Vikipediya Inzibatcilara Muraciet Arxiv 2024 - Wikipedia - Love.az

Bəlkə 1 ildir AzVikidə inzibatçıların yarıdan çoxunda qeyri-aktivlik müşahidə edilir. Əminəm ki, bunun təkcə mən yox, əksər aktiv istifadəçi və fəal inzibatçılar da görür. SNS-də məqalələr qalaq-qalaq yığılır eyni aktiv inzibatçılar yekunlaşdırır adətən. Çox nadir hallarda baxırsan ki, filan inzibatçı da məqalə yekunlaşdırarmış. Elə inzibatçı var ki, az-maz fəaliyyətinin çox hissəsi elə formadadır ki, hansı ki, bunun üçün heç də inzibatçı olmağa, inzibatçı alətlərinə ehtiyac yoxdur. BNS-də də eyni vəziyyətdir, Laboratoriyada (yəni YM, SM məsələləri) da. İM-də də KM-də də həmçinin.

Bütün bunları nəzərə alıb təklif edirəm ki, əziz inzibatçılarımız gəlin hamılıqla etimad səsvermənizin keçirilməsinə razılıq verin. AzViki qərar versin ki, kimlər həqiqətən layiq və münasibdir inzibatçı olaraq davam etməyə, ya kimlərin inzibatçı olmasına ehtiyac yoxdur və sadə istifadəçi kimi fəaliyyətinə davam edə bilər.

İnanıram ki, mənim bu təklifimlə bütün özfəaliyyətinə arxayın olan, özünü AzVikidə "idarəçi" yox, "inzibatçı" hesab edən, fəallığına, aktivliyinə güvənən və ən əsası bu özgüvənini vikicəmiyyətin də təsdiq edəcəyinə inanan bütün inzibatçılar razılaşacaq. Gəlin ölkəmizdə olmayan seçki demokratiyasını, hesabatlılığı, "kreslo məmuru" olmadığımızı nümayiş etdirək. Əvvəlcədən hər kəsə təşəkkürlər. samral ^müzakirə 20:17, 10 fevral 2024 (UTC)

Açığı mən də bir neçə gün idi ki, bu fikirdə idim. İnzibatçılarımızın bir neçə nəfərini çıxmaq şərti ilə qalanında qeyri-aktivlik müşahidə edirəm. Samralda sağolsun belə bir müzakirə başlatdı. Moses :) 23:12, 10 fevral 2024 (UTC)

@Samral Zəhmət olmazsa aktivlik ilə bağlı yazmışkən o mənim məqalələr ilə bağlı müzakirəyə cavab verərdiniz. 🙂 ✡ Redivy ✡ (müzakirə) 23:15, 10 fevral 2024 (UTC)

KM-dəki müzakirəni də nəzərə alıb inzibatçı statistikasındakı siyahıya uyğun olaraq ən aşağıdan yəni 15-cidən ən yuxarıya, yəni 1-ciyə qədər inzibatçılarımızın adları ilə alt başlıqlar açıram. Kimə 7 lehinə olsa onun da etimad səsvemrəsi başlayar. Belədə mümkündür ki, 15 inzibatçının hamısı üçün etimad səsverməsi olmasın, məsələn deyirəm, 5-i üçün olsun. Bilirəm ki, bu statistika heç də kamil, mükəmməl deyil, lakin düşünürəm ki, ardıcıllıq üçün ən yaxşı variantdır. samral ^müzakirə 02:00, 15 fevral 2024 (UTC)

1.   Əleyhinə:— samral ^müzakirə 02:18, 15 fevral 2024 (UTC)
2.   Əleyhinə: — Tarixi Nadir (müzakirə) 07:28, 15 fevral 2024 (UTC)
3.   Əleyhinə: — Moses :) 08:14, 15 fevral 2024 (UTC)
4.   Əleyhinə: fəal inzibatçıdır. - Dr.Wiki54 (müzakirə) 08:16, 15 fevral 2024 (UTC)

1.   Əleyhinə:— samral ^müzakirə 02:18, 15 fevral 2024 (UTC)
2.   Əleyhinə: — Tarixi Nadir (müzakirə) 07:28, 15 fevral 2024 (UTC)
3.   Əleyhinə: — Moses :) 08:14, 15 fevral 2024 (UTC)
4.   Əleyhinə: - Dr.Wiki54 (müzakirə) 08:22, 15 fevral 2024 (UTC)

1.   Əleyhinə:— samral ^müzakirə 02:18, 15 fevral 2024 (UTC)
2.   Əleyhinə: — Tarixi Nadir (müzakirə) 07:27, 15 fevral 2024 (UTC)
3.   Əleyhinə: fəal inzibatçıdır. - Dr.Wiki54 (müzakirə) 08:16, 15 fevral 2024 (UTC)
4.   Əleyhinə: — Moses :) 08:17, 15 fevral 2024 (UTC)

1.   Əleyhinə:— samral ^müzakirə 02:18, 15 fevral 2024 (UTC)
2.   Əleyhinə: — Firuza (müzakirə) 05:16, 15 fevral 2024 (UTC)
3.   Əleyhinə: — Tarixi Nadir (müzakirə) 07:26, 15 fevral 2024 (UTC)
4.   Əleyhinə: fəal inzibatçıdır. - Dr.Wiki54 (müzakirə) 08:15, 15 fevral 2024 (UTC)
5.   Əleyhinə: — Moses :) 08:18, 15 fevral 2024 (UTC)
6.   Əleyhinə: Ən aktiv inzibatçılardan biridir. — Patriot (müzakirə) 09:55, 15 fevral 2024 (UTC)

1.   Əleyhinə:— samral ^müzakirə 02:18, 15 fevral 2024 (UTC)
2.   Əleyhinə: — Tarixi Nadir (müzakirə) 07:25, 15 fevral 2024 (UTC)
3.   Əleyhinə: fəal inzibatçıdır. - Dr.Wiki54 (müzakirə) 08:15, 15 fevral 2024 (UTC)
4.   Əleyhinə: — Moses :) 08:18, 15 fevral 2024 (UTC)
5.   Əleyhinə: Ən aktiv inzibatçılardan biridir. — Patriot (müzakirə) 09:49, 15 fevral 2024 (UTC)

1.   Əleyhinə:— samral ^müzakirə 02:18, 15 fevral 2024 (UTC)
2.   Əleyhinə: — Tarixi Nadir (müzakirə) 07:24, 15 fevral 2024 (UTC)
3.   Əleyhinə: ən aktiv və lazım olanda getməyi də bilən inzibatçımızdır. - Dr.Wiki54 (müzakirə) 08:13, 15 fevral 2024 (UTC)
4.   Əleyhinə: — Moses :) 08:18, 15 fevral 2024 (UTC)
5.   Əleyhinə: Ən aktiv inzibatçılardan biridir. — Patriot (müzakirə) 09:48, 15 fevral 2024 (UTC)

Qaydalardan danışan istifadəçi qaydaları belə kobud şəkildə pozmamalıdır. İnizbatçıların etimada çıxarılması İlk olaraq inzibatçı müzakirəsində olunmalıdır. Daha sonra etimada çıxarıla bilər. Samral, siz bunu təklif kimi etməli idiniz. Bu formada deyil. Başlatdığınız bu səsvermənin heç bir anlamı yoxdur. Bu formada səsvermə keçirilməsi üçün gərək bunu inzibatçılar müzakirə etsin, sadə səs çoxluğu ilə razılıq əldə olunsa bu səsverməni başlatmaq olar, əks halda qaydalara zidd olduğu üçün heç bir məna kəsb etməyəck. Əslində təklif maraqlıdır reallaşdırmaq olar, lakin ilk öncə dediyim kimi inzibatçı müzakirəsində. Hörmətlə — eldarado(müzakirə | fəaliyyət | meta səhifəsi) 05:28, 15 fevral 2024 (UTC)

Ümumiyyətlə yanaşmanızdan da məqsədli hərəkət olduğu görünür. Münasibətinizin yaxşı olduğu inzibatçıların əleyhinə, pis olduğu inzibatçıların isə lehinə olmusunuz :) misal üçün 1 aydan artıqdır ki, bir redaktəsi olmayan inzibatçının belə lehinə olmusunuz, maraqlıdır. :) — eldarado(müzakirə | fəaliyyət | meta səhifəsi) 05:31, 15 fevral 2024 (UTC)

Samral, təklifinizi KM-də gördüm, lakin demək olar ki, heç kəs buna razı olmayıb lakin siz yenə də hər kəsin etimadı üçün səsvermə başlatmısınız. — eldarado(müzakirə | fəaliyyət | meta səhifəsi) 06:16, 15 fevral 2024 (UTC)

Hörmətli @Eldarado, qaydalara əlavə olunan belə bir dəyişiklikdən xəbəriniz yoxdu yoxsa bunu təzyiq kimi başa düşək? Ola da bilər ki, eyni qaydaları oxuyub başqa cür başa düşək, qaydada hər hansı anlaşılmazlıq varsa da, qeyd edin düzəlişlər üstündə işləyək.— Bikar ^müzakirə 08:22, 15 fevral 2024 (UTC)

Dr.Wiki54, şərhiniz üçün təşəkkür edirəm. Maraqlıdır, tam olaraq hansı fəaliyyətimdən narazısınız ? Hörmətlə: — Baskervill ☼ - De Gəlsin ! 08:28, 15 fevral 2024 (UTC)

İcmadan rica edirəm ki, hansısa inzibatçıya lehinə və ya əleyhinə münasibət bildirən zaman öz fikirlərini əsaslandırsınlar. Ən azından mövzu yaxşı məqalə namizədi və ya hansısa silinməsi yüksək ehtimalı bir məqalə haqqında deyil. Şəxsən məncə qalsın/getsin kimi imzalar kənardan heç də yaxşı görünmür. Hörmətlə;— Baskervill ☼ - De Gəlsin ! 08:31, 15 fevral 2024 (UTC)

Bikar, Təbii ki, xəbərim var. Sadəcə o qaydada səbəbsiz bütün inzibatçıları etimada çıxarmaq olar deyə cümlə yoxdur. O zaman elə çıxır ki, iki ay sonra başqa bir istifadəçi də gəlib hamını səsverməyə çıxara bilər? Bunun üçün səbəb olmalıdı ki, bu səbəbə görə etimad keçirilsin, 7 nəfər də lehinə olsa başlasın səsvermə. Sabah kimin kimdən xoşu gəlməyəcəksə onu çıxaracaq səsverməyə. — eldarado(müzakirə | fəaliyyət | meta səhifəsi) 08:40, 15 fevral 2024 (UTC)

Narahatlığınızı başa düşürəm, qayda qəbulu zamanı qeyd etsəydiniz müzakirə edərdik. 7 nəfər hazırki vikiicmanın aktiv üzv sayına uyğun seçilib. İstifadəçi sayı artdıqca qaydada sayı dəyişmək üçün müzakirələr olacaq. Əgər kiminsə kimnən xoşu gəlmirsə onu etimad səsverməsinə çıxartsa, bəs qalan 6 nəfər necə olacaq, tutaq 6 nəfər də tapdı, inzibatçıya səsvermə keçirildi. Əgər vikiicma narazı deyilsə onun əleyhinə səs verməz axı.

