Qaspar Ulliel - Wikipedia - Love.az

Qaspar Ulliel 1984-ci ildə Parisin şəhərkənarı Nöyi-sür-Sen kommunasında stilistlər ailəsində doğulub^[7]. Anası Kristin və atası Serj olmaqla ailədə tək övlad idi^{[8][9][10][11]}. Onun sol yanağındakı çapıq altı yaşında keçirdiyi Doberman hücumunun nəticəsidir^[12]. Uşaq ikən Ulliel kinorejissor olmaq arzulayırdı, liseyi bitirdikdən sonra Sen-Deni Universitetinə daxil olaraq orada kinematoqrafiya üzrə təhsil alır^[13]. O, çəkilməyə hələ məktəbli olarkən başlamışdı^[14], ilk rolunu on iki yaşında televiziya filmində oynamışdı. Fransa televiziyasında yeni aktyor tez bir zamanda özünə diqqət çəkdi və sonrakı illərdə Ulliel bir neçə televiziya layihəsində çəkilməyə başladı.

2005-2008-ci illərdə Qaspar fransız aktrisa Sesil Kassel ilə münasibətdə idi^[15][16]. 2007-ci ildə Şarlotta Kasiragi ilə qısa bir münasibəti olub^[17]. 2008-2013-cü illərdə Cordan Krantell ilə münasibətdə olub^[18].

Qaspar 2013-cü ildən fransız model və müğənni Qaelli Pietri ilə münasibətdə idi. 9 noyabr 2015-ci ildə uşaq gözlədiklərini bildirdilər^[19][20]. Oğulları Orso 12 yanvar 2016-cı ildə anadan olub^[21][22].

19 yanvar 2022-ci ildə məlum oldu ki, fransalı aktyor Savoyyadakı La Rosière xizək kurortunda bədbəxt hadisənin qurbanı olub^[23]. 18 yanvar 2022-ci ildə ailəsi ilə istirahət edərkən iki yamacın kəsişməsində başqa bir xizəkçi ilə toqquşub və ağır kəllə-beyin travması almışdı, təcili yardım vertolyotu ilə La-Tronş yaxınlığındakı Qrönobl şəhərinin universitet xəstəxanasının mərkəzinə çatdırılmışdı və ertəsi gün 37 yaşında vəfat edib^[24]. Sonradan məlum olub ki, Ulliel dəbilqəsiz xizək sürərək təhlükəsizlik tədbirlərinə məhəl qoymayıb. Onunla toqquşan Litvalı xizəkçi xəsarət almamışdı^{[25][26][27][28][29][30]}.