Elxan Nuriyev Ekspert - Wikipedia - Love.az

Elxan Eldar oğlu Nuriyev 15 may 1969-cu ildə Bakı şəhərində anadan olmuşdur.

1992-ci ildə Azərbaycan Dillər Universitetini bitirmişdir. 1993-cü ildə Pakistan Xarici İşlər Nazirliyinin Diplomatiya Akademiyasında, 1993-1996-cı illərdə Rusiya Elmlər Akademiyasında, 2000-ci ildə Almaniyadakı Höte İnstitutunda, 2002-ci ildə Corc Marşal adına Avropa Təhlükəsizlik Mərkəzində və 2010-cu ildə Almaniyanın Bonn Universitetinde təhsil alıb.

1990-cı illərin əvvəllərində Azərbaycan Respublikası Xarici İşlər Nazirliyinin məsul əməkdaşı olub.

1996-1997-ci illər ərzində ABŞ-nin Fulbrayt Təqaüd Proqramının iştirakçısı kimi Corc Vaşinqton Universitetinin baş elmi işçisi vəzifəsində çalışıb.^[1]

1998-1999-cu illərdə Kaliforniyadakı Beynəlxalq Araşdırmalar üzrə Monterey İnstitutunda və Vudro Vilson adına Beynəlxalq Mərkəzdə aparıcı elmi işçi vəzifəsində çalışıb^[2].

2000-ci ildə Almaniyanın Aleksandr fon Humboldt adına elmi tədqiqat mükafatına layiq görülmüşdür. 2000-2003-cü illərdə Almaniyanın Sülh və Münaqişələr İnstitutunda aparıcı elmi işçi vəzifəsində çalışmışdır. Eyni zamanda, 2001-2004-cü illər ərzində Corc Marşal adına Təhlükəsizlik Məsələlərinin Araşdırılması üzrə Avropa Mərkəzinin nəzdindəki Cənubi Qafqaz üzrə beynəlxalq ekspert qrupunun həmsədri olub.

2005-2006-cı illərdə Almaniyanın Beynəlxalq Siyasət və Təhlükəsizlik İnstitutunda aparıcı ekspert kimi işləmişdir.^[3]

2004-2010-cu illərde Qərb Universitetinin Siyasi Elmlər və Beynəlxalq Münasibətlər kafedrasının professor vəsifəsində çalışmışdır.

Azərbaycan Respublikası Prezidentinin 8 fevral 2008-ci il tarixli Sərəncamı ilə Azərbaycan Respublikasının Prezidenti yanında Strateji Araşdırmalar Mərkəzinin direktoru vəzifəsinə təyin edilmişdir.^[4] 21 yanvar 2011-ci ildə vəzifəsindən azad edilmişdir.^[5]

2013-cü ildən bu günə kimi Corc Marşal adına Təhlükəsizlik Məsələlərinin Araşdırılması üzrə Avropa Mərkəzinin nəzdindəki Cənubi Qafqaz beynəlxalq ekspert qrupunun regional təhlükəsizlik strategiyası üzrə müşaviridir.

2014-cü ildə Berlində yerləşən Almaniyanın tanınmış beyin mərkəzlərindən olan Beynəlxalq Əlaqələr üzrə Alman Şurasında (DGAP), 2015-ci ildə Almaniyanın Beynəlxalq Siyasət və Təhlükəsizlik İnstitutunda (SWP), 2019-cu ildə ZOIS - Şərqi Avropa və Beynəlxalq Tədqiqatlar Mərkəzində və 2020-ci ildə Leipzig Universitetin nəzdində olan Qlobal Dinamika üzrə Tədqiqat Mərkəzində (ReCentGlobe) ekspert və məsləhətçi kimi işləmişdir.

2021-ci ildə Elxan Nuriyev Macarıstanın Xarici İşlər və Ticarət İnstitutunda (IFAT) dəvət olunmuş beynəlxalq ekspert və məsləhətçi kimi çalışıb.

2024-cü ildə Elxan Nuriyev Macarıstanın Mathias Corvinus Collegium Fonduna beynəlxalq ekspert kimi dəvət olunub.

Yerli və beynəlxalq mətbuata mütəmadi olaraq siyasi şərhlər verir ^[6], 150-dən çox elmi-analitik məqalələrin və monoqrafiyaların habelə The South Caucasus at the Crossroads: Conflicts, Caspian Oil and Great Power Politics, (LIT, Germany, 2007) və Azerbaijan and the European Union: New Landmarks of Strategic Partnership (Routledge, Taylor & Francis, London, UK, 2008) kitabların müəllifidir.^[7][8]

Elxan Nuriyevin Azerbaijan's Golden Era: Shaping Global Climate Action at COP-29 (Azərbaycanın "qızıl dövrü": COP-29-da Qlobal İqlim Fəaliyyətinə rəhbərlik) adlı məqaləsi ABŞ-ın The Geopolitics jurnalında dərc edilib, CEENERGY News-də təkrar yayımlanıb və Arab News tərəfindən sitat gətirilib.

Xarici dillərdən ingilis, alman, türk və rus dillərini bilir.

Evlidir, iki övladı var.