Bəli istifadəçilərin inzibatçıları etmizad səsverməsinə çıxarması yeni mexanizmdi, istifadə olunmadığına görə nəticələrin necə olacağını bilə bilmərik. Bu dəyişikliyə səs verənlər də problem olmayacağını düşünüb səs veriblər. Nə qədər ki, çox istifadəçimiz yoxdu, və olan istifadəçilər aşağı-yuxarı tərəfsizdilər. Mexanizmləri sınaqdan keçirmək lazımdı ki, gələcəkdə viki alt-üst olmasın.— Bikar ^müzakirə 08:50, 15 fevral 2024 (UTC)

Bikar yuxarıdakı müzakirənin tərəfsiz keçirildiyini hesab edirsiniz ? Lütfən Eminnin fəaliyyətinə nəzər salın. 45 günə yaxındır ki, redaktəsi yoxdur, ancaq ona əleyhinə səslər verilir. Sizcə burada hansı meyarllar əsas götürülür ? Aktivlik, faydalılıq yoxsa on illərə dayanan qarşılıqlı atışmalar, sataşmalar və sairələr ?— Baskervill ☼ - De Gəlsin ! 08:59, 15 fevral 2024 (UTC)

Müzakirə hələ yekunlaşmayıb, ikincisi istifadəçilər inzibatçıları təkcə aktivliyə görə yox, nəzakətə görə də qiymətləndirə bilərlər. Ola da bilər ki, viki özünü Fərid məsələsinə görə Emin-in "hədəf" göstərilməsində günahkar sayır. Müzakirə hələ yekunlaşmayıb, ilk dəfədi belə müzakirə aparlır, nəticəyə uyğun nələrisə öyrənmiş olacaq. — Bikar ^müzakirə 09:05, 15 fevral 2024 (UTC)

Azvikidə günah çıxarmaq funksiyasının olduğunu bilmirdim. Yenilik oldu həqiqətən. Hörmətlə— Baskervill ☼ - De Gəlsin ! 09:09, 15 fevral 2024 (UTC)

Qeyd etdiklərim sadəcə ehtimaldı, müzakirə bitəndə bir daha qiymətləndirmə apararıq.— Bikar ^müzakirə 09:11, 15 fevral 2024 (UTC)

Bikar mövzuya yanaşmanız maraqlıdır və haqsız da deyilsiniz. Lakin mən mövzunun qaydalar çərçivəsində həll olunmasının tərəftarıyam. Əks halda mənə də maraqlıdır ilk dəfə belə hall baş verə bilər və maraqlı təcrübə olar bilər. Hörmətlə — eldarado(müzakirə | fəaliyyət | meta səhifəsi) 09:17, 15 fevral 2024 (UTC)

Salam. Vikicəmiyyətin inzibatçılar üzərində nəzarətinin olması yaxşı haldır. @Dr.Wiki54, @Baskervill, müzakirəni tam oxuya bilmədim, amma sizin iradlarınızı gördüm. Davamlı fəal ola bilmirəm. Xüsusən, iş yerimi dəyişdiyim üçün axır 45 gündə fəal olmamışam. Bundan sonra hər gün, hər həftə redaktə edəcəyimə və bütün texniki işləri görə biləcəyimə də söz vermirəm. Zaman olduqca fəaliyyət göstərirəm. Düşünürəm ki, çox aktiv olmasam da, gördüyüm işlər Vikipediya üçün zərərli deyil, faydalıdır. Vikicəmiyyət statusun alınmağını istəsə də, buna etiraz etmirəm. Hər kəsin fikrinə hörmətlə yanaşıram. Xüsusən bunu qeyd edim ki, statusumun alınması üçün verilən səslər şəxsi münasibətlərə təsir etməyəcək. İnzibatçı statistikasına əsasən, son 6 aydakı fəaliyyətim, məncə, qənaətbəxş olub. Amma @Baskervill qeyd etdiyim kimi, yanvarın 3-dən sonra fəaliyyətim olmayıb. Eminn (müzakirə) 09:33, 15 fevral 2024 (UTC)

Eminn məlumat üçün təşəkkür edirəm. Hesab edirəm ki, İnzibatçı statistikasına əsasən ən az fəaliyyəti olan 4-5 inzibatçının üzərində dayanmaq lazımdır. — Baskervill ☼ - De Gəlsin ! 09:39, 15 fevral 2024 (UTC)

@Baskervill, mən bu barədə bir müddət əvvəl də qeyd yazmışdım hansısa müzakirə səhifəsinə. Tutaq ki, ən az fəaliyyəti olan 4-5 inzibatçının statusunu alırıq. Onların təxminən altı ayda 400 texniki fəaliyyəti var. Bununla o 400 fəaliyyəti də itiririk axı. Digər Vikipediyalarda inzibatçı statistikasına da baxmışdım. Orda da bütün inzibatçılar məsələn @Nemoralis kimi fəal deyillər. Hamı eyni cür fəaliyyət göstərə bilməz. Eminn (müzakirə) 09:49, 15 fevral 2024 (UTC)

 N Bürokratların ümumi qərarına əsasən kütləvi etimad səsverməsi dayandırılmışdır. Etimad göstərmək istədiyiniz istifadəçini səbəbi ilə birlikdə ayrı ayrılıqda qaydalara uyğun olaraq müzakirəyə çıxara bilərsiniz. Hörmətlə — eldarado(müzakirə | fəaliyyət | meta səhifəsi) 10:20, 15 fevral 2024 (UTC)

1.   Lehinə:— samral ^müzakirə 02:18, 15 fevral 2024 (UTC)
2.   Lehinə: — Firuza (müzakirə) 05:15, 15 fevral 2024 (UTC)
3.   Lehinə: 2024-cü il üçün cəmi 8 redaktəsi, 0 sayda patrul fəaliyyəti var. — Patriot (müzakirə) 07:01, 15 fevral 2024 (UTC)
4.   Lehinə: — Moses :) 08:10, 15 fevral 2024 (UTC)
5.   Lehinə: hər nə qədər aktiv olduğu dönəmdəki fəaliyyətini bəyənsəm də.. - Dr.Wiki54 (müzakirə) 08:11, 15 fevral 2024 (UTC)
6.   Əleyhinə:   Lehinə: ifrat dərəcədə qeyri-aktivlik müşahidə etmişəm təəssüf ki. --► Hörmətlə: SolaVirum 16:33, 15 fevral 2024 (UTC)

   @Solavirum, yəqin ki, lehinə vermək istəmisiniz. Hörmətlə, Gadir^müzakirə 17:15, 15 fevral 2024 (UTC)

    Y --► Hörmətlə: SolaVirum 17:54, 15 fevral 2024 (UTC)

7.   Lehinə: ✡ Redivy ✡ (müzakirə) 22:28, 15 fevral 2024 (UTC)

  Şərh:, inzibatçı özü statusundan ► imtina etdiyi üçün fəaliyyətinə münasibət bildirməyi dayandırıram.— Sortilegus (müzakirə) 02:09, 16 fevral 2024 (UTC)

1.   Lehinə: — samral ^müzakirə 02:18, 15 fevral 2024 (UTC)

     Əleyhinə: — Moses :) 08:12, 15 fevral 2024 (UTC)

     Bitərəf: nisbi olaraq fəaldır, amma fəaliyyətinə tam göz gəzdirməmişəm. - Dr.Wiki54 (müzakirə) 08:17, 15 fevral 2024 (UTC)

2.   Lehinə: mən elə hesab edirdim müzakirələr aktivliklə bağlıdır, şərhlərimi də ona görə əlavə etmişdim. İndi isə ümumi aspektdən şərhimi bildirirəm, Eldarado inzibatçı və bürokrat olaraq yeni qaydalardan xəbərdar olmur. Bir dəfə VP:SSK üçün də mənimlə şiddətli mübahisə etmişdi. Mübahisələr zamanı vikidaxili tədbirlərlə bağlı (təhdidvari) şərhləri düzü yaraşdırmamışdım. Ən son isə bu etimad müzakirələrində nümayiş etdirdiyi tələskənlik, qeyri-kpnstruktivlik inzibatçıya yaraşmır. Fikrimcə vikiicma yenidən qiymətləndirmə etməlidir. - Dr.Wiki54 (müzakirə) 22:02, 15 fevral 2024 (UTC)
3.   Lehinə: keçən ilin axırlarında nümayiş etdirdiyi davranış səbəbilə. Yarım il ərzində vikidaxili davranışının konstruktiv istiqamətdə müsbət addımlar müşahidə etməmişəm. --► Hörmətlə: SolaVirum 16:32, 15 fevral 2024 (UTC)
4.   Lehinə: VP:KM-dakı müzakirədə bildirmişəm. Moses :) 18:14, 15 fevral 2024 (UTC)
5.   Lehinə: ✡ Redivy ✡ (müzakirə) 01:18, 16 fevral 2024 (UTC)
6.   Əleyhinə: aktiv və tərfsiz olduğuna görə. Bəlkə də bəzi istifadəçilər hansısa addımlarını sərt dəyərləndirə bilərlər, amma bəzən o cür sərt və qətiyyətli addımlar atılmayanda sonradan böyük qarışıqlıqlar ortaya çıxır.— Sortilegus (müzakirə) 02:13, 16 fevral 2024 (UTC)
7.   Əleyhinə: Fəaliyyətini qənaətbəxş hesab edirəm, etimad səsverməsi keçirilməsi üçün lüzum görmürəm.— Nicat^{49   ⋠müzakirə⋡} 05:06, 16 fevral 2024 (UTC)
8.   Lehinə: şəxsən tanıdığım bir vikipediyaçıdır. Amma qərarları bəzi hallarda narazılıqlara gətirib çıxarır. Dr.Wiki54 və Solavirum-un qeydləri ilə razıyam — Toghrul R (m) 06:41, 16 fevral 2024 (UTC)
9.   Əleyhinə: İstifadəçinin inzibatçı kimi fəaliyyətində ciddi nöqsanlar yoxdur. Eminn (müzakirə) 07:26, 16 fevral 2024 (UTC)
10.   Lehinə: əvvəlki fikrim əleyhinə idi. Fəaliyyətini qənaətbəx satmaq olar. Amma son müzakirələrdə tutduğu mövqe, Viki icma üzvlərinin fikirlərinə münasibəti təəssüf doğurdu. — Tarixi Nadir (müzakirə) 07:39, 16 fevral 2024 (UTC)
11.   Lehinə: Toghrul R ilə razıyam. Tərəfsiz olduğunu düşünmürəm.— Turkmen ^müzakirə 07:51, 16 fevral 2024 (UTC)
12.   Əleyhinə: viki deyəndə ilk ağıla gələn simalardandır. mən etimad göstərirəm. Atakhanli (müzakirə) 09:06, 16 fevral 2024 (UTC)
13.   Lehinə: - Yuxarıda "lehinə" səs verənlərin hər birinin fikirlərinə qatılıram.— Rəcəb Yaxşı (müzakirə) 09:45, 16 fevral 2024 (UTC)
14.   Lehinə: Yuxarıda bir çox istifadəçinin yazdığı arqumentlərlə ayrı-ayrılıqdan razıyam. Grenzsoldat 10:35, 16 fevral 2024 (UTC)
15.   Lehinə: Bürokrat və inzibatçı olaraq tərəfsizlikdə nümunə olmaq yerinə daim ikili standart tətbiq etdiyi üçün etimad keçirilməlidir. Nemoralis (müzakirə) 11:23, 16 fevral 2024 (UTC)

