 |
 |
Love.az |  |
 |
Yaxşı oğlanlar — Şeyn Blekin rejissorluğu və Şeyn Blek ilə Entoni Baqarozzinin müştərək yazdıqları süjet xətti ilə 2016-cı ildə çəkilmiş Amerika istehsalı olan neo-noir, komediya, triller filmi. Filmin aktyor heyətində Rassel Krou, Rayan Qoslinq, Anqori Rays, Mett Bomer və Kim Beysinger kimi məşhur aktyorlar iştirak etmişdirlər.
| Yaxşı oğlanlar | |
|---|---|
| ing. The Nice Guys | |
| Janr | müəmma filmi[4], komediya filmi |
| Rejissor | Şeyn Blek |
| Prodüser | Coel Silver |
| Ssenari müəllifi |
|
| Baş rollarda | |
| Operator | Filipp Ruslo |
| Bəstəkarlar |
|
| İstehsalçı | Warner Bros. |
| Distribütor | Warner Bros., Netflix |
| İlk baxış tarixi | 15 may 2016[9] |
| Müddət | 116 dəqiqə[1] |
| Büdcə | 50 milyon $[2] |
| Gəlir | 62.8 milyon $[3] |
| Ölkə | |
| Dil | ingilis dili |
| Rəng | rəngli[d] |
| Çəkiliş yeri | Atlanta |
| IMDb | ID3799694 |
Filmin premyerası 15 may 2016-cı ildə 2016 Kann Film Festivalında baş tutmuşdur. Filmin ABŞ-dəki premyerası isə Warner Bros. tərəfindən 20 may 2016-cı ildə baş tutmuşdur.
| Aktyor | Rol |
|---|---|
| Rayan Qoslinq | Holland Març |
| Rassel Krou | Cekson Hili |
| Mett Bomer | Con Boy |
| Kim Beysinqer | Cudit Kattner |
| Marqaret Kuelli | Ameliya Kattner |
| Cek Kilmer | Çet |
| Enqauri Rays | Holli Març |
| Tay Simpkins | Bobbi |
| Kit Devid | Yaşlı oğlan |
| Bo Napp | Mavi üzlü |
| Robert Dauni | Sid Kletçer |
Şeyn Blek 2001-ci ildə Entoni Baqarozzi ilə bərabər ssenarinin bir versiyasını yazmışdır.[10] Lakin ssenarinin bu versiyası heç bir alıcının diqqətini cəlb edə bilməmiş və bir müddət ssenarinin bu versiyası ilə bir televiziya serialının çəkilməsi planı nəzərdən keçirilmişdi.[10] Daha sonralar isə Blek filmin son versiyasının buraxılışını dəstəkləmək üçün televiziya serialı ideyasını tənqid edərək, “bu heç də yaxşı bir fikir deyildi” demişdir.
Filmin son versiyası 2014-cü ilin iyun ayda elan edilmiş və bu versiyaya əsasən filmdə baş rolları Rassel Krou və Rayan Qoslinq ifa etməli, filmin prodüseri isə Coel Silver olmalı idi.[11] Daha sonra isə Blek filmin inkişafında etdikləri köməklərinə görə Krou və Qoslinqə borclu olduğunu bildirmişdir.
Filmin əsas çəkilişləri 27 oktyabr 2014-cü ildə Atlanta və Dekeyter şəhərlərində başlamışdır.[12] Filmin çəkilişlər həmçinin Los-Ancelesdə də aparılmışdır.
Filmin premyerası ABŞ-da əslində 2016-cı il iyul ayının 17-nə təyin edilmişdi.[13] Lakin Warner Bros. filmin premyera tarixini 2016-cı ilin 20 may tarixinə irəli çəkmişdir.
Film film tənqidçilərindən müsbət rəylər al8dı. Metacriticdə 51 tənqidçidən 45 tənqidçinin müsbət rəyini almış film orta hesabla 70 bal yığmışdır.[14] Rotten Tomatoes saytında isə filmin aldığı 240-dan çox rəyin 91%-i müsbət istiqamətdə olmuş və bu nəticə ilə 10-dan 7,5 bal əldə etmişdir.[15]
 |
 |
LOVE.AZ |  |
 |
|
