 |
 |
Love.az |  |
 |
Qotfrid Vaqener (alm. Gottfried Wagener; 5 iyul 1831[1], Hannover[1] – 8 noyabr 1892[1], Suruqaday[d], Tokio) və ya Qotfrid Vaqner – Almaniya texniki konsultantı və müəllimi.[2] Meyci dövründə Yaponiyada incəsənət, sənaye, keramika və parçaçılıq sahələrinin inkişafına töhfələr vermişdir.[2]
| Qotfrid Vaqener | |
|---|---|
 | |
| Doğum tarixi | 5 iyul 1831[1] |
| Doğum yeri | |
| Vəfat tarixi | 8 noyabr 1892[1] (61 yaşında) |
| Vəfat yeri | |
| Vəfat səbəbi | ağciyər iltihabı |
| Dəfn yeri |
|
| Təhsili | |
| Fəaliyyəti | kimyaçı, universitet müəllimi[d] |
 Vikianbarda əlaqəli mediafayllar | |
Vaqener hökumət və istehsalçılar üçün məsləhətçilik etmiş, Qərb üslublarını tətbiq etmək, istehsalı artırmaq, xarici ticarət üçün məhsullar hazırlamaq, yapon dulusçuluq məmulatlarını xaricdə populyarlaşdırmaq üçün yollar göstərmişdir.[2] Vaqener ənənəvi yapon incəsənət məmulatlarının öyrənilməsinin, saxlanılmasının və tətbiqinin vacib olduğunu vurğulamışdır.[2]
Qotfrid Vaqener 1831-ci ildə Hannover şəhərində anadan olub və Göttingen şəhərində yerləşən Qeorq-Avqust Universitetindən məzun olub.[2] 1868-ci ildə fabrik tikintisinə kömək etmək məqsədilə Yaponiyanın Naqasaki şəhərinə gedib.[2] Növbəti il səlahiyyətli şəxslərə kömək edərək Arita dulusçuluq məmulatları üçün peçin inkişaf etdirilməsində iştirak edib.[2] 1871-ci ildə Tokioya gedərək müəllim kimi dövlət xidmətinə daxil olub.[2] Uzun müddət Nanko Universitetində və Tokio Universitetində fizika və tətbiqi kimya mövzularında dərslər verib.[2]
1884-cü ildən etibarən Tokio Sənət Məktəbinin Dulusçuluq və Şüşəçilik bölməsinin başçısı vəzifəsini yerinə yetirməyə başlayıb.[2] 1873-cü ildə Vyanada və 1876-cı ildə Filadelfiyada keçirilən beynəlxalq sərgilərdəki yapon iştirakçılar üçün əhəmiyyətli məsləhətlər verib və planlar hazırlayıb.[2] Vaqener yazılarında qeyd edirdi ki, Qərb texnikaları ənənəvi texnikaları əvəz etmək üçün deyil, onları inkişaf etdirmək üçün istifadə olunmalıdır.[2] Bu fikir daha sonra Yaponiya hökumətinin siyasətinə çevrilmişdir.[2] Yaponiyada ilk Qərb keramikası zavodunun tikintisinin səlahiyyəti ona verilib və Yaponiya incəsənətinə həsr olunmuş muzeyin (hazırda Tokio Milli Muzeyi) tikintisinə kömək edib.[2] Vaqenerin digər əhəmiyyətli töhfələri ənənəvi kluazonneni şampleve emalı ilə tanış etməsi və Asahi dulusçuluq məmulatlarını inkişaf etdirməsi olub.[2] Bir çox sahədə Meyci dövrünün sənətçilərinə təsir edib.[2]
Vikianbarda Qotfrid Vaqener ilə əlaqəli mediafayllar var. |
 |
LOVE.AZ |  |
 |
|