 Y VP:İBSQ qaydalarına əsasən minimum 7 lehinə səs verildiyi üçün etimad səsverməsi başladılmışdır. Hörmətlə — eldarado(müzakirə | fəaliyyət | meta səhifəsi) 07:09, 17 fevral 2024 (UTC)

1.   Lehinə:— samral ^müzakirə 02:18, 15 fevral 2024 (UTC)
2.   Lehinə: — Firuza (müzakirə) 05:16, 15 fevral 2024 (UTC)
3.   Lehinə: — Moses :) 08:13, 15 fevral 2024 (UTC)
4.   Lehinə: fəal olmayan inzibatçıdır. Müzakirələr gərginləşəndə fəaliyyəti aktivləşir. - Dr.Wiki54 (müzakirə) 08:18, 15 fevral 2024 (UTC)
5.   Əleyhinə: ciddi problem görməmişəm. --► Hörmətlə: SolaVirum 16:34, 15 fevral 2024 (UTC)
6.   Lehinə: Müzakirələrdə demək olar ki, iştirak etmir və inzibatçı kimi fəaliyyəti yoxdur.— Baskervill ☼ - De Gəlsin ! 22:04, 15 fevral 2024 (UTC)
7.   Əleyhinə:, Babəkin inzibatçılığından azviki ancaq qazana bilər, heç nə itirməz. Bircə dəfə də olsun inzibatçı kimi yanlış qərar verdiyinin şahidi olmamışam. — Sortilegus (müzakirə) 02:15, 16 fevral 2024 (UTC)
8.   Əleyhinə: Aktivliyi azalsa belə qaydalarda qeyd olunan sayda inzibatçı alətindən istifadə edir. Buna görə də lehinə olmağım üçün bir səbəb görmürəm. — eldarado(müzakirə | fəaliyyət | meta səhifəsi) 03:25, 16 fevral 2024 (UTC)
9.   Lehinə: Fəaliyyətində ciddi nöqsanlara yol verməyib amma inzibatçı kimi də ciddi fəaliyyətinin olduğunu düşünmürəm. Qeyri aktiv inzibatçılarımızdan biridir.— Patriot (müzakirə) 04:16, 16 fevral 2024 (UTC)
10.   Əleyhinə: Ən təcrübəli inzibatçılardandı, fəaliyyətini qənaətbəxş hesab edirəm, etimad səsverməsi keçirilməsi üçün lüzum görmürəm.— Nicat^{49   ⋠müzakirə⋡} 04:53, 16 fevral 2024 (UTC)
11.   Lehinə: Babək Akifoğlu Vikipediya üçün dəyərli şəxsdir. Onun inzibatçı səlahiyyətlərinə daxil olmayan məsələlərdəki aktivliyi təqdirəlayiqdir. Sırf inzibatçılıq məsələsinə gəldikdə çatışmazlıqların olduğunu — müzakirələrdə, strateji qərarların verilməsində aktiv iştirak etməməsini müşahidə etmişəm. — Toghrul R (m) 06:47, 16 fevral 2024 (UTC)
12.   Lehinə: demək istədiklərimi yuxarıdakı yoldaşlar qeyd edib. — Tarixi Nadir (müzakirə) 07:11, 16 fevral 2024 (UTC)
13.   Əleyhinə: İnzibatçı statusunu daşımasının Vikipediya üçün faydası var. Ola bilər hansısa məsələlərdə fəal deyil. Məncə, Babək Akifoğlunun bu statusu itirməsi ilə Vikipediya müəyyən qədər itirəcək, heç nə əldə etməyəcək. Eminn (müzakirə) 07:28, 16 fevral 2024 (UTC)
14.   Bitərəf: ilk dövlərimdə aktivliyini daimi müşahidə etmişəm. Amma təssüf ki, indi az hallarda daxil olur. Amma etibarlı istifadəçi olduğunu düşünürəm. Bu səbəbdən qərarsız qaldım.— Turkmen ^müzakirə 07:53, 16 fevral 2024 (UTC)
15.   Lehinə: Son dövrlər az fəaliyyət göstərdiyinə görə. Aktivliyi yenidən artsa təkrar inzibatçı olması üçün səs verərəm.— Rəcəb Yaxşı (müzakirə) 09:48, 16 fevral 2024 (UTC)
16.   Lehinə:— Xayala Mammadli (müzakirə) 10:20, 16 fevral 2024 (UTC)
17.   Lehinə: Aradabir gəlib 1-2 ip ünvanını bloklayıb getsə də müzakirələrdə iştirakı sıfırdır. Nemoralis (müzakirə) 11:24, 16 fevral 2024 (UTC)
18.   Lehinə: Nemoralis ilə razıyam. Hörmətlə, Gadir^müzakirə 12:03, 16 fevral 2024 (UTC)

 Y VP:İBSQ qaydalarına əsasən minimum 7 lehinə səs verildiyi üçün etimad səsverməsi başladılmışdır. Hörmətlə — eldarado(müzakirə | fəaliyyət | meta səhifəsi) 07:09, 17 fevral 2024 (UTC)

1.   Əleyhinə:— samral ^müzakirə 02:18, 15 fevral 2024 (UTC)
2.   Əleyhinə: Fəaliyyətini həmişə stabil saxlayır. Heç vaxt uzun müddətli deaktiv olduğunu görməmişəm. — Patriot (müzakirə) 07:27, 15 fevral 2024 (UTC)
3.   Əleyhinə: — Tarixi Nadir (müzakirə) 07:30, 15 fevral 2024 (UTC)
4.   Əleyhinə: — Moses :) 08:12, 15 fevral 2024 (UTC)
5.   Lehinə: İndiyədək olan müzakirələrdə müvafiq fikirlərimi bildirmişəm. - Dr.Wiki54 (müzakirə) 08:13, 15 fevral 2024 (UTC)
6.   Əleyhinə: Wertuose fəaliyyətini daha aktiv şəkildə qurmalıdır. İcma üçün xüsusi yeri olan şəxsdir. Bu fikiri çoxları qəbul etməsə də, reallıq bundan ibarətdir.— Baskervill ☼ - De Gəlsin ! 22:06, 15 fevral 2024 (UTC)
7.   Əleyhinə: əsasən illərdir ki, tərəfsizliyinə, obyektivliyinə görə— Sortilegus (müzakirə) 02:10, 16 fevral 2024 (UTC)
8.   Əleyhinə: zərərli fəaliyyətini görməmişəm. Ara sıra aktivliyi azalsa da fəaliyyəti dəyərlidir. — eldarado(müzakirə | fəaliyyət | meta səhifəsi) 03:23, 16 fevral 2024 (UTC)
9.   Əleyhinə: Ən təcrübəli inzibatçılardandı, fəaliyyətini qənaətbəxş hesab edirəm, etimad səsverməsi keçirilməsi üçün lüzum görmürəm.— Nicat^{49   ⋠müzakirə⋡} 05:07, 16 fevral 2024 (UTC)
10.   Əleyhinə: Təcrübəli inzibatçılara ehtiyac var. Eminn (müzakirə) 07:25, 16 fevral 2024 (UTC)
11.   Əleyhinə: Təmiz fikirli, açıq sözlü və tərəfsiz istifadəçilərə ehtiyac var. Wertuose Azviki üçün önəmlidir.— Turkmen ^müzakirə 07:45, 16 fevral 2024 (UTC)
12.   Əleyhinə: Yuxarıda qeyd olunan fikirlərə istinadən.— Xayala Mammadli (müzakirə) 08:07, 16 fevral 2024 (UTC)
13.   Əleyhinə: mən etimad edirəm. Atakhanli (müzakirə) 08:30, 16 fevral 2024 (UTC)
14.   Əleyhinə: Ölkədə Vikipediya deyəndə ilk ağlıma gələn insanlardandır. Təcrübəlidir, qərəzsizdir, konstruktivdir. Ən əsası da icmanı bir arada tutmaq istiqamətində çalışır. Təkcə bu xüsusiyyəti mənim üçüm kifayət edir ki, bu vəzifədə qalsın.— Firuza (müzakirə) 15:14, 16 fevral 2024 (UTC)
15.   Əleyhinə: — A.Aida88 (müzakirə) 11:52, 17 fevral 2024 (UTC)
16.   Lehinə: ən çox oflayn fəaliyyəti mövcuddur. Oflayn fəaliyyəti üçün mütləq inzibatçı olmağı vacib olmadığını düşünürəm. Oflayn fəaliyyətində inzibatçı alətlərindən istifadə etmək olmur onsuzda, bunu istifadəçi və yaxud patrul da olsa edə bilər. — Xeyal ^(müzakirə) 15:55, 17 fevral 2024 (UTC)
17.   Lehinə: Xəyalla razıyam. Əlavətən, hüquq mükafat, titul yaxud vəzifə deyil. Yəni oflayn fəaliyyət üçün bu hüquq lazım olmadığı kimi, sırf bu səbəbə, oflayn töhfələrə görə də hüququn saxlanılması düzgün addım deyil. Onsuz bu qədər əleyhinə var, səsvermədə də eyni hal təkrarlanacaq. Oflayn fəaliyyətə görə çoxlu qarşı səslər gəlib və də bəzi istifadəçilər də çox güman ki, buna görə mövqe bildirməyiblər. İnzibatçı alətlərindən istifadəyə görə ən passiv inzibatçıdır (son 6 ayda sadəcə 33 dəfə) və son 6 ay ərzində təxmini 500-550 civarında redaktə ilə ən passiv inzibatçıdır. Viki üçün vacib müzakirələrdə də (onlayn) iştirakı yoxdur və inzbatçıların passivlik mövzusu açılanda istifadəçiləri fəaliyyətini məhdudlaşdırmaqla hədələyirdi. Hətta bir müzakirədə qaydaya zidd olmasına baxmayaraq, mübahisə tərəfi istifadəçini bloklamışdı. Ətraflı məlumat üçün arxivlərə baxa bilərsiniz. Hörmətlə, Gadir^müzakirə 16:21, 17 fevral 2024 (UTC)

