 |
 |
Love.az |  |
 |
Emmanuil Karalis (yun. Εμμανουήλ Καραλής; 20 oktyabr 1999[1]) — dirəklə tullanma üzrə ixtisaslaşmış yunan atleti.
| Emmanuil Karalis | ||||||||||||||||||||||||||||||||||||||
|---|---|---|---|---|---|---|---|---|---|---|---|---|---|---|---|---|---|---|---|---|---|---|---|---|---|---|---|---|---|---|---|---|---|---|---|---|---|---|
| yun. Εμμανουήλ Καραλής | ||||||||||||||||||||||||||||||||||||||
 | ||||||||||||||||||||||||||||||||||||||
| Şəxsi məlumatlar | ||||||||||||||||||||||||||||||||||||||
| Vətəndaşlığı |
 Yunanıstan |
|||||||||||||||||||||||||||||||||||||
| Milliyəti | yunan | |||||||||||||||||||||||||||||||||||||
| Doğum tarixi | 20 oktyabr 1999[1] (25 yaş) | |||||||||||||||||||||||||||||||||||||
| Boyu | 1.85 sm | |||||||||||||||||||||||||||||||||||||
| Çəkisi | 84 kq | |||||||||||||||||||||||||||||||||||||
| İdman növü | yüngül atletika (dirəklə tullanma) | |||||||||||||||||||||||||||||||||||||
|
Medallar
|
||||||||||||||||||||||||||||||||||||||
 Vikianbarda əlaqəli mediafayllar | ||||||||||||||||||||||||||||||||||||||
2015-ci ildən peşəkar səviyyədə çıxış edən atlet qapalı məkanda keçirilən Dünya çempionatının bürünc medal, 2024-cü il Avropa çempionatının gümüş medal, qapalı məkanda keçirilən Avropa çempionatının gümüş medal mükafatçısı, ikiqat Balkan çempionu, dəfələrlə Yunanıstan çempionu,[2] 2024-cü il Paris Yay Olimpiya Oyunlarının iştirakçısı.
Emmanuil Karalis 20 oktyabr 1999-cu ildə Yunanıstanın Xaniya şəhərində anadan olub. Atası yunan, anası isə uqandalıdır.
O, beynəlxalq səviyyədə ilk böyük uğurunu 2015-ci il mövsümündə Yunanıstan yığmasına qoşulduğu və Kali şəhərində keçirilən gənclər arasında Dünya çempionatında çıxış edərək dirəklə tullanmada bürünc medal qazandığı zaman əldə edib.[3][4]
2016-cı ildə Tiflisdə keçirilən gənclər arasında Avropa çempionatının qalibi olub. Bıdqoş şəhərində keçirilən yeniyetmələr arasında Dünya çempionatında dördüncü olub.[2][5]
2017-ci ildə Belqradda qapalı məkanda keçirilən Avropa çempionatında 11-ci yeri tutmuş, Qrossetoda keçirilən yeniyetmələr arasında Avropa çempionatında bütün cəhdləri uğursuzluqla nəticələnmiş, Londonda keçirilən Dünya çempionatında iştirak etmişdir.
2018-ci ildə Birminhemdə qapalı məkanda keçirilən Dünya çempionatında beşinci olub.
2019-cu ildə Qlazqoda qapalı məkanda keçirilən Avropa çempionatında dördüncü oldu, Qavledə keçirilən gənclər arasında Avropa çempionatında gümüş medal qazandı,[2][6] Pravetsdə keçirilən Balkan çempionatında bütün rəqiblərini geridə qoydu və Dohada keçirilən Dünya çempionatında yarışdı.[2][7]
2021-ci ildə Smederevoda Balkan çempionatının qalibi olub və Tallində keçirilən gənclər arasında Avropa çempionatında gümüş medal qazanıb.[2][8] O, bir sıra uğurlu çıxışlar sayəsində Tokioda keçirilən Yay Olimpiya Oyunlarında ölkəsini təmsil etmək hüququ qazanıb – dirəklə tullanmanın finalında o, 5,80 metr nəticə göstərərək yarışın yekun protokolunda dördüncü olub.[2][9]
2022-ci ildə Oreqonda keçirilən Dünya çempionatında və Münhendə keçirilən Avropa çempionatında dirəklə tullanma üzrə yarışsa da, hər iki yarışda finala yüksələ bilmədi.
2023-cü ildə İstanbulda qapalı məkanda keçirilən Avropa çempionatında[10] və Krakovda keçirilən Avropa Oyunlarında gümüş medal qazanıb.[11] O, Budapeştdə keçirilən dünya çempionatında iştirak etsə də, nəticə əldə edə bilməyib.
2024-cü ildə Qlazqoda qapalı məkanda keçirilən Dünya çempionatında bürünc medal qazanaraq,[12] Parisdə keçirilən Yay Olimpiya Oyunlarına vəsiqə qazandı.[13]
 |
 |
LOVE.AZ |  |
 |
|
