 |
 |
Love.az |  |
 |
Mehti Yalçın oğlu Şıxəliyev (16 fevral 1996, Meyniman, Hacıqabul rayonu – 10 noyabr 2020, Daşaltı, Şuşa rayonu) — Azərbaycan Müdafiə Nazirliyinin Baş Qərargahının tabeliyində olan Xüsusi Təyinatlı Qüvvələrinin kiçik giziri; 2020-ci ildə Qarabağ müharibəsi zamanı Şuşanın azad edilməsi uğrunda gedən döyüşlərdə şəhid olub, ölümündən sonra "Qarabağ" ordeni ilə təltif edilib.[1]
| Mehti Şıxəliyev | |
|---|---|
 | |
| Şəxsi məlumatlar | |
| Doğum tarixi | |
| Doğum yeri | |
| Vəfat tarixi | (24 yaşında) |
| Vəfat yeri | |
| Dəfn yeri | |
| Vətəndaşlığı |
 Azərbaycan |
| Təhsili | |
| Hərbi fəaliyyəti | |
| Mənsubiyyəti | Müdafiə Nazirliyi |
| Qoşun növü |
 Xüsusi Təyinatlı Qüvvələr |
| Xidmət illəri | 2014—2020 |
| Rütbəsi |
K/gizir |
| Döyüşlər | |
| Təltifləri |
    |
Mehti Yalçın oğlu Şıxəliyev 1996-cı il, fevralın 16-da Hacıqabul rayonunun Meyniman kəndində anadan olub.[2][1]
2013-cü ildə Hacıqabul rayonu İ. Həsənov adına Meyniman kənd tam orta məktəbindən məzun olub.[1]
2014-cü ildə Hacıqabul Rayon Hərbi Komissarlığı tərəfindən müddətli həqiqi hərbi xidmətə çağırılıb və 2014–2015-ci illərdə N saylı hərbi hissədə xidmət edib.[1]
2015-ci ildə Azərbaycan Silahlı Qüvvələrin Təlim və Tədris Mərkəzinin "MAHHXHQ hazırlığı kursu"nu bitirib.[1]
Silahlı Qüvvələrin Baş Qərargah rəisi, general-polkovnik Nəcməddin Sadıqovun 19 aprel 2019-cu il tarixli əmri ilə "K/gizir" hərbi rütbəsi verilib.[1]
Azərbaycan Silahlı Qüvvələrində xidmət etdiyi 5 il ərzində xüsusi təyinatlı komandanın tuşlayıcısı-operator, atəş dəstək manqasının komandiri, atəş dəstək taqımının tank əleyhinə raket kompleksləri manqasının komandiri-operator vəzifələrində xidmət edib.[1]
Müxtəlif illərdə müdafiə nazirinin əmrləri ilə "Azərbaycan Ordusunun 100 illiyi yubiley medalı" ilə, habelə fəxri fərmanlarla təltif edilib.[1]
2020-ci il, sentyabrın 27-də başlanan Qarabağ müharibəsi zamanı Murovdağ istiqamətində gedən xüsusi əməliyyata, həmçinin Cəbrayılın, Hadrutun, Füzulinin və Şuşanın azad edilməsi uğrunda gedən döyüş əməliyyatlarına qatılıb. Noyabrın 10-da Şuşa rayonu ərazisində, Daşaltı istiqamətində döyüş tapşırığının icrası zamanı şəhid olub.[1] Hacıqabul rayonunun Meyniman kəndində dəfn olunub. Müharibə zamanı xüsusi xidmətləri nəzərə alınaraq "Qarabağ" ordeni ilə[3], həmçinin "Cəbrayılın azad olunmasına görə", "Xocavəndin azad olunmasına görə", "Füzulinin azad olunmasına görə", "Şuşanın azad olunmasına görə", "Kəlbəcərin azad olunmasına görə" və "Vətən uğrunda" medalları ilə təltif edilib.[4][5][6][7][8][9]
Subay idi.
 |
 |
LOVE.AZ |  |
 |
|