 N VP:İBSQ-yə uyğun olaraq 7 lehinə səs olmadığı üçün sorğu qəbul edilmədi. — Turkmen ^müzakirə 06:03, 21 fevral 2024 (UTC)

1.   Lehinə:— samral ^müzakirə 02:18, 15 fevral 2024 (UTC)
2.   Əleyhinə: — Moses :) 08:15, 15 fevral 2024 (UTC)
3.   Bitərəf: bəzən fəal, bəzən isə qeyri-fəal olur. Ona görə fikir bildirə bilmirəm. - Dr.Wiki54 (müzakirə) 08:19, 15 fevral 2024 (UTC)
4.   Əleyhinə: konstruktiv inzibatçıdır. --► Hörmətlə: SolaVirum 16:32, 15 fevral 2024 (UTC)
5.   Əleyhinə: İnzibatçı kimi faəliyyəti zəif olsa da, müəyyən qədər fəaliyyəti var. Ən azından ondan daha passiv inzibatçıların olduğunu nəzərə almaq lazımdır.— Baskervill ☼ - De Gəlsin ! 22:05, 15 fevral 2024 (UTC)
6.   Əleyhinə: həm tərəfsiz inzibatçı olduğu, həm də müəyyən məqamlarda mübahisə tərəflərini ortaq məxrəcə gətirmə qabiliyyətinin şahidi olduğum üçün.— Sortilegus (müzakirə) 02:17, 16 fevral 2024 (UTC)
7.   Əleyhinə: Dəyərli inzibatçıdır və tərəfsizliyinə şübhəm yoxdur. Eyni zamanda lehinə olmağım üçün də bir səbəb görmürəm. Sadəcə önəmli müzakirələrdə də ara sıra iştirak etsə çox gözəl olar. — eldarado(müzakirə | fəaliyyət | meta səhifəsi) 03:26, 16 fevral 2024 (UTC)
8.   Əleyhinə: Nicat49-la nəinki azvikidə, eləcə də digər vikilərdə, Vikianbarda da rastlaşırıq. Xırda və qısa redaktələr etsə də, inzibatçı fəaliyyəti ilk 3-lükdə olanlarla eyni olmasa da, çox səviyyəli, adekvat və yerində işlər görür. Bu səbəbdən fəaliyyətini yüksək qiymətləndirirəm. — Toghrul R (m) 03:57, 16 fevral 2024 (UTC)
9.   Əleyhinə: Fəaliyyətini həmişə qənatbəxş hesab etmişəm. — Patriot (müzakirə) 04:59, 16 fevral 2024 (UTC)
10.   Bitərəf: Əvvəllər daha aktiv idi. Belə davam edərsə növbəti dəfə əsas namizədlərdən olacaq. — Tarixi Nadir (müzakirə) 07:14, 16 fevral 2024 (UTC)
11.   Əleyhinə: Nicat49 Vikipediyaya yanaşmasını ən çox bəyəndiyim inzibatçılardandır. Ona görə qətiyyən statusunun alınmasını istəmirəm. Eminn (müzakirə) 07:30, 16 fevral 2024 (UTC)
12.   Əleyhinə: Eminn ilə razıyam.— Turkmen ^müzakirə 07:54, 16 fevral 2024 (UTC)
13.   Bitərəf: Fortius-94 (Müzakirə) 08:27, 16 fevral 2024 (UTC)
14.   Əleyhinə: Tərəfsiz və fəal inzibatçı olduğu üçün.— Rəcəb Yaxşı (müzakirə) 09:50, 16 fevral 2024 (UTC)
15.   Əleyhinə: Stabil idarəçidir. Grenzsoldat 10:34, 16 fevral 2024 (UTC)
16.   Əleyhinə: İngiliscə Vikipediyadakı redaktələrimə görə də mənə təşəkkür edən yeganə inzibatçıdır)) Eyni yanaşmanı başqa istifadəçilərdə də təkrarlayır. O da konstruktivdir, mübahisə etməyib müzakirə edənlərdəndir. Vəzifədən uzaqlaşdırmaq üçün səbəb görmürəm.— Firuza (müzakirə) 15:22, 16 fevral 2024 (UTC)
17.   Əleyhinə: Etimad edirəm. Hər bir istifadəçiyə qarşı diqqətlə yanaşır. Heç zaman polimiklərdə iştirak etdiyi görməmişəm.— A.Aida88 (müzakirə) 12:03, 17 fevral 2024 (UTC)
18.   Əleyhinə: fəaliyyəti qənaətbəxşdir. — Xeyal ^(müzakirə) 15:41, 17 fevral 2024 (UTC)
19.   Bitərəf: Əvvəlki fəaliyyətləri ilə indiki arasında elə də çox fərq görülmür. İnzibatçı kimi qənaətbəxşdir, amma viki üçün vacib məsələlərin həllindəki müzakirələrdə (onlayn) arada-sırada iştirak etsə çox yaxşı olar. Hansı ki, bu səbəbə görə Babək Akifoğlu istifadəçisinə səslər verilib və etimad başladılıb. Bu dəfə bitərəf qalıram. Hörmətlə, Gadir^müzakirə 17:35, 17 fevral 2024 (UTC)

 N VP:İBSQ-yə uyğun olaraq 7 lehinə səs olmadığı üçün sorğu qəbul edilmədi. — Turkmen ^müzakirə 06:04, 21 fevral 2024 (UTC)

1.   Lehinə:— samral ^müzakirə 02:18, 15 fevral 2024 (UTC)
2.   Bitərəf: ümumi inzibatçı fəaliyyətindən narazı olsam da, hazırda aktiv görünür. - Dr.Wiki54 (müzakirə) 08:24, 15 fevral 2024 (UTC)
3.   Lehinə: əvvəl də qeyd etmişəm, heç inzibatçı yox, istifadəçi kimi davranışı ("behavior") zərərlidir Azərbaycanca Vikipediya üçün. Təkcə aktivlik əhəmiyyət daşımır, davranış baxımdan da konsruktiv olmaq lazımdır. --► Hörmətlə: SolaVirum 16:31, 15 fevral 2024 (UTC)
4.   Əleyhinə: Bəzi hallarda bəzi istifadəçilər ilə problem yaşasa da, mən ümumilikdə Baskervill-in azvikiyə faydası toxunduğunu hesab edirəm və inzibatçılıqdan getməsini istəmərəm. Unutmayaq ki, SNS, Xəbərlər, seçilmiş məqalə kimi işlərdə daim aktiv olub. Bunu gözardı edə bilmərik. — Sura Shukurlu (müzakirə) 20:38, 15 fevral 2024 (UTC)
5.   Əleyhinə:, fəaliyyətində razılaşmadığım məqamlar olub. Amma son 2 ildə azviki üçün gördüyü texniki inzibatçı işləri əvəzsizdir. Bir də sanki son illər haqsız yerə həmişə hədəfə gətirilməklə müəyyən istifadəçilər tərəfindən daim təzyiq altında tutulmağa çalışıldığını sezdiyim üçün.— Sortilegus (müzakirə) 02:20, 16 fevral 2024 (UTC)
6.   Əleyhinə: Fəaliyyətində fasilələr olsa da, sonra bu boşluğu kompensasiya edə bilir. Fəaliyyətini qənaətbəxş hesab edirəm, etimad səsverməsi keçirilməsi üçün lüzum görmürəm.— Nicat^{49   ⋠müzakirə⋡} 05:02, 16 fevral 2024 (UTC)
7.   Lehinə: İnzibatçı gərək mütəmadi olaraq vikipediyaya daxil olsun. Baskervill isə vikipediyaya son illərdə uzun zamandan bir daxil olur. — Araz Yaquboglu (müzakirə) 06:18, 16 fevral 2024 (UTC)
8.   Lehinə: inzibatçı olaraq aktivləşsə də, illər boyu bir sıra problemlərin olmasını gözardı edə bilmirəm. Hətta son dövrlərdə də buna rast gəlinmişdi. Buna görə də inzibatçı kimi fəaliyyətinə yenidən baxılmalı olduğunu düşünürəm. — Toghrul R (m) 06:53, 16 fevral 2024 (UTC)
9.   Lehinə: Təəssüf ki, adətən mübahisələrdə tərəf olur. Fəaliyyətini istifadəçi kimi davam etdirməsinin daha düzgün olacağını düşünürəm. Eminn (müzakirə) 07:33, 16 fevral 2024 (UTC)
10.   Lehinə: etibarsız istifadəçidir. Burada könüllü olduğunu düşünmürəm.— Turkmen ^müzakirə 07:55, 16 fevral 2024 (UTC)
11.   Əleyhinə: Sura Shukurlunun fikirlərinə istinadən, Azərbaycan vikipediyası üçün faydalı inzibatçılardan olduğunu düşünürəm.— Xayala Mammadli (müzakirə) 08:05, 16 fevral 2024 (UTC)
12.   Lehinə: — İnzibatçı fəaliyyətsiz olduğu dövrlərdə belə inzibatçılıqdan çıxarılması ilə bağlı söhbətlər açılanda buna daima neqativ yanaşıb. Hər zaman özünə qarşı bir oyun getdiyini, gizli planların qurulduğunu iddia edib. Burda altdakı şərhlərdə də bunun şahidi olmaq olar. Azvikidə əziyyəti var çox sağ olsun. Amma hələ də başa düşə bilmirəm ki bu inzibatçılıq insanlara nə verir ki bundan əl çəkmək istəmirlər. Əvvəlki vaxtlarda vaxt çatdıra bilmədikləri üçün inzibatçılıqdan imtina edən Nemoralis və Sura Shukurlu eləcə də bu son söhbətlərdən sonra vəzifədən imtina edən Burocana təşəkkür edirəm. Ən azından onların timsalında görürük ki normal nümunə necə olmalıdır. Rəcəb Yaxşı (müzakirə) 10:01, 16 fevral 2024 (UTC)
13.   Lehinə: Yuxarıda bir çox istifadəçinin yazdığı arqumentlərlə ayrı-ayrılıqdan razıyam. Grenzsoldat 10:33, 16 fevral 2024 (UTC)
14.   Lehinə: qeyd edilən fikirlərlə razıyam. Moses :) 10:38, 16 fevral 2024 (UTC)
15.   Lehinə: Statistik olaraq aktiv olsa da istifadəçilərlə davranışı və danışığı inzibatçıya yaraşmır. Milyon dəfə müzakirə gedib Baskervill barədə.— Nemoralis (müzakirə) 11:22, 16 fevral 2024 (UTC)

