçiriləcək.