 |
 |
Love.az |  |
 |
Bu məqalədəki məlumatların yoxlanıla bilməsi üçün əlavə mənbələrə ehtiyac var. |
Eldar Bəşir oğlu Sultanov — Polis zabiti və Çernobıl faciəsində likvidator.
| Eldar Sultanov | |
|---|---|
| Eldar Bəşir oğlu Sultanov | |
| Doğum tarixi | |
| Vəfat tarixi | 2020 |
| Uşağı | 3 |
| Atası | Bəşir Sultanov |
| Milliyyəti | Azərbaycanlı |
| İxtisası | Polis zabiti |
| Fəaliyyəti | polis, Çernobıl likvidatorları |
| Tanınır | Çernobıl faciəsində likvidator |
| Mükafatları |
 |
1972-ci ildə Bakıda polis kimi işə başlayıb.[1] 1974-cü ildə Ukraynaya təyinat alıb.[1]
1986-ci il aprelin 26-da Çernobıl faciəsi baş verəndə, Eldar Sultanov Ukraynanın Qostomel şəhərində polis zabiti idi.[1] Qəzadan bir neçə gün sonra, axşam xəbərlərində Çernobıl alovlara bürünmüş nüvə zavodunu görəndən sonra, hərbi komissarlığa yollanaraq, könüllü olaraq xilasetmə əməliyyatlarında iştirak etmək qərarına gəlir.[1][2] Hadisə zamanı, bir çox könüllü kimi sənəd imzalayaraq, bütün məsuliyyəti öz üzərinə götürmüşdü.[1]
İşə başlayandan bir neçə həftə sonra şualanma Sultanova da təsir etdi. O bir ay müddətində xəstəxanada müalicə aldı, daha sonra yenidən təmizləmə işlərinə geri qaytarıldı.[1] Bir il sonra, 1987-ci ilin may ayında, o, yarı iflic olmuş vəziyyətdə zəhərli bölgəni tərk etdi.[1] O, Kiyevdəki xəstəxanada 5 ay müddətində radiasiyaya qarşı müalicə aldı.[1] Onun sözlərinə görə:
|
Mən görmə qabiliyyətimi itirmişdim, və yalnız divardan tutaraq yeriyə bilirdim. Mən hardasa bu şəraitdə iki üç ay bu şəraitdə yaşadım. Normal həyata qayıdacağıma heç kim inanmırdı. Sonra yavaş-yavaş sağalmağa başladım.[1] | 
|
Xəstəxanada Sultanova xəstəliyimin anadangəlmə olduğu və şualanma ilə heç bir əlaqəsi olmadığı bildirildi.[1] Daha sonra Eldar Sultanov xəstəliyinin şualanmanın təsirindən yarandığının təsdiq edilməsi üçün Ukraynanın Səhiyyə Nazirliyinə müraciət edir.[1] 1987-ci ildə Sultanov şüalanma diaqnozu təsdiqlənərək, ilk rəsmi Çernobıl faciəsi əlillərindən biri olmuşdur.[1]
1990-cı ildə faciənin 4-cü il dönümündə könüllülər tərəfindən Azərbaycan "Çernobıl Əlilləri" beynəlxalq ittifaqı yaradıldı və Sultanov cəmiyyətin sədr köməkçisi oldu.[1][3]
2020-ci ildə Covid-19 pandemiyası səbəbi ilə vəfat edib.[4]
Üç övladı var. Uşaqlıqdan nərd oynamağı sevir və Azərbaycanda bir neçə yarışın qalibi olub.[1][1]
Əmək veteranı[1] |
 |
LOVE.AZ |  |
 |
|