Muharibe Dehseti Foto - Wikipedia - Love.az

Xalq arasında Napalm qızı kimi tanınan Müharibə Dəhşəti, ^[1] 8 iyun 1972-ci ildə çəkilmiş bir fotoşəkildir. Bu şəkildə, çılpaq 9 yaşlı Fan Thi Kim Fuk adlı qızın, Cənubi Vyetnam HHQ-nin endirdiyi napalm zərbəsindən kameraya doğru qaçması təsvir olunub.^[2] Bu zərbə yaxınlıqdakı Şimali Vyetnam qoşunlarının mövqeləri əvəzinə səhvən Cənubi Vyetnamın Tranq Banq kəndinə dəyib. Bu, Vyetnam müharibəsinin ən məşhur görüntülərindən, çəkilmiş şəkillərindən biri və ümumilikdə müharibənin günahsız qurbanlara təsirinin ittiham aktı kimi qəbul edilir.^[3]

Fotoqraf Nik Ut fotonu Associated Pressə (AP) satmışdır. O, əvvəlcə şəkli çəkən fotoqraf kimi qeyd edilmiş və "World Press Photo of the Year (İlin dünya mətbuatı fotosu)" da daxil olmaqla bir neçə mükafat almışdır. Stringer (2025) sənədli filmi stringer Nquyen Thanh Nqhenin (vyetn. Nguyễn Thành Nghệ) şəkli çəkmiş ola biləcəyi ehtimalını araşdırdıqdan sonra həm AP, həm də World Press Photo öz araşdırmalarını aparmişlar. Fotonun məhz kim tərəfindən çəkilməsi ilə bağlı hər iki araşdırma nəticə verməmişdir. Fotonun Ut, Nqhe və ya hərbi fotoqraf Hunq tərəfindən çəkildiyi ilə bağlı məsələ qeyri-müəyyən qalmışdir. AP müəlliflik hüququnu Uta verməkdə davam edir, World Press Photo isə müəllifi naməlum hesab edir.