 |
 |
Love.az |  |
 |
Tarako[a] (たらこ?, 17 dekabr 1960[1], Ota[d], Qunma prefekturası, Yaponiya – 4 mart 2024[2][3][…], Tokio) – Yaponiya seyyusu, aktrisası və müğənnisi. 1990–2024-cü illər ərzində "Chibi Maruko-chan" anime serialının baş qəhrəmanı olan Momoko Sakura personajını səsləndirməsinə görə tanınır.
| Tarako | |
|---|---|
| yap. TARAKO | |
| Doğum tarixi | 17 dekabr 1960[1] |
| Doğum yeri | |
| Vəfat tarixi | 4 mart 2024[2][3][…] (63 yaşında) |
| Vəfat yeri | |
| Fəaliyyəti | müğənni, seyyu, ssenarist, aktrisa, bəstəkar |
| Fəaliyyət illəri | 1981–2024 |
17 dekabr 1960-cı ildə Yaponiyanın Qunma prefekturasında doğulmuşdur. Seyyu karyerasına 1981-ci ildə başlamışdır.[4] "Urusei Yatsura" onun seyyu kimi iştirak etdiyi ilk anime olmuşdur.[5]
1990-cı ildə yayımlanmağa başlayan "Chibi Maruko-chan" animesinin yaradıcısı Momoko Sakura tərəfindən baş qəhrəmanı səsləndirmək üçün seçilmişdir. Sakura onu seçməsinin səbəbi kimi səsinin onun səsinə oxşamasını göstərmişdir. Tarako 34 il boyunca Maruko-çanı səsləndirmişdir.[4]
Tarako "Hunter x Hunter", "Inuyasha" kimi anime seriallarında, "Nausicaä of the Valley of the Wind", "My Neighbor Totoro" və "Castle in the Sky" kimi anime filmlərində personajlar səsləndirmişdir.[5] 2016-cı ildə "Danganronpa" franşizinin talismanı olan Monokumanı səsləndirmək üçün seçilmişdir.[6] Ən son seyyu işi 2024-cü ildə buraxılmış "Dead Dead Demon's Dededede Destruction" anime filmi olmuşdur.[4] "Fushigi no Kuni no Alice" və "Katsugeki Shōjo Tantei Dan" kimi animelərin mahnılarını ifa etmişdir. Tarako "Waku Produce" adlı teatr qrupunun rəhbəri olmuşdur.[5] 2016-cı ildə sinerji kateqoriyası üzrə,[7] 2019-cu ildə isə ailə/uşaqlar kateqoriyası üzrə Seyyu Mükafatına layiq görülmüşdür.[8] 2017-ci ildə nəşr olunmağa başlayan "Heaven's Design Team" manqasının illüstratoru idi.[9]
2024-cü ilin əvvəllərində xəstəlikdən əziyyət çəkdiyi açıqlanmış, 4 mart 2024-cü ildə ölmüşdür.[10]
 |
 |
LOVE.AZ |  |
 |
|