K 12 Albom - Wikipedia - Love.az

Martines albomu 2015-ci ildə yazmağa başlayıb.^[5][6][7] O, 2017-ci ildə Billboard-a verdiyi müsahibədə dedi ki, onun o zaman adı açıqlanmayan ikinci albomu tamamlandı və onu yazıb rejissorluq etdiyi bir film müşayiət edəcək.^[2] 2019-cu ilin fevralında Instagram postunda o, albomun "artıq iki il yarımdır ki, hazır olduğunu", çox güman ki, yayın sonunda çıxacağını və ondan əvvəl heç bir sinqlin kommersiya olaraq buraxılmayacağını yazdı.^[8]

Martines 7 yanvar 2020-ci ildə Instagram hekayələri vasitəsilə "After School" adlı minialbom buraxacağını elan etdi. Əvvəlcə layihəni 2020-ci ilin yazında yayımlamağı planlaşdırırdı, lakin layihə 25 sentyabr 2020-ci ildə təqdim olundu.^[9][10]

Martinesin pastel sinif otağında yer aldığı tizer videosu 15 may 2019-cu ildə dərc olundu.^[11] Mayın 16-da o, sosial media hesabları vasitəsilə albomun üz qabığını təqdim etdi.^[11] Martines buraxılış tarixini mayın 29-da Instagram vasitəsilə açıqladı.^[12]

İyunun 18-də "Nurse's Office" snippetlərini özündə əks etdirən televiziya reklamı yayımlandı.^[13] Albomdan heç bir sinqlin buraxılmamasına baxmayaraq, Martines albomdakı hər mahnı üçün animasiya videoları ilə birlikdə snippetlər yayımladı, sonra onları sosial media və YouTube hesablarına yüklədi.^{[14][15][16][17][18][19][20][21][22][23][24][25][26]}

İyulun 23-də K-12 filminin rəsmi treyleri albom trek siyahısı və ön sifarişlə birlikdə yayımlandı. Treylerdə süjetin bir hissəsi göstərilir, sonunda isə "Show & Tell" klipindəm bir parça oynadılır. Orada həmçinin filmin yalnız 5 sentyabr 2019-cu ildə seçilmiş kinoteatrlarda bir gün müddətinə nümayiş olunacağı qeyd olunur.^[27] Martines Vaşinqtondan başlayaraq 2019-cu ilin oktyabrından dekabrınadək alboma dəstək olaraq K-12 konsert turuna çıxacağını bildirdi.^[28]

Melani 25 sentyabr 2020-ci ildə K-12-ni delüks versiyasına daxil edilmiş After School minialbomunu buraxdı.^[29] "The Bakery" minialbomun ilk sinqlı olaraq yayımlandı.^[30] Bunun ardınca Copy Cat və Fire Drill sinqlları buraxılsa da bunlar minialboma daxil edilmədi.

"Lunchbox Friends"in albomdakı ilk rəsmi sinql olacağını elan etməzdən əvvəl Martines 2019-cu ilin iyul ayında həm "High School Sweethearts" həm də "Strawberry Shortcake" mahnılarını tanıtım sinqlı kimi təqdim etdi. O, Jimmy Kimmel Live-da hər iki mahnını ifa etdi, albom treki "Recess"-i isə, 16 sentyabr 2019-cu ildə, albomun buraxılışından 10 gün sonra ifa etdi.^[31][32]

K-12-nin prodüseri olan Maykl Kinan, daha əvvəl Martinesin əvvəlki albomu "Cry Baby" üçün bir neçə trekdə əməkdaşlıq etmişdi. Yeganə trek, "Drama Club", Martinesin tez-tez əməkdaşlıq etdiyi Kinetics & One Love tərəfindən birgə yazılmış və prodüserlik edilmişdir. Albom konsept albom,^[33] alternativ pop,^[34] dark pop,^[35] və art pop^[36] rekordu kimi təsvir edilmişdir. AllMusic həmçinin hip hop və R&B -nin təsirlərini qeyd edir.^[37]

K-12 buraxıldıqdan sonra tənqidçilər tərəfindən bəyənildi.^[39] Mayk Uass müsbət rəydə filmi "Tim Burton və Ves Andersonun üslubuna bənzətdi.^[40]

Albomdan əvvəl heç bir sinql buraxılmamasına baxmayaraq, K-12 ABŞ Billboard 200-də 57.000 albom ekvivalenti ilə üçüncü yerdə debüt etdi, bunun 30.000-i albom satışı idi.^[41] Albom alternativ albomlar hit-paradında yuxarı pillədə qərarlaşdı. Albom digər ölklərdə Birləşmiş Krallıq, Avstraliya və Kanada da daxil olmaqla səkkiz fərqli ölkə arasında ilk 10-a çıxdı.