  Şərh: Yavaş-yavaş söhbətlərin məğzi üzə çıxmağa başlayır. Onsuzda hamı bilirdi ki, elə inzibatçılar var ki, onların statuslarının alınması sadəcə olaraq mümkün deyil. Həmin inzibatçıları da gözdən pərdə asmaq üçün namizəd göstərməklə, əsas hədəfdəki 2-3 inzibatçıdan "xilas olmaq" fikiri əsas götürülüb. Araz Yaquboglu hansı zaman aralığını və ya fasiləni nəzərdə tutursunuz ? Turkmen etibarsız tam olaraq nə deməkdir ? 10 ildən çoxdur ki, bu lahiyədə könüllü olaraq fəaliyyət göstərmişəm və göstərməkdə davam edirəm. Hansı xüsusi marağım ola bilər ? Lütfən ünvanlamış olduğunuz böhtanı əsaslandırın. — Baskervill ☼ - De Gəlsin ! 08:01, 16 fevral 2024 (UTC)

Bu kimi "AzTV-sayağı" çıxəşlar elə səsvermədə göstərilən mövqelərə əsas qazandırır. Bu arada, istənilən inzibatçının statusu alına bilər, elə mənim də, sizin də. Burada peyğəmbərlik qatına çıxmış olan insan yoxdur hələ ki. Standart səsvermə prosesidir, icmanın rəyi kimisə narahat etməməlidir. --► Hörmətlə: SolaVirum 08:06, 16 fevral 2024 (UTC)

Solavirum, açıq formada kobudluq etməyə davam edirsiniz. Mən başa düşürəm ki, istənilən inzibatçının statusu alına bilər, ancaq burada qərəz olmamalıdır. Məsələn bir inzibatçı deyir ki, etibarsız adamdır. Bu tam olaraq nə deməkdir ? Digər tərəfdən köhnə palanlar tökülür və əllərində konkret faktlar olmadığı üçün illər əvvəl baş vermiş və bağlanmış, icmanın bununla bağlı öz qərarını verdiyi məsələlər yenidən gündəmə gətirilir. O zaman mənə maraqlıdır ki, başqa inzibatçılara qarşı bu hal niyə tətbiq olunmur ? Kənardan bu səsvermələr koordinasiya edilmiş bir plan, lahiyə təsiri bağışlayır. — Baskervill ☼ - De Gəlsin ! 08:10, 16 fevral 2024 (UTC)

Harada kobudluq etmişəm? Siz ciddi-ciddi elə yanaşırsınız ki, III sinif Azərbaycan dili dərsliyində yazılanlardan qıraq nəsə qeyd etmək kobudluqdur? Mənim dediyimdə səhvlik yoxdur. Yaxşı, mən də "AzTV-sayağı" danışım. "Yavaş-yavaş söhbətlərin məğzi üzə çıxmağa başlayır"; "Kənardan bu səsvermələr koordinasiya edilmiş bir plan, lahiyə təsiri bağışlayır" – bu ifadələr təxribat xarakterlidir, istənilən sağlam müzakirənin arxasına bədxasiyyət qoşur. Nə demək istəyirsiniz, açıq şəkildə deyin. Bu səsvermə sistemini mən və White Demon Tbilisidə olan zaman görmüşük və dəstəkləmişik. İvritcə Vikipediyada vardı. Bütün dünya sizə qarşı ola bilməz (olursa da, sizdədir problem deməli). Burada dəfələrlə bəhs edilib bunun haqqında və Samral, görünür ki, təşəbbüs göstərib. Düzdür, burada sizinlə danışmaq heç bir müsbət nəticəyə gətirib çıxarmır, mən bunu dəfələrlə görmüşəm. --► Hörmətlə: SolaVirum 08:35, 16 fevral 2024 (UTC)

Rəcəb Yaxşı haqqımda xoş sözlər yazıb, lehinə səs verməyiniz maraqlıdır. Sual edirsinz ki, inzibatçılıq insanlara nə verir ki, bundan əl çəkə bilmirlər. İcazənizlə mən də, sual edim ki, nə üçün inzibatçılıq statusumu təhvil verməliyəm ? Bir halda ki, inzibatçı alətlərindən istifadə edirəm, Ana səhifə, SNS və sairə işləri görürəm və belə olan halda durduq yerə nə üçün bu statusu təqdim etməliyəm ? Sizcə mən hansı səbəblərə görə bu hüququmdan imtina etməliyəm. Lütfən məni və icmanı məlumatlandırın.— Baskervill ☼ - De Gəlsin ! 10:14, 16 fevral 2024 (UTC)

Grenzsoldat hansı məsələ ilə razısınız ? Fəaliyyətimdəki hansı məqamlar sizi qane etmir ? — Baskervill ☼ - De Gəlsin ! 10:35, 16 fevral 2024 (UTC)

Yuxarıda qeyd elədim. Xahiş edirəm mövqeyimə təsir və təyziq göstərməyin. Çox sağolun. Grenzsoldat 10:38, 16 fevral 2024 (UTC)

Grenzsoldat mən sizə təyziq göstərdim ? Sadəcə sual verdim ki, hansı fəaliyyətim sizin xoşunuza gəlməyib. Belə məlum olur ki, ortada təqdim edəcək heç bir faktınız yoxdur. — Baskervill ☼ - De Gəlsin ! 10:42, 16 fevral 2024 (UTC)

 Y VP:İBSQ qaydalarına əsasən minimum 7 lehinə səs verildiyi üçün etimad səsverməsi başladılmışdır. Hörmətlə — eldarado(müzakirə | fəaliyyət | meta səhifəsi) 07:10, 17 fevral 2024 (UTC)

1.   Lehinə:— samral ^müzakirə 02:18, 15 fevral 2024 (UTC)
2.   Əleyhinə: — Moses :) 08:17, 15 fevral 2024 (UTC)

     Əleyhinə: hazırda fəaldır. Sadəcə inzibatçı alətlərindən istifadənin %95-i silmədir ki, bu da fəaliyyəti zamanı səhifə addəyişmələri və s. üçün icra etdiyi prossesdir. - Dr.Wiki54 (müzakirə) 08:22, 15 fevral 2024 (UTC)

3.   Lehinə: mən elə hesab edirdim müzakirələr aktivliklə bağlıdır, şərhlərimi də ona görə əlavə etmişdim. İndi isə ümumi aspektdən şərhimi bildirirəm, Sortilegus aramızda həm yaşca böyük, həm təcrübəcə öndə olan istifadəçidir. Lakin şəxsi nöqteyi-nəzərimdən inzibatçı bunu hər dəfə faktor kimi ortaya ataraq qeyri-konstruktivlik göstərir. İnzibatçıların "toxunulmazlığı" olmamalıdır. Müzakirələrdəki mövqe qarşıdurmalarında inzibatçının istifadəçilərlə rəftarı ümumən xoş olmur. Bu səbəbdən vikiicmanın şəxsə etimad səsverməsi daha məqsədəuyğun olar. O ki qaldı Gadir sizə, sizə bir neçə dəfə də demişəm, yenə deyirəm, mənim fikrimə şərh bildirərək öz fikrinizi mənim fikrim imiş kimi göstərməyin. Lazım biləndə öz fikrimi bildirərəm, dəyişərəm, silərəm. Hər nə qədər bu dəfə üst-üstə düşsə də, siz nə demək istədiyimi yəqin ki anladınız. - Dr.Wiki54 (müzakirə) 22:07, 15 fevral 2024 (UTC)

   Belə gərginləşməyinizə ehtiyac yoxdur. Şərh bildirmisiniz, mən də cavab yazmışam. Öz fikrimi yazmışam, öz fikrimi heç vaxt başqalarının ya da sizin fikriniz kimi göstərməmişəm, göstərmirəm. Niyə belə yazmısınız anlamadım. O ki qaldı əsaslı şərh yazdım və siz də fikrinizi yenidən gözdən keçirib yanıldığınızı qeyd edərək təkrar qərar verdiniz. Sizə hörmətlə, Gadir^müzakirə 22:10, 15 fevral 2024 (UTC)

   Yuxarıda da qeyd etdiyim kimi "Hər nə qədər bu dəfə üst-üstə düşsə də". Dr.Wiki54 (müzakirə) 22:13, 15 fevral 2024 (UTC)

   Anlamadım. Müzakirələrdə sizin yazdıqlarınıza istinad etmək ya da nəyisə düzəltmək, açıqlama vermək olmaz? Bu, necə sizin adınıza danışmaq olur? Hörmətlə, Gadir^müzakirə 22:17, 15 fevral 2024 (UTC)

4.   Lehinə: istiqamətləndirilmiş şəxsi hücumlar səbəbilə. Onun etdiklərini mən etsəydim səhərisi gün bloklanardım. --► Hörmətlə: SolaVirum 16:35, 15 fevral 2024 (UTC)
5.   Lehinə: Dr.Wiki54 qeyd etdiyi lehinə səbəbidir əslində. Təəccübləndim, yəqin aktivliyə görə əleyhinə səs verib, amma bir təkcə aktivlik yox, fəaliyyət və konstruktiv davranış lazımdır inzibatçı kimi. Bundan əlavə, özünü hər dəfə inzibatçı passivliyi ilə bağlı müzakirələrdə sərt və kobud qarşı çıxmaları ilə görürəm sadəcə (sadə bir nümunə, Dr.Wiki də xəbərdarlıq edib istifadəçiyə.), müzakirə ad fəzasındakı fəaliyyəti bundan ibarətdir demək olar. Bir də inzibatçıdan cavabdehlik tələb edən istifadəçiləri qərəzli adlandırılması, bir sözlə təzyiq və ilişilməsi. Bu, məndə tərəfli fəaliyyət şübhəsi də yaradır. Məsələn, buradakı müraciətə də dönüş olmayıb. Qeyd edilən digər şey, özünün səhifə addəyişmələri sırasında avtomatik etdiyi texniki silmələrdir ki, inzibatçı statistikasına baxanda görürsünüz ki, son 6 aydakı 1108 işləmdən 1060-ı məhz bununla bağlıdır, texniki silmə işləmləridir. Bütün bunların nəzdində bu hüquqları simvolik olaraq daşımaq doğru deyil. Necə deyərlər, işi əhlinə vermək lazımdır. Bu 1 həftə ərzində fikirlərimi əsaslandırıb digər başlıqlara da fikrimi bildirəcəyəm. Hörmətlə, Gadir^müzakirə 17:07, 15 fevral 2024 (UTC)
6.   Əleyhinə: müzakirələrdən kənar dursa da, biologiya ilə bağlı məqalələrdə davamlı fəaliyyətini görürəm. Ən təcrübəli istifadəçilərimizdəndir. Solavirum ilə mübahisədə isə təkcə bir tərəfi günahlandırmağım düzgün olmaz. — Bikar ^müzakirə 17:53, 15 fevral 2024 (UTC)

