Dissonans Film 1978 - Wikipedia - Love.az

Film Bakı İdman Malları Fabrikinin həndbolçu qızlarından, daha doğrusu onların çox gərgin keçən bir oyunundan bəhs edir.

Bir çox illərdir ki, onların üzv olduğu "Spartak" komandası təkcə SSRİ birinciliklərində deyil, beynəlxalq idman aləmində də respublikamızın idman şərəfini qoruyurlar. Reportaj-filmdə həndbolçuların oyunları dinamik və təsirli şəkildə əks etdirilmişdir. Filmdə idmanın müasir dövrdə əhəmiyyətindən, onun ölkəmizdə daha da inkişaf etdirilməsi üçün yaradılmış imkanlardan və qarşıda duran perspektivlərdən çox maraqlı bir tərzdə danışılır.

1) 1979-cu ildə Leninqradda VII Ümumittifaq idman filmləri kinofestivalı

• Sənədli filmə Qızıl Medal verilmişdir.

2) 1979-cu ildə Aşqabadda XII Ümumittifaq kinofestivalı

• Sənədli filmə parlaq, dinamik kinoreportaja görə münsiflər heyətinin Diplomu verilmişdir.

3) 1980-ci ildə Moskvada

• Filmə idman jurnalistlərinin Ümumdünya Assosiasiyasının Prizi verilmişdir.

4) 1982-ci ildə Budapeştdə qısametrajlı filmlərin Beynəlxalq kinofestivalı

• Filmə Bürünc Medal verilmişdir.

Rejissor: Teymur Bəkirzadə

Ssenari müəllifi: Fəraməz Səfiyev

Operator: Hüseyn Mehdiyev

Səs operatoru: Kamal Seyidov

• Азербайджанской ССР кинематография. Кино: Энциклопедический словарь / Гл. ред. С. И. Юткевич; Редкол.: Ю. С. Афанасьев, В. Е. Баскаков, И. В. Вайсфельд и др. — Москва: Советская энциклопедия, 1987. — стр. 13.
• Xamis Muradov. Kinofabrikdən başlanan yol. Azərbaycan Respublikası Mədəniyyət Nazirliyi. C.Cabbarlı adına "Azərbaycanfilm" kinostudiyası. Aydın Kazımzadə. Bizim "Azərbaycanfilm". 1923-2003-cü illər. Bakı: Mütərcim, 2004.- səh. 5.
• Azərbaycan Respublikası Mədəniyyət Nazirliyi. C.Cabbarlı adına "Azərbaycanfilm" kinostudiyası. Aydın Kazımzadə. Bizim "Azərbaycanfilm". 1923-2003-cü illər. Bakı: Mütərcim, 2004.- səh. 235-258.
• Azərbaycan Milli Ensiklopediyası: Azərbaycan. Ramiz Məmmədov. Kino. Azərbaycan Milli Ensiklopediyası Elmi Mərkəzi, 2007.- səh. 815.