Nebz Teleserial - Wikipedia - Love.az

Nəbz Mayamidə yerləşən, birinci səviyyəli travma mərkəzi olan Maguayr xəstəxanasında çalışan təcili yardım və cərrahiyə rezidentlərinin şəxsi və peşəkar həyatından bəhs edir. Hadisələr Təcili Tibbin Baş Rezidenti vəzifəsi uğrunda yarış zamanı baş verir. Serialda həmçinin cinsi zorakılıq şikayətinin nəticələri və şəhərə qasırğa yaxınlaşarkən həkimlərin yaşadıqları çətinliklər təsvir olunur.^[2]

• Uilla Ficerald — Daniyel “Danni” Simms, Mayamidəki Maguayr Xəstəxanasında Təcili Tibbdə üçüncü il rezidenti, Harperin böyük bacısı. Dərin empati qabiliyyətinə malikdir, lakin bəzən sərt və düşüncəsiz davrana bilir. Xander ilə romantik münasibətdə olub, lakin bir sıra hadisələrdən sonra ayrılıb və onu an sonra onlar ayrıldılar və onu cinsi zorlama səbəbilə İnsan Resurslarına şikayət edib.
• Kolin Vudel — Ksander Fillips, Maguayr Xəstəxanasında Təcili Tibbin Baş Rezidenti. Mayaminin ən güclü və zəngin tibb ailələrindən birindən gəlir, nüfuzlu bir soyun nümayəndəsidir. Danni ilə romantik münasibətdə olub, lakin bir sıra hadisələrdən sonra ayrılıb və Danni tərəfindən İnsan Resurslarına cinsi zorakılıq şikayəti ilə bildirilib.
• Cessi T. Aşer — Sem Elayca, üçüncü il Təcili Tibbi Rezidenti, Danni-nin ən yaxın dostu, iddialı və rəqabətçi biridir.
• Castina Maçado — Nataliya Kruz, Cərrahiyyə və Təcili Tibbin rəhbəri.
• Cek Bennon — Tom Kol, britaniyalı cərrahiyyə üzrə gənc rezident.
• Daniela Niyes — Kamila Peres, çox nikbin olan üçüncü il tibb tələbəsi, hazırda xəstəxanada travma rotasiyasını keçir.
• Çelsi Mörhed — Sofi Çan, Tomun nəzarətində olan cərrahiyyə internidir və cərrah olmaq üçün hər şeyə dözməyə hazırdır.
• Cessi Yets — Harper Simms, ikinci il Təcili Tibbi rezidenti və Danni-nin kiçik bacısıdır, əlil arabasında hərəkət edir.
• Nestor Karbonel — Ruben Soriano, Tomun mentoru və müəllimi olan baş cərrah.
• Cessika Rot — Kass Himmelştayn, baş ER tibb bacısı, qolf ustasının qızıdır və Tomla sevgilidir.
• Arturo Del Puerto — Luis, ER-də məsul tibb bacısıdır, əməkdaşları onu çox sevir və o da onları eyni dərəcədə qoruyur.
• Aş Santos — Nia Vaşinqton, qasırğa zamanı yaralanan Təcili Tibbi Yardım işçisi.
• Santyaqo Sequra — Qabriel Moreno, ER tibb bacısı.

2024-cü ilin fevralında Netflix-in Nəbz adlı seriala sifariş verdiyi açıqlanıb. Serialın yaradıcısı Zoi Robin olmaqla yanaşı, o, həm də layihənin baş prodüseri və şouraneri kimi fəaliyyət göstərəcək. Karlton Kus da baş prodüserlərdən biri olacaq.^[3]

İlk olaraq davamlı rol ifaçısı olaraq Castina Maçado elan edilib.^[4] 2024-cü ilin martında Villa Ficerald və Kolin Vudel-in baş rollarda yer alacağı açıqlanıb.^[5] Eyni ayın sonunda Cek Bennon, Cessi T. Aşer, Daniela Niyes, Çelsi Mörhed və Cessi Yets-in serialın heyətinə qoşulduğu elan edilib.^[6]

Serialın premyerası 3 aprel 2025-ci ildə Netflix -də baş tutmuşdur.^[7]

Rotten Tomatoes icmal aqreqator saytı serialı 19 tənqidçinin rəyi əsasında 47% bəyənmə reytinqi qazanıb və orta qiymət 5.0/10 olaraq göstərilib. Orta hesablanmış reytinq sistemindən istifadə edən Metacritic isə 11 tənqidçinin fikrinə əsaslanaraq seriala 100 baldan 48 bal verib və bu, "qarışıq və ya orta" rəylər kimi qiymətləndirilib.^[8]

Variety nəşrinin yazdığına görə, zəif qurulmuş süjet xətti, cinsi zorakılığın dəhşətli şəkildə təsviri və dözülməz personajlar serialı baxımlı etmir.^[9] Time isə serialın #MeToo hərəkatı ilə bağlı süjet xəttini "yetərincə işlənməmiş" adlandıraraq tənqid edib.^[10]

• Nəbz — IMDb səhifəsi