   Yanaşmanız doğrudur? Axı inzibatçılıq mükafat deyil. Bəyəm istifadəçi kimi redaktələr edib töhfə vermək olmur? Elə özünüz. İndi sizə hüquq verək ki, yaxşı, sadəcə aktivsiniz deyə? Bir də "müzakirələrdən kənar dursa da" və "ən təcrübəli istifəçilərimizdəndir" də doğru yanaşma deyil. Hüququ təcrübəyə görə verilsə, ala biləcək başqa istifadəçilər də var. Götürək 10-15 illik istifadəçilərə hüquq verək də. Əsas odur ki, o təcrübəni müzakirələrdə görək, yoxsa nə faydası? Simvolik olaraq daşımağın nə mənası? Həmçinin bu təcrübələrdən istifadəçi kimi də faydalana bilərik. İstifadəçini itirmirik ki. Yox əgər inzibatçı hansısa statusa görə fəaliyyətinə davam edib-etməməyə qərar verməyəcəksə. Hüquq vəzifə ya da mükafat deyil, bir daha qeyd edirəm altını çizərək. Hörmətlə, Gadir^müzakirə 18:10, 15 fevral 2024 (UTC)

   @Gadir, tutağ inzibatçılığı alındı əlinnən, 6 ayda 1060 texniki silməni necə həyata keçirəcək? — Bikar ^müzakirə 18:37, 15 fevral 2024 (UTC)

   İnzibatçılar istifadəçilər arasındakı münaqişələrə müdaxilə edir. Bunun bağlı olan təcrübəsini nəzərdə tutmuşam.— Bikar ^müzakirə 18:45, 15 fevral 2024 (UTC)

   Bunu bir istifadəçi kimi də edə bilməyi mümkün deyil sizcə? Həmçinin belə bir hal yadıma gəlmir düzü. Passiv inzibatçıları müdafiə etdiyini görmüşəm sadəcə. Varsa da daha çox bu olduğu üçün yadımda elə qalıb. Hörmətlə, Gadir^müzakirə 18:50, 15 fevral 2024 (UTC)

   Profilaktik blok tətbiq edə biləcək istifadəçi? — Bikar ^müzakirə 18:54, 15 fevral 2024 (UTC)

   Siz necə, mən necə, eləcə. {{sil}} şablonu yerləşdirərək. İstiqamətləndirmələri izləmək müəyyən alət və səhifələrlə də mümkündür. Sayın çox olması nəyisə dəyişmir. Texniki silmələr üçün inzibatçılıq lazımdır təkcə? Ümumi fəaliyyət göstərən inzibatçılar yerinə yetirə bilərlər bu işi. Nemoralis ən aktiv inzibatçıdır, məsələn. Bir dəfəyə o qədər olmayacaq ki, onsuz hər gün silinəsi şeyləri oturub incələyib silir, bunu da edə bilər. Digər arqumentlərə də fikirləriniz maraqlıdı. Hörmətlə, Gadir^müzakirə 18:46, 15 fevral 2024 (UTC)

   Sayın çox olması nəyisə dəyişir. Adam indiyə kimi illərdi məqalələr silib də. Sən də deyirsən ki, hüququ alınsın, silinmədə araya bir mərhələ də əlavə olunsun. — Bikar ^müzakirə 18:53, 15 fevral 2024 (UTC)

   İndiyə kimi silibsə, bu müddətsiz hüquq daşımağa dəlalətdir? Yox, sadəcə sənə bir şey deyim. Bu 1060 texniki silmə təkcə son 6 aya aiddir. Yəni sən deyirsən ki, indi bu qədər silməni inzibatçılar edə bilməyəcək və yığılıb qalacaq? Bundan çoxunu da edirlər. Həmçinin bütün bu nüanslarla yanaşı uzun müddətli fəaliyyətə görə də etimad səsverməsi labüddür. Bir də deyirəm, hüquq mükafat deyil. Hörmətlə, Gadir^müzakirə 18:59, 15 fevral 2024 (UTC)

   İndiyə kimi silibdən söhbət gedmir, redaktələrinə yaxşı baxsan başa düşərsən ki, hələ düzəldəcəyi çox məqalə var. Uzunmüddətli fəaliyyətə görə etiamd səsverməsi sonrakı mərhələdi. Hələ narazılıq olanları səsverməyə çıxara bilmirik..— Bikar ^müzakirə 19:03, 15 fevral 2024 (UTC)

7.   Əleyhinə: Fikir bildirən istifadəçilər fikirlərini bir necə cümlə ilə əsaslandırmış olsalar daha yaxşı olar. Əks halda bu tipli müzakirələr tərəfli və qərəzli görünür. Sortilegus ən çox təcrübəsi olan 1-2 inzibatçıdan biridir. Aktiv fəaliyyəti var. — Baskervill ☼ - De Gəlsin ! 22:03, 15 fevral 2024 (UTC)
8.   Əleyhinə: Lehinə səs verməyim üçün bir səbəb görmürəm. Çox aktiv fəaliyyəti var, öznəmli müzakirələrdə həmişə iştirak edir. — eldarado(müzakirə | fəaliyyət | meta səhifəsi) 03:29, 16 fevral 2024 (UTC)
9.   Əleyhinə: Ən təcrübəli və aktiv inzibatçılardandı, etimad səsverməsi keçirilməsi üçün lüzum görmürəm.— Nicat^{49   ⋠müzakirə⋡} 04:50, 16 fevral 2024 (UTC)
10.   Əleyhinə: Fəal admindir. — NKO ^zi 05:24, 16 fevral 2024 (UTC)
11.   Əleyhinə: Demək olar ki, hər gün vikipediyada olur və İnzibatçı kimi alətlərdən istifadə edir. — Araz Yaquboglu (müzakirə) 06:20, 16 fevral 2024 (UTC)
12.   Lehinə: əvvəlki fikrim əleyhinə idi, aktivdir, əaliyyəti qənaətbəxşdir. Amma son müzakirələrdə tutduğu mövqe, Viki icma üzvlərinin fikirlərini heçə sayması məyus etdi. — Tarixi Nadir (müzakirə) 07:20, 16 fevral 2024 (UTC)
13.   Əleyhinə: Heç kimin fəaliyyəti mükəmməl və qüsursuz deyil. Sortilegus şəxsən mənim Vikipediyanı öyrənməyimdə ən çox kömək edən istifadəçi olub. Ümumi fəaliyyəti Azviki üçün əvəzedilməzdir.— Eminn (müzakirə) 07:36, 16 fevral 2024 (UTC)
14.   Əleyhinə: — Turkmen ^müzakirə 08:00, 16 fevral 2024 (UTC)
15.   Əleyhinə: Fortius-94 (Müzakirə) 08:28, 16 fevral 2024 (UTC)
16.   Əleyhinə: — Rəcəb Yaxşı (müzakirə) 10:13, 16 fevral 2024 (UTC)
17.   Əleyhinə: - Çox təcrübəli istifadəçidir. Hər zaman nəzakət qaydalarına riayət edir. — A.Aida88 (müzakirə) 11:57, 17 fevral 2024 (UTC)
18.   Lehinə: Bəzən çox aqressiv davranır, əks tərəfi düşmənçilikdə ittiham edir. Etimad keçirilməli olduğunu düşünürəm. — Nemoralis (müzakirə) 14:22, 17 fevral 2024 (UTC)
19.   Lehinə: Dr.Wiki54 həmkarın fikirlərinə qatılıram. Səsverməyə çıxarılması doğru addımdır. — Xeyal ^(müzakirə) 15:39, 17 fevral 2024 (UTC)

  Şərh: Mən təşəkkür edirəm mənim fəaliyyətimlə bağlı həm mənfi, həm müsbət fikir bildirən hər bir kəsə. Aşağıda o fikirlərə cavab yazmağa çalışacağam. Şərhimdən yuxarıda vikipediyaçılarımız fikirlərini bildirməyə davam etsələr çox sevinərəm.

1. Hər şeydən əvvvəl müzakirəni başladan Samrala etirazımı bildirmək istərdim. Mənim etimad səsverməmin keçirliməsini istəyirsiniz, amma fəaliyyətimlə bağlı heç bir irad yazmamısınız. Yəni bu cür yanaşmanı mən sadəcə şəxsimə qarşı qərəz olaraq dəyərləndirə bilərəm. Çünki belə olan halda mən sizə cavab vermək imkanından da məhrumam. Digər inzibatçılar haqqında da sadəcə "lehinə", "əleyhinə" olaraq fikir bildirirsiniz. O mövqelərinizdən də anlaşılır ki, şəxsi münasibətlərə görə bu cür fikirlər bildirirsiniz, özü də heç bunu gizlətmirsiniz də. Məsələn, Solavirumun etimad səsverməsinin keçirilməsini istəmirsiniz. Sizin ikinizin İP-ləriniz o qədər çox üst-üstə düşüb ki, ingilis vikisi sizi Solavirumun kuklası olaraq bloklayıb. Dediyimin təsdiqi ► burada öz əksini tapıb. Siz burda kuklası kimi bloklandığınız inzibatçını dəstəkləyirsiniz, yəni şəxsi münasibətləri bu qədər açıq ortaya qoyursunuz, sizi deyək ki, sosial şəbəkələrin birində bloklayan mənə isə qarşı çıxırsınız. Bu yanaşmanızı doğru saymıram və düşünürəm ki, tərəfsizlik hər bir vikipediya redaktorunun başlıca keyfiyyətlərindən biri olmalıdır. — Sortilegus (müzakirə) 00:52, 16 fevral 2024 (UTC)

2. Hörmətli Dr.Wiki54 sizin də mənim haqqımda olan fikirlərinizə hörmətlə yanaşıram, amma onlarla razı deyiləm. Mən heç vaxt təcrübədə kimdənsə öndə olduğumu deməmişəm. Ola bilər nə vaxtsa burada hansısa müzakirədə azvikidə uzun müddətli fəaliyyət göstərdiyimi yaza bilərəm, yeni istifadəçilərə keçmişdə burada baş verən hansısa çəkişmələrdən-filan örnək gətirə bilərəm, amma bu hamıdan təcrübəli olmağım anlamına gəlmir. Mənim azvikidə uzunmüddətli fəaliyyət göstərdiyim isə heç kimə sirr deyil ki. Mən 2007-ci ildən azvikidə fəaliyyət göstərirəm və cəmi 1 ildən sonra vikiicmanın etimadını qazanıb inzibatçı (o vaxt idarəçi) seçilmişəm. Və bütün bu illər ərzində də həmişə tərəfsizliyimi qorumaqla, haqlı qərar verməyə çalışmaqla bu etimadı doğrultmağa cəhd göstərmişəm. Əgər mən kiminləsə kobud rəftar etsəydim, burada inzibatçıya yaraşmayan tərəf tutmaqla məşğul olsaydım ► bu səhifəm bu cür ağ qalmazdı. Burada o qədər bir-birini bloklayan inzibatçı olub ki. Mən fəaliyyət göstərdiyim 14 ildə 1 dəfə də bloklanmamışam. Əgər düşünürsünuzsə ki, azvikinin 2007-ci ildən bu günə qədər 17 il ərzində gəlib keçən 40 inzibatçısı hamısı məndən qorxub, ona görə mən qayda pozanda da məni bloklamayıblar, məncə yanılırsınız. — Sortilegus (müzakirə) 01:06, 16 fevral 2024 (UTC)

