Quercus Infectoria Subsp Veneris - Wikipedia - Love.az

Kipr, Ege adalarının şərqi, İran, İraq, Livan-Suriya, Fələstin, Cənubi Qafqaz və Türkiyədə bitir.

Kiçik Qafqazın cənubunda, Naxçıvan MR (Babək, Ordubad rayonları), Zəngilan və Qubadlı rayonları ərazisində dəniz səviyyəsindən 500-1100 m yüksəklikdə bitir. Zəngilan rayonunda Bərquşatçayın dağ ətəklərində bu endemik Qafqaz növünün kiçik areallarına rast gəlinir.

Azərbaycanın nadir bitki növüdür. CR A1ab; B1bc (iii,iv).

Orta dağ qurşağının qarışıq meşələrində daha çox rast gəlinir.

Arealı çox da geniş deyildir.

Təbiətdə 10-15 metr hündürlükdə olan ağacdır. Cavan yaşlarında zoğları yaşlımtıl rəngdə, tüklü olur, sonradan qırmızımtıl rəng alır. Yarpaqları böyük, uzunsov, tərsinə yumurtaşəkilli olub, üst tərəfdən açıq-yaşıl, tüksüz, bəzən sonradan tökülən məxməri tükləri vardır. Yarpağın kənarları tam və ya küt dişli, kiçik və qısa dilimli ola bilir. Yarpaq saplağı 0,3-2,5 sm uzunluğunda olur. Tumurcuq pulcuqları qırmızı rəngdədir. Meyvə saplağı qısa, 0,5-1,5 sm uzunluğunda olur. Meyvə çanaqcığı kürə şəklində olub, 2-3 sm boyundadır. Meyvənin üçdə bir hissəsi qədəhin içindədir. Dəniz səviyyəsindən 1000 m-ə qədər yüksəkliklərə qalxa bilir. May-iyun ayları arasına çiçəkləyir, oktyabr-noyabr aylarında toxumu yetişir

Təbiətdə toxum vasitəsilə çoxalır.

Başlıca olaraq insan fəaliyyətidir.

Mədəni şəraitdə becərilir.

Quraqlığa davamlı, torpağa az tələbkar bitkidir. İşıq və istisevən, duza, yanğına davamlıdır. Çoxlu növ müxtəlifliyi - formaları vardır.

Dağ yamaclarının bərkidilməsində mühüm əhəmiyyət kəsb edir.

Azərbaycanın "Qırmızı kitab"ına daxil edimişdir.

Yeni yasaqlıqların yaradılması vacibdir.

• Quercus infectoria var. veneris (A.Kern.) H.Lindb.
• Quercus lusitanica subsp. veneris (A.Kern.) Holmboe
• Quercus veneris A.Kern.