Seyyide Zeyneb Mescidi - Wikipedia - Love.az

Seyyidə Zeynəb məscidi Dəməşqin cənubundakı eyniadlı şəhər və ya məhəllədə yerləşir. Ziyarətgahın binası kvadrat planlı geniş həyətdən ibarətdir. Buraya bir günbəz və iki hündür minarə daxildir . Həyət və eyvanların minarələri, divarları İran rəssamları tərəfindən kirəmitlə döşənmiş, ziyarətgahın dam və divarları içəridən şirlənmiş, günbəzi isə xaricdən qızılla örtülmüşdür.^[1]

Seyyidə Zeynəbin məqbərəsi üzərində ilk tikilinin tarixi barədə məlumat yoxdur, lakin qeyd olunur ki 1106-cı ildə Hələbdən olan Qarqubili bir kişi məqbərə yaxınlığında məscid tikdirmiş və ona onun adını vermişdi.

1366-cı ildə Levantdakı Əşrəflərin başçısı Hüseyn Əl-Musəvi öz meyvə bağlarını və torpaqlarını ziyarətgaha bağışladı və binanı təmir etdirdi.

O zamanlar mühafizəçilərin babası Seyid Musa hicri 1260-cı ildə məqbərinin üzərində ziyarətgah tikənə qədər türbə kiçik bir otaqdan ibarət idi. Türbə adi bir bina olub və heç bir İslami xarakter daşımırdı.

1884-cü ildə Sultan I Əbdüləziz günbəzi təmir etdi və bu işdə bəzi tacirlər və varlı adamlar da ona qoşuldular.

1935-ci ildə binanın girişi yeniləndi və Nizam ailəsi ziyarətçilərin istirahəti üçün hərəmin ətrafında otaqlar tikdi.

1950-ci ildə Möhsün Əl-Əmin Əl-Amili onun rəhbərliyi altında ziyarətgahı, həyəti və oyun parklarını abadlaşdırmaq üçün tacirlər və görkəmli şəxslərdən ibarət bir komitə yaratdı.Hacı Məhəmməd Mehdi Əl-Bəhbəhani bu tikinti və təmirdə əsas rol oynamışdır.

1960-cı ildə bir neçə iranlı tacir ziyarətgaha qızıl qapı bağışlayıb və hər birinin hündürlüyü 54 metr olan iki hündür minarə tikdirdilər. Günbəzin xarici hissəsi isə 1992-cı ildə qızılla örtülmüşdür. Ziyarətgahın pəncərələri 2022-ci ildə yeni pəncərələr ilə əvəz edildi.

Şiəlikdə müqəddəs məkanlar

1. ↑ "درباره حرم حضرت زینب(س)". hajj.ir.