3. Solavirum mən sizə qarşı nə şəxsi hücum edəcəm ki? Burada həmişə hamıya qarşı hücumda olan sizsiniz. Heç uzağa getməyim - dünən Kənd meydanında yazdığınız ► bu şərhə baxın. Yazırsınız, xoşunuza gəlir ki, kimlərsə stresə düşür, 2 həftədən bir belə stresə salmaq lazımdır kimlərisə, vəzifə şirin şeydir. Bu cür danışıq tərzi inzibatçıya yaraşan danışıq tərzi deyil. Çox təəssüf edirəm ki, məhz siz bu cür danışıq tərzini, kobudluğu azvikidə açıq müzakirələrdə artıq qəbul olunan bir hala gətirdiniz. Sizə qədər azvikinin heç bir inzibatçısı bu cür kobud şərhlər yazmayıb. Lap söyüş söyən də olub, buna görə bloklanan da olub, amma kobudluğu, lovğalığı bir sistem şəklinə ilk dəfə siz saldınız, çox təəssüf. Və sizi dəstəkləyənlərin də əsasən İP-ləriniz üst-üstə düşənlər, ya nə bilim haralardansa şəxsi tanışlığınız olduğu istifadəçilər olduğu gün kimi aydındır. Düşünürəm ki, bu cür kobud istifadəçi nəinki inzibatçı olmamalıdır, hətta onun burada fəaliyyəti məhdudlaşdırılmalıdır.— Sortilegus (müzakirə) 01:18, 16 fevral 2024 (UTC)

4. Gadir, mənim etimad səsverməmin keçirilməsini istəyənlər içərisində yenə də heç olmasa fəaliyyətimi az-çox araşdırıb irad bildirərək mövqe ortaya qoyan hələlik yeganə şəxs olduğunuz üçün sizə təşəkkür edirəm. Amma iradlarınızla razı deyiləm. Birincisi, hansısa müraciətlərə cavab verməməyimi irad tutursunuz. Yazırsınız ► buradakı müraciəti cavabsız qoymuşam. Mən robot deyiləm axı, bəzən gözümdən yayınan müraciətlər də olur. Yəni 20 müraciətə baxanda 1-2-si də gözümdən yayına bilər. Bunu heç inzibatçıya irad tutmaq olar? İkincisi də elə müraciət olar bilər ki, heç ona cavab vermək istəməyə bilərəm. Elə provakativ, adamı mübahisəyə çəkən müraciətlər olur ki, onları sadəcə iqnor etməyi üstün tuturam. Bu da inzibatçının hüququdur. Yəni siz məndən tələb edə bilməziniz ki, nə soruşsanız gərək mütləq hər şeyə cavab verim. İnzibatçı alətlərindən yetərincə istifadə etməməyi mənə irad tutmaqda da haqsız davranırsınız. Mən son 6 ayda 15 inzibatçı arasında inzibatçı alətlərindən ən aktiv istifadə edən ►4-cü inzibatçıyam. Yazırsınız ki, 1108 inzibatçı alətindən istifadənin 1060-ı silmə əməliyyatıdır. Amma digər inzibatçılara baxın - elə məndən öndə olanlarda 90-95% silmə əməliyyatlarıdır. Ad qeyd etməyim amma birində 1744-dən 1579-u, bir başqasında 1189-dan 987-si, bir az daha yaxşı nəticə 2690-dan 2369-du, amma yenə də silmə əməliyyatı bütün inzibatçıların fəsliyyətinin 90-95%-ni təşkil edir. 1-2% aralarında fərq ola bilər. Buna görə sadəcə mənə irad tutmaq nə qədər haqlıdır? — Sortilegus (müzakirə) 01:35, 16 fevral 2024 (UTC)

@Sortilegus, elə bu yersiz ittihamlarınız məni bütün viki cəmiyyətin önündə haqlı çıxartdı ki, deməli mən düz etmişəm sizin əleyhinizə (etimad səsverməsi keçirilməsinin lehinə) səs vermişəm. İttihamlarınıza cavab verməyə lüzum görmürəm, çünki yenə bütün viki cəmiyyət mənim EnVikidə bloklanmağıma səbəb olan eyni ip (viki-layihə səbəbilə) mövzusunu bilir. Orada - EnVikidə müzakirə səhifəmdə də bu barədə zatən kifayət qədər ətraflı yazmışam. Böyük ehtimalla siz özünüz də onu oxumusuz. Sadəcə burada qıcıq yaratmaq, mənə sataşmaq üçün bu cür yazmısız. Lakin təəssüf ki, oyununuza gəlməyəcəm. Hər halda razılaşarsız ki, haqlı-haqsız dəfələrlə bloklanan biri kimi artıq belə şeylərdə təcrübəliyəm. Kimə lehinə, kimə əleyhinə səs vermişəm, düz etmişəm, şəxsi işimdi. Bu barədə nə sizə, nə də kiməsə hesabat verəsi deyiləm. Nə sizin, nə də kiminsə ixtiyarı yoxdur ki, məndən hesabat tələb edə. Əksinə aktiv bir istifadəçi kimi mən sizdən hesabat tələb edə bilərəm ki, məsələn niyə 1200 inzibatçı redaktənizin 1000-dən çoxu texniki silmələrdi? Bəyəm elə inzibatçı və bürokratın yeganə işi bu mu olmalıdır? Məsələn mənim ixtiyarım var sizə deyəm ki, neçə illərdir həm bürokratsız, həm də inzibatçı. Bəlkə bir az dincələsiz. İllərdi də eyni priyomlar. Elə ki, etimad səsverməsi məsələsi gəlir gündəmə, dərhal həyəcanlanırsız, narahat olursuz. Niyə? Sizə çox sadə bir sual verim. Siz və ya həmfikir olduğunuz, lehinə olduğunuz kimsə inzibatçı seçiləndə tələb etmisiz səsini əsaslandırsın? Əminəm ki, yox. Mən özüm də heç vaxt görməmişəm. Yaxşı, bəs necə olur, kimsə (içi siz qarışıq) inzibatçı və ya bürokrat seçiləndə heç nə siz, nə bir başqası tələb etmir öz lehinə səsivi əsaslandır, arqument irəli sür filan. Amma inzibatçılığın əleyhinə, etimad səsverməsinin lehinə olan kimi dərhal hücuma keçirsiz. Ay nə bilim əsaslandır, ay nə bilim arqument irəli sür, ay nə bilim yoxsa deməli qərəzlisən. Və s. Və i. Cənab Sortilegus, məncə istirahət vaxtıdır. samral ^müzakirə 02:36, 16 fevral 2024 (UTC)

Samral, diqqət etsəniz görərsiniz ki, mən sizin Solavirum ilə eyni adam olduğunuzu iddia etmirəm. Elə əsas problem də bundadır ki, haradasa eyni layihədə iştirak edən, haradasa eyni yerdə işləyən adamların yaxın münasibətləri yarandığı üçün vikipediyadakı fəaliyyətlərində də bu tərəfliliklərini əks etdirirlər və beləcə qruplaşmalar, "7-ləşmələr" yaranır. Problem olan budur. 1200 silmə redaktəsi ilə bağlı bir az yuxarıda cavab yazmışam. ►Bura baxa bilərsiniz, bütün inzibatçıların fəaliyyətinin 90-95% elə silmə əməliyyatlarıdır. Bu normaldır. Bunu sadəcə mənə irad tutmaq məncə haqsızlıqdır. Siz düşünün ki, 1200 inzibatçı əməliyyatının 1000-i bloklama olaydı. Problem onda olardı. Qaldı ki, Bəlkə bir az dincələsiz təklifinizə - mənim qayğıma qaldığınız üçün təşəkkür edirəm, ammma mən özümü kifayət qədər gümrah hiss edirəm, dincəlməyə hələ ki, ciddi ehtiyac duymuram :) Amma inzibatçıya "Get dincəl" demək də hər sıradan vikipediyaçının ağlına gələn iş deyil. Mənim fəaliyyətimlə bağlı hər hansısa fikir bildirmək istəməmənizə, nə deyim vallah, buna görə də sizə ancaq təşəkkür düşür, durub iradlara cavab verməm lazım gəlməyəcək demək ki.— Sortilegus (müzakirə) 03:08, 16 fevral 2024 (UTC)

@Sortilegus, söhbət konkret hansı 7-ləşmədən gedir? Ad çəkə bilərsiz? O layihədə 3 aktiv istifadəçi var idi. (Digər 4-ü layihə bitən kimi fəaliyyətini də dayandırıb.) Mən, Nemoralis və Solavirum. Və biz cəmi 3 həftə birlikdə işlədik, çünki mən Azərbaycandan köçdüm layihə başlayandan 1 ay sonra. Qeyd edim ki, layihə bəlkə 1 aydır bitib. Və ən əsası elə həmin vaxtda da, yəni biz birlikdə işləyəndə də, layihə davam etdiyi müddətdə də əksər hallarda müxtəlif mövzularda fərqli mövqe nümayiş etdirirdik. Çünki həqiqətən də üçümüz də əksər mövzularda fərqli düşünürük. Hətta dəfələrlə olub ki, bir birimizin yaratdığı məqaləni SNS etmişik və ya əksər hallarda istər SNS-də, istərsə də BNS-də 180 dərəcə fərqli mövqelər nümayiş etdirmişik. Bəzi məsələlərdə, bəzi inzibatçıların etimad səsverməsi üçün mövqelərdə fikirlərimiz üst üstə düşə bilər. Bəli. Və bu, hər halda razılaşarsız ki, tam normaldır. Necə ki, mən də çox hallarda müşahidə edirəm ki, siz, Eldarado və Baskervillin əksər vaxtlarda mövqeləri üst-üstə düşür və bir-birinizi çox vaxt, hətta qaydaları pozmaq hesabına müdafiə edirsiz. Amma heç vaxt sizi qruplaşma olmaqda, nə bilim "3-lük"-lər yaratmaqda, sizin dilinizdə desək "3-ləşmələrdə" ittiham etməmişəm. İndi biz 3 həftə birlikdə işləmişik deyə, məsələn deyirəm, Solavirum sizin lehinizədirsə, "birdən Sortilegus bizi qruplaşmada ittiham edər" deyib mən bu səsvermədə əleyhinə olmalıyam? Və ya əksinə? Bu nə absurd yanaşmadır. 95 faiz silməni isə misal üçün dedim. Mənim əsas sözümün canı o idi ki, necə ki kimsə inzibatçı seçiləndə, təklif ediləndə, səsvermə keçiriləndə nə siz, nə də bir başqası bu formada israrla və ya ümumiyyətlə əsaslandırma, arqumentasiya tələb etmirsə, əksinə, əleyhinə olanda da, və ya etimad səsverməsi təklifi, səsvermənin özü olanda da tələb edilməməlidir, etməməlisiz. Bu qədər sadə. samral ^müzakirə 03:34, 16 fevral 2024 (UTC)

