 |
 |
Love.az |  |
 |
Elis Suki Voterhaus (5 yanvar 1992, London) — İngiltərədən olan müğənni-mahnı yazarı, aktrisa və model. O, 16 yaşında modellik fəaliyyətinə başlamış və sonradan "Burberry", "Tommy Hilfiger", "Hugo Boss", "Laura Mercier" və "Ferragamo" kimi nüfuzlu moda evləri ilə əməkdaşlıq etmişdir.
| Suki Voterhaus | |
|---|---|
| ing. Suki Waterhouse | |
.jpg) | |
| Doğum tarixi | 5 yanvar 1992 (33 yaş) |
| Doğum yeri | |
| Partnyoru |
|
| Fəaliyyəti | model[d], aktrisa, televiziya aktrisası, kino aktrisası, bloger[d] |
| Boyu | 173 sm |
| IMDb | ID4025229 |
 Vikianbarda əlaqəli mediafayllar | |
Aktrisanın kino sahəsindəki ilk təcrübəsi 2012-ci ildə "Pusher" filmində epizodik rol olmuşdur. Bundan sonra o, "Love, Rosie" (2014), "Divergentlər" seriyasından "Üsyançı" (2015), "The Bad Batch" (2016), "Assassination Nation" (2018) və "Pokemon: Xəfiyyə Pikaçu" (2019) kimi filmlərdə rol almışdır. Voterhaus, həmçinin "Daisy Jones & the Six" (2023) musiqili dram mini-serialında Karen Sirko obrazını canlandırmışdır.
Suko moda və aktrisalıq fəaliyyətindən əlavə olaraq, müstəqil pop musiqisi ifaçısı kimi karyerasına başlamış və 2022-ci ildə özünün ilk studiya albomu olan "I Can't Let Go"nu, həmin ildə isə ilk minialbomunu - "Milk Teeth"i ictimaiyyətə təqdim etmişdir. Sənətçinin ikinci albomu olan "Memoir of a Sparklemuffin" 2024-cü ildə işıq üzü görmüşdür.
Elis Suki Voterhaus Londonun Hammermit rayonunda doğulmuşdur.[2] O, onkoloji xəstələrə qulluq edən tibb bacısı Elizabet və plastik cərrah Norman Voterhausun övladı olaraq, Londonun Çizvik ərazisində tərbiyə almışdır.[3] Ailəsində Çarli adlı bir qardaşı və iki kiçik bacısı - model karyerası olan Madlen və model-aktrisa İmocen vardır.[4]
Bu altbaşlığı genişləndirmək lazımdır. |
Voterhaus 2011-ci ildə musiqiçi Lük Priçard, 2012–2013-cü illərdə musiqiçi Mayls Keyn, 2013–2015-ci illərdə aktyor Bredli Kuper və 2015–2017-ci illərdə aktyor Dieqo Luna ilə münasibətdə olmuşdur.[5]
2018-ci ildə Los-Ancelesdə keçirilən "ulduzlu oyun gecəsi"ndə mafia oyununu oynayarkən Voterhaus ingilis aktyoru Robert Pattinsonla tanış olmuşdur.[6][7] 2018-ci ilin iyul ayında onların münasibəti başlamışdır.[8][9][10] 2023-cü ilin noyabrında "Corona Capital" festivalında çıxışı zamanı Voterhaus hamilə olduğunu elan etmişdir. Qısa müddət sonra "People" jurnalına məlum olan mənbə Voterhaus və Pattinsonun nişanlandığını bildirmişdir. 2024-cü ilin mart ayında cütlüyün ilk övladı – qız uşağı dünyaya gəlmişdir.[11] Ailə Los-Ancelesdə yaşayır.[12][13]
 |
 |
LOVE.AZ |  |
 |
|