Anastasiya Bacinska - Wikipedia - Love.az

Baçinska 4 avqust 2003-cü ildə Ukraynanın Ternopol vilayətinin Ternopol şəhərində anadan olub.^[2] O, 2007-ci ildən gimnastika ilə məşğul olmağa başlayıb. Çoxuşaqlı ailədə dünyaya gələn Anastasiya, ailənin ikinci övladıdır.^[3] Onun böyük qardaşı proqramist, kiçik qardaşı musiqiçi, kiçik bacısı isə rəssamdır. Onun atası Yuri Baçinska Rusiya-Ukrayna müharibəsi zamanı döyüşdə həlak olub.^[4]

Baçinska beynəlxalq debütünü 2017-ci ilin mart ayında Fransanın 12 ən yaxşı idman yarışında çıxış edib.^[5] Daha sonra o, Stella Zaxarova Kubokunda yeniyetmələr arasında yarışıb.^[6]

2018-ci ildə Baçinska 2018-ci il Gənclərin Olimpiya Oyunlarında Ukraynanı təmsil etmək üçün seçilib.^[7] O, çoxnövçülük və sərbəst hərəkətlərdə finalda birinci yeri tutdu, dayaqlı tullanma, paralel qollar və tunik hərəkətlərində ikinci oldu.^[8] Çoxnövçülükdə finalda o, döşəmə hərəkətində zədə aldığından italiyalı Corci Villa və böyük britaniyalı Ameli Morqandan sonra üçüncü oldu.^[9][10] Tədbirin finallarında, Baçinska döşəmə hərəkətində (Villa və Morqandan sonra) bürünc medal qazandı, tullanmada dördüncü (Villa, macarıstanlı Çenge Batskay və kanadalı Emma Spensdən sonra) və paralel barmaqlıqlar və turnik hərəkətində altıncı oldu. Sonradan məlum oldu ki, yeniyetmələrin Olimpiya Oyunlarında körpücük sümüyü zədəsi olduğu halda çıxış etmiş Baçinska, sonra həkimlərin tövsiyyəsi ilə iki ay istirahət etməli olur.^[11]

Baçinska 2019-cu ildə böyüklər arasında Ukrayna çempionatında debüt etdi.^[12] O, Angelina Radivilovadan sonra ikinci oldu. Daha sonra o, Bakı Dünya Kubokunda iştirak edərək, paralel qollar və turnikdə finala vəsiqə qazandı.^[13] O, paralel qolların finalında yeddinci, turnik finalında dördüncü oldu, məşqçisinin podiumda olması səbəbi ilə 0,5 xal cəza aldı.^[14] Aprel ayında Baçinska 2019-cu ilin Avropa çempionatında yarışaraq, çoxnövçülükdə beşinci və tarazlıqda yeddinci yeri tutdu.

İyun ayında Baçinska Avropa Oyunlarında Diana Varinska və Angelina Radivilova ilə birlikdə yarışaraq, çoxnövçülükdə dördüncü, yerüstü hərəkətlərdə isə ikinci yerə vəsiqə qazandı. Fərdi çoxnövçülük finalında isə o, paralel qollar və döşəmə hərəkətində nasazlıqlar yaşasa da, 14-cü yerə çıxdı.^[15] Döşəmə hərəkətinnin finalında o, təmiz çıxış edərək qızıl medal qazandı.^[16]

Avropa Oyunlarında qazandığı uğurdan sonra Baçinskaya Ternopol merindən mənzil hədiyyə olundu. O, həmçinin Ukrayna prezidenti Vladimir Zelenski tərəfindən Şahzadə Olqa ordeni ilə də təltif edilib.^[17]

Sentyabr ayında Baçinska Paris Çağırış Kubokunda yarışaraq, rusiyalı Anastasiya Aqafonovadan sonra turnik ilə hərəkətdə gümüş medal qazandı və paralel qollarda altıncı yeri tutdu.^[18]

Oktyabr ayında Baçinska 2019-cu il Dünya çempionatında yarışdı. O, çoxnövçülükdə 52.165 xalla heç bir yarışın finalına vəsiqə qazana bilmədi və Ukrayna 2020-ci il Yay Olimpiya Oyunlarına vəsiqə qazana bilmədi. Komanda yoldaşı Diana Varinska ondan yüksək xal toplasa da, Baçinska fərdi olaraq 2020-ci il Yay Olimpiya Oyunlarına vəsiqə qazana bilmədi.

Noyabr ayında Baçinska Kotbas Dünya Kubokunda yarışaaraq, turnik hərəkətində beşinci yeri tutdu, sərbəst hərəkətlərdə isə qızıl medal qazandı.

Yanvarın sonlarında Baçinska 20-22 fevralda keçiriləcək Melburn Dünya Kuboku üçün namizəd siyahısına salındı. O, yarışda paralel halqalar və turnikdə hərəkətlərin finalına vəsiqə qazandı və müvafiq olaraq yeddinci və üçüncü yerləri tutdu.^[19][20] O, daha sonra Bakı Dünya Kubokunda da yarışdı. Kvalifikasiyalar zamanı o, dayaqlı tullanmada yeddinci, paralel qollarda altıncı, tarazlıqda üçüncü oldu və buna görə də yarışın finalına vəsiqə qazandı.^[21] Lakin, Azərbaycanda COVID-19 pandemiyası səbəbindən tədbirin finalları ləğv edildi.^[22]

Dekabrda Baçinska Avropa çempionatında çıxış etdi. Kvalifikasiyalar zamanı, Ukraynanın Rumıniyadan sonra komanda finalında ikinci yerə vəsiqə qazanmasında onun böyük rolu oldu və fərdi olaraq turnikdə finala vəsiqə qazandı. Komanda finalında Ukrayna komandası Rumıniyanı geridə qoyaraq, qızıl medal qazandı.^[1][23]

Baçinska 2021-ci ildə Bazeldə keçirilən Avropa çempionatında yarışdı və burada çoxnövçülükdə finala vəsiqə qazanaraq, turnik finalında ikinci ehtiyatda qaldı. Çoxnövçülükdə finalda isə o, 20-ci yeri tutdu. Baçinska, yüksək təsnifat mərhələsinin qalibi Larisa Yordake böyrək infeksiyası səbəbindən yarışı tərk etdikdən sonra turnik finalında mübarizə apara bildi və birinci ehtiyat yarışçı Marta Pixan-Kuleşa çoxnövçülük finalında aldığı zədə səbəbindən geri çəkildi.^[24]

Baçinska, Melani de Jezus dos Santos və Sanne Veversdən sonra üçüncü oldu. Baçinska daha sonra Varna Dünya Çağırış Kubokunda yarışaraq, tarazlıqda qızıl medal qazandı və paralel qollarda altıncı yeri tutdu. İyun ayında o, Qahirə Dünya Çağırış Kubokunda da yarışaraq, turnik hərəkətində səkkizinci oldu.^[25]

Dünya Çempionatında isə Baçinska çoxnövçülük və sərbəst hərəkətlərin finalına vəsiqə qazandı və müvafiq olaraq onuncu və yeddinci yerlərin qalibi oldu.

2022-ci ilin fevralda Rusiya Ukraynaya hücum etdi. Davam edən müharibə zamanı Baçinska və ailəsi öz ölkələrindən Fransaya, Boker şəhərinə qaçdılar, burada Baçinska onların klubu olan Gym Flip-in üzvü oldu və onlarla Fransanın ən yaxşı 12 yarışmasında yarışdı.^[26]

Avqustun 15-də Baçinska idmandan getdiyini elan etdi.