. Love.az

Mikelancelo Antonioni - Wikipedia - Love.az

Ana Səhifə - Mikelancelo Antonioni

Mikelancelo Antonioni — italyan kinorejissoru.

Mikelancelo Antonioni
it. Michelangelo Antonioni
Doğum tarixi 29 sentyabr 1912
Doğum yeri Ferrara, İtaliya krallığı
Vəfat tarixi 30 iyul 2007 (94 yaşında)
Vəfat yeri Roma, İtaliya İtaliya
Milliyyəti İtalyan
Fəaliyyəti Rejissor
Fəaliyyət illəri 1950–2007
Təhsili
  • Boloniya Universiteti (8520–1935),
  • Eksperimental Kinematoqrafiya Mərkəzi[d] (1940–1942)
Mükafatları Gold Medal of the Italian Order of Merit for Culture and Art (İtaliya) "İncəsənət və ədəbiyyat" ordeni (Fransa) "Fəxri legion" ordeni kavaleri (Fransa) "İtaliya qarşısında xidmətlərə görə" ordeninin böyük cəngavər xaçı
Qızıl Şir (İtaliya) — 1964 Qızıl ayı (Almaniya)
IMDb ID0000774
michelangeloantonioni.it
Vikianbarın loqosu Vikianbarda əlaqəli mediafayllar

Mündəricat

  • 1 Həyatı
  • 2 Yaradıcılığı
  • 3 Mükafatları
  • 4 Filmoqrafiya
  • 5 İstinadlar
  • 6 Xarici keçidlər

Həyatı

redaktə

Mikelancelo Antonioni 30-cu illərdə kino tənqidçisi və ssenarist kimi fəaliyyətə başlamış, "Bianco e nero" və "Cinema jurnallarında işləyən antifaşist əhvali-ruhiyyəli gənc kinematoqrafçılar qrupuna daxil olmuşdur.

Yaradıcılığı

redaktə

“Po çayı sahilində yaşayan adamlar” (1947) Antonioninin rejissor debütüdür. İnsanın tənhalığı, cəmiyyətin amansızlığı Antonioni filmlərinin əsas mövzusudur. “Süpürgəçilər” (1948), “Mövhumat”, “Eybəcərlər evi” və s. sənədli filmlər çəkmişdir. “Bir sevginin tarixçəsi” (1950) Antonioninin ilk bədii filmidir. “Rəfiqələr” (1955) “Qışqırıq” (1957), “Macəra” (1960), “Gecə” (1960), “Tutqunluq”(1961), “Qırmızı səhra” (1964), "Şəkilböyütmə" (1966), "Zabriski Poynt" (1970), “Peşəsi reportyordur” (1975), "Qadınların eyniləşməsi" (1982) Antonioninin məşhur filmləridir. Rəqəmli texnologiyadan istifadə edərək yeni bədii effektlərə nail olmağa can atmış və 1980-ci ildə “Ober valdın sirri” adlı televiziya filmi çəkmişdir. Sevdiyi mövzulara qayıdaraq, rejissor “Qadınların eyniləşməsi” (1982) filmini yaratdıqdan sonra 1960-cı illərdəki estetik duyumunun tükəndiyini hiss edir. Ağır xəstəlik keçirdikdən sonra yalnız 1997-ci ildə V.Venderslə birlikdə “Buludlar arxasında”, 2004-cü ildə isə “Eros” filmlərini çəkmişdir. Mikelancelo Antonioni film çəkilişləri üçün 1976-ci ildə 10 günlük Azərbaycanda olub.

Mükafatları

redaktə

Antonioninin filmləri yüksək rejissorluq sənəti nümunələridir. Bir çox filmi Beynəlxalq kino festivallarında mükafatlar almışdır. O, "Şəkilböyütmə" filminə görə Kann kinofestivalının baş mükafatına layiq görülmüşdür. 1997-ci ildə isə kino fəaliyyətinə görə “Oskar” mükafatına layiq görülmüşdür.
[1], [2], [3]

Filmoqrafiya

redaktə
  • "Po çayı sahilində yaşayan adamlar" (1947)
  • "Süpürgəçilər" (1948)
  • "Müvhumat"
  • "Eybəcərlər evi"
  • "Bir sevginin tarixçəsi" (1950) / Cronaca di un amore
  • "Rəfiqələr" (1955)
  • "Qışqırıq" (1957) / Il grido
  • "Macəra" (1960) / L’avventura
  • "Gecə" (1960) / La notte
  • "Tutqunluq" (1961) / L’eclisse
  • "Qırmızı səhra" (1964) / Il deserto rosso
  • "Şəkilböyütmə" (1966) / Blowup
  • "Zabriski Poynt" (1970) / Zabriskie Point
  • "Peşəsi reportyordur" (1975)
  • "Ober valdın sirri" (1980)
  • "Qadınların eyniləşməsi" (1982)

İstinadlar

redaktə
  1. ↑ "Bakıda portağal yağı axtaran dünya şöhrətli rejissorun sərgüzəştləri". 2020-09-21 tarixində arxivləşdirilib. İstifadə tarixi: 2015-01-31.
  2. ↑ Mikelancelo Antonioni — IMDb səhifəsi
  3. ↑ Azərbaycan Milli Ensiklopediyası (25 cilddə). 1-ci cild: A – Argelander (25 000 nüs.). Bakı: "Azərbaycan Milli Ensiklopediyası" Elmi Mərkəzi. 2009. səh. 554. ISBN 978-9952-441-02-4.

Xarici keçidlər

redaktə
  • Michelangelo Antonioni
  • Kinorejissor Mikelancelo Antonioni 94 yaşında dünyasını dəyişib[ölü keçid]
Mənbə — "https://az.wikipedia.org/wiki/?q=Mikelancelo_Antonioni&oldid=6669474"
LOVE.AZ