 |
 |
Love.az |  |
 |
Azersky-2 — Azərbaycanın Azerskydan sonra ikinci yüksək ayırdetməli (50 sm ayırdetmə) Yer səthinin məsafədən müşahidə peykidir.
| Azersky-2 | |
|---|---|
| İstehsalçı | Azərkosmos/Israel Aerospace Industries |
| Operator | Azərkosmos |
| Fəaliyyəti | Yüksək görüntü imkanına sahib yer müşahidə peykləri |
| Çıxarıldığı tarix | 2026/2028 (planlaşdırılıb) |
2023-cü ildə Azərkosmos və "Israel Aerospace Industries" (IAI) şirkəti arasında Azərbaycanın yeni müşahidə peyklərinin hazırlanması üzrə əməkdaşlıq müqaviləsi imzalanıb. Müqaviləyə əsasən, "Azersky-2" proqramı çərçivəsində iki peyk hazırlanacaq. Bunların hər ikisi yüksək ayırdetməli elektro-optik sensora malik Yerin məsafədən müşahidə peykləridir. İlk peykin İsraildə, ikinci peykin isə Azərbaycanda istehsalı nəzərdə tutulub. Bu, Azərbaycan tarixində ölkədə ilk peykin istehsalı olacaq. Azərbaycanda "Azersky-2" sisteminin idarə edilməsi və istismarı üzrə yerüstü sistemləri "IAI" şirkəti təmin edəcək. Bu proqram çərçivəsində peyklərə nəzarət və peyk təsvirlərinin emal olunmasına üçün azərbaycanlı mütəxəssislərə təlim keçiriləcək. Peyklərin 2026 və 2028-ci illərdə orbitə buraxılması nəzərdə tutulub.[1]
Fəzaya buraxılacaq ilk peykin çəkisi 200 kiloqramdır, 7 il fəaliyyətdə olacaq. Bu peyk ilə 600 km hündürlükdən uzunluğu 9 km-ə, eni isə 6 km-ə qədər fotolar çəkmək mümkündür. Bu məqsədlə peykin aşağısına 50 sm diafraqmalı 2 kamera quraşdırılır. Peykin məlumat yaddaşı 6 TB müəyyən edilib. Qurğu saniyədə 1 GB ölçüdə material ötürə biləcək. Peykin istehsal adı "OPTSAT 500" adlanır.[2] Müqavilənin dəyəri rəsmi olaraq açıqlanmasa da, İsrail Xarici İşlər naziri peyklərin ümumi dəyərinin 120 milyon ABŞ dolları olacağını açıqlayıb.[3]
 |
 |
LOVE.AZ |  |
 |
|