 |
 |
Love.az |  |
 |
Aşağıda 1992-ci ildən təşkil olunan və Azərbaycan futbol liqası sisteminin ən yüksək divizionu hesab olunan Azərbaycan Premyer Liqasını qazanan baş məşqçilərin siyahısı təqdim edilmişdir.[Qeyd 1]
.jpg)
31 mövsümdə 11 fərqli mütəxəssis çempionluq sevinci yaşayıb. Mütləq rekord 2008-ci ildən "Qarabağ"ı çalışdıran Qurban Qurbanova məxsusdur — 11 dəfə. Onu 5 çempionluqla Ağasəlim Mircavadov izləyir. Kazbek Tuayevin 4, Mehman Allahverdiyev və Böyükağa Hacıyevin 3 qızıl medalı var. Əhməd Ələsgərov, Valentin Xodukin, Qyoko Hacıyevski, Kaxaber Tsxadadze, Arif Əsədov və Samir Abasov bir dəfə belə uğura imza atıb.
Ağasəlim Mircavadov 4 fərqli komandanı çempion edə bilmiş yeganə məşqçidir. O, 1993 mövsümündə "Qarabağ"ı, 1999-00 və 2000-01 mövsümlərində "Şəmkir"i, 2004-05 mövsümündə "Neftçi"ni, 2006-07 mövsümündə isə "Xəzər Lənkəran"ı çempionluğa daşıyıb. Kazbek Tuayev və Böyükağa Hacıyev bu uğura 2 fərqli komanda ilə nail olublar.
Azərbaycan çempionatları tarixində cəmi 3 əcnəbi mütəxəssis qızıl medalı boynundan asa bilib. Ukraynalı Valentin Xodukin və gürcüstanlı Kaxaber Tsxadadze "İnter"i, şimali makedoniyalı Qyoko Hacıyevski isə "Bakı"nı bir dəfə çempion edib.
Üç nəfər — Arif Əsədov, Qurban Qurbanov və Samir Abasov həm futbolçu, həm də məşqçi kimi Azərbaycan Premyer Liqasının qalibi olub. Arif Əsədov 1992, 1995-96 və 1996-97 mövsümlərində "Neftçi"də futbolçu,[1] 2010-11 mövsümündə isə "Neftçi"də məşqçi kimi çempionluq qazanıb. Qurban Qurbanov 1993-94 mövsümündə "Turan"da, 1996-97, 2003-04 və 2004-05 mövsümlərində isə "Neftçi"də futbolçu kimi,[2] 2013-14, 2014-15, 2015-16, 2016-17, 2017-18, 2018-19, 2019-20, 2021-22, 2022-23, 2023-24 və 2024-25 mövsümlərində isə "Qarabağ"da məşqçi kimi çempion olub. Samir Abasov 2003-04 mövsümündə "Neftçi"də, 2007-08 və 2009-10 mövsümlərində isə "İnter"də futbolçu,[3] 2020-21 mövsümündə isə "Neftçi"də məşqçi kimi çempionluq qazanıb.
| Sıra | Vətəndaşlıq | Məşqçi | Cəmi | Qalib olduğu mövsümlər | Qalib olduğu klub(lar) |
|---|---|---|---|---|---|
| 1 |  Azərbaycan
|
Qurban Qurbanov | 11 | 2013-14, 2014-15, 2015-16, 2016-17, 2017-18, 2018-19, 2019-20, 2021-22, 2022-23, 2023-24, 2024-25 | Qarabağ |
| 2 | Azərbaycan
|
Ağasəlim Mircavadov | 5 | 1993, 1999-00, 2000-01, 2004-05, 2006-07 | Qarabağ, Şəmkir (2), Neftçi, Xəzər Lənkəran |
| 3 | Azərbaycan
|
Kazbek Tuayev | 4 | 1993-94, 1995-96, 1996-97, 2003-04 | Turan, Neftçi (3) |
| 4 | Azərbaycan
|
Mehman Allahverdiyev | 3 | 1994-95, 1997-98, 1998-99 | Kəpəz (3) |
| Azərbaycan
|
Böyükağa Hacıyev | 3 | 2005-06, 2011-12, 2012-13 | Bakı, Neftçi (2) |
Qalın şrift = Hələ də məşqçi kimi fəaliyyətini davam etdirir.
Bu cədvəldə məşqçilərin vətəndaşlıqlarına görə qələbə sayının statistikası göstərilmişdir.
| Vətəndaşlıq | Qələbələrin sayı |
|---|---|
 Azərbaycan |
29 |
 Ukrayna |
1 |
 Şimali Makedoniya |
1 |
 Gürcüstan |
1 |
 |
 |
LOVE.AZ |  |
 |
|