Samral, məni 1 layihədə iştirak etməniz, bir yerdə işləməniz narahat etmir. Lap ola bilər ki, bir sinifdə oxuyasınız, bir yataqxanada qalasınız. Sizin vikipediyada bir-birinizi tərəfli olaraq hər yerdə dəstəkləməniz, bir olub kimlərinsə əleyhinə getməniz narahat edir. İndi burda mənim fəaliyyətimin müzakirəsi gedir, mən durub sizin fəaliyyətinizdən misallar gətirməyi, linklər verməyi düzgün hesab etmirəm. Amma sizi əsassız ittiham etmək kimi çıxmaması üçün lap ən son müşahidələrimdən birini deyim. Vikipediya:İnzibatçı müzakirəsi səhisəsində Turalhemidli adlı istifadəçinin blokunun açılmasında Solavirumun yazdığı şərhlərə baxın. Sonrasa silinmə üçün müzakirəsi gedən səhifələr arasında elə Solavirumun özünün həmin istifadəçi haqqında yaratdığı Tural Həsənqarayev məqaləsinin müdafiəsinə şəxsən sizin yazdıqlarınıza baxın. Dəyərli alimlərə "hansısa AMEA professoru" deyir, ancaq bir magistr tələbəsi haqqında özünün yaratdığı məqaləni, şəxsin özünün blokunun götürülməsini belə həvəslə müdafiə edir və siz də onu dəstəkləyirsiniz. Yəni mənim yerimə özünüzü qoyun və bu iki hadisə arasında bir bağ qurmağa çalışın - hansı nəticəyə gələrsiniz? Mən burada sadəcə tərəflilik, şəxsi münasibət görürəm. Yəni burada inzibatçıların müzakirələrində də o tərəfliliyinizi mən sezirəm. Bunu deməklə məncə nə sizi, nə də Solavirumu təhqir etmirəm.— Sortilegus (müzakirə) 03:54, 16 fevral 2024 (UTC)

@Sortilegus, mövzulardan yayınır və ancaq sizə sərf edənlərə cavab verirsiz. Baxın psixologiyada belə bir şey var, mən sizdən soruşsam ki, bu gün işdən evə gələndə küçədə neçə qırmızı maşın görmüsüz? Əlbəttə ki, siz bilmirəm, saymamışam deyərsiz. Amma mən desəm ki, sabah diqqət edərsiz, çünki saydığınız hər qırmızı maşına görə sizə mükafat veriləcək, əlbəttə ki, siz başlayarsız diqqətlə bütün qırmızı maşınları saymağa. Hətta təəccüblənərsiz ki, nə çox imiş və ya əksinə nə az imiş, mən heç belə bilməzdim. İndi mən bu psixoloji təsbiti sizə niyə danışdım, sözümün canı bilirsiz nədir? Biz 3 aktiv istifadəçi bir layihədə iştirak edəndən sonra siz də digər 2 "qruplaşma üzvünüz" kimi özüvüzü inandırmısız ki, "vse, bunlar qruplaşmadır". Bir söz vare deyir "əlində olan yeganə alət çəkicdirsə, hər şey sənə mismar kimi görünəcək". İndi siz də nəzərinizdə bu cür tutmusuz deyə, "ki, biz qruplaşmayıq", 10 məsələdə zidd olsaq da, 2-3 məsələdə oxşar mövqe sərgiləyəndə siz dərhal ona diqqət edir, onu yadda saxlayır və deyirsiz ki, "aha, deməli mən haqlı imişəm.". Keçən dəfə Solavirum Azərbaycan Film Akademiyası idi deyəsən onun rəhbəri, onun kino layihəsi, filmləri, serialları hər şeyini SNS etmişdi. Ümumilikdə 5-10 məqalə olardı. Təkcə mən qarşı çıxmışdım. Belə hallar çoxdu. Amma görürsüz, siz onu demədiz. Nəyi dediz? Oxşar mövqe sərgilədiyimiz 1 məqaləni.))) Çünki onu görürsüz. Çünki onu görmək istəyirsiz. Çünki özünüzü bizim qruplaşma olduğumuz uydurmasına inandırmısız. Öz də kimlərlə? Layihə bitən kimi fəaliyyətini dayandırmış digər 4 nəfərlə də birlikdə. Ümumilikdə 7 nəfər. Sizdən fərqli olaraq təkcə özümə sərf edən şeylərə cavab verməyəcəm. Qoy heç bir iddianız yerdə qalmasın. Tural Həmidi Vikipediyada fəal istifadəçi olan vaxtlarından tanıyıram qiyabi. Onu da deyim ki, tamam fərqli əqidə nümayəndələriyik, Facebook-da mübahisəmiz də olub, hətta, səhv etmirəmsə bloklaşmışıq. Nəysə. Sonradan o Vikipediyada bloklandı. Mən bilən inzibatçılar haqlı idilər onu bloklayanda, düz etmişdilər, yadımda qalan qədərilə. Nəysə. Sonra mən onun "AzLogos" saytında tarixi-elmi məqalələrini gördüm. 1-2-3, beləcə neçəsini oxudum. Çox bəyəndim. Dəhşət obyektiv, mənbəli, istinadlı, həm bir az Vikipediya üslubunda, bir az elmi, bir az publisistik, xülasə çox bəyəndim. Və hətta başladım Vikipediyada bir çox məqalələrə Mənbə və ya Xarici keçidlər bölmələrinə əlavə etməyə ki, kimsə o məqalələri nə vaxtsa təkmilləşdirsə elə birinci bu mənbədən istifadə etsin. Azərbaycancadı da həm də. İndi gəlin açıq danışaq. And olsun Allaha Tural Həmid kimi obyektiv, faydalı, elmi, tarixi, mühüm məqalələr yazan və heç bir elmi adı, dərəcəsi olmayan gənc bir yazar AMEA-dakı, BDU-dakı, nə bilim ümumən Azərbaycanın elm və təhsil aləmindəki 100 professora, dosentə dəyər. Bunu Solavirum yoxe, ən qatı düşmənim də desə deyərəm, bəli, sən düz deyirsən. Reallıqdı da bu. Görürük də AMEA-nı da, BDU-nu da, nə bilim bütün Azərbaycan elm və təhsil sistemini də. —samral ^müzakirə 04:18, 16 fevral 2024 (UTC)

Samral aydındır, təşəkkür edrəm cavaba görə. And içməyə, özünüzə bəraət qazandırmağa çalışmanıza gərək yoxdur, çünki sizin fəaliyyətiniz müzakirə olunmur. Mən 1 misalı ona görə çəkdim ki, qıraqdan müzakirəmizi oxuyan mənim boş-boşuna sizi tərəf tutmaqda ittiham etdiyimi düşünməsin. Əgər mənim istirahətə ehtiyacımın olması və yerinə yetirdiyim 1200 inzibatçı əməliyyatından 1000-nin nəyə görə silmə əməliyyatı olmasından başqa iradınız yoxdursa, məncə, biz müzakirəni dayandıraq, başqa iradlar olanda onları cavablandıraram. Amma bir şeyi boynuma alım ki, mən sizdən daha ciddi iradlar gözləyirdim. Məsələn, 10 gün bundan qabaq mənim müzakirə səhifəmə səsvermə yolu ilə silinmiş bir məqaləni niyə özbaşına bərpa etməyim kimi ciddi bir irad yazmışdınız. Mən elə iradlara cavablar hazırlayırdım özüm üçün, amma məlum oldu ki, istirahət vaxtımın çatdığı, gərək bir az dincəlməli olduğumla bağlı iradlar varmış. Nə isə... Uğurlar siz!— Sortilegus (müzakirə) 04:32, 16 fevral 2024 (UTC)

@Sortilegus, salam. Açığı, mənə yazdığınız cavablarınızdan heç də tətmin olmadım, sanki cavab vermək üçün cavab vermisiniz kimi gəldi. Bir haldakı cavab yazın demisiniz, məmnuniyyətlə mənə aid qisminə cavab verirəm. Demisiniz ki, cavab verib verməmək şəxsi işim, istəyimdir. Əvvəla onu nümunə kimi qeyd etdim. Okey, həqiqətən elədir, baxmaya da bilərsiniz. Fikrinizdən yayınıb dediniz, amma nədənsə bu müzakirələrdə iştirak heç vaxt fikrinizdən yayınmayıb, yayınmır. Onda Samral da lehinə/əleyhinə əsaslandırmalarmalar yazmağa məcbur deyil deyirəm mən də. Düzdür ya yox? Mən sizdən tələb etdiyim kimi, siz də bunu tələb edirsiniz, amma qərar qarşı tərəfə qalmış. Sizlər isə dəfələrlə istifadəçinin üstünə gedirsiniz, təzyiqlər edirsiniz hazırkı təşəbbüsünə görə. Hansı ki, heç qaydada da deyilmir ki, əsaslandır, əks halda etibarsız olacaq. :) Siz bu sadəcə səsverməni qərəz kimi düşünürsünüzsə, mən də inzibatçılardan cavabdehlik tələb edən, müzakirə başladanlara qarşı olan sərt və kobud tutumunuzu (arada sırada blokla yumşaq və ciddi təhdidlər də daxil) qərəz və tərəfli fəaliyyət adlandırıram ki, elədir də. Verdiyiniz səslərdəki əsaslandırılmamış fikirlər bunu bir daha sübut edir. Hansı ki, yazdığınız arqument "aktivdir, yaxşıdır, AzViki qazanar, qalması zərər deyil, AzViki itirər" dan irəli keçmir. Sadəcə səsverməkdən fərqi yoxdu bunun da. Hətta sadəcə səs vermək daha doğrudur bundan (inzibatçı seçəndə də sadəcə səs veririk, etimadda da hə, yox demək niyə mümkün olmasın ki? seçiləndə, seçəndə olur, amma burada sərf etmir deyə? sadəcə əleyhinizə gələn səsə isə heç nə demirsiniz. :d lehinə deyəndə isə əsaslandırma istəyirsiniz.), uyğunsuz arqumentlər yazmaqdan. Bunu nəyə görə edirsiniz? Axı hüquq mükafat deyil. Bunu edən tək inzibatçı da deyilsiniz. Başqa kimlərin bunu etdiyi barədə bura yazmaq istəmirəm ki, müzakirənin istiqaməti dəyişməsin, çünki bu başlıqda siz danışılırsınız. Müvafiq başlıqlara qeyd edərəm. Və ümid edirəm ki, bu ərəfədə yenə heç kim bloklanmayacaq və o istiqamətə çəkilməyəcək. İkincisi, sizin o silmələr öz addəyişmələrinizdir ki, hansı ki, mütləq çoxluğu, hamısı texniki işlərdir, amma digər nümunə verdiyiniz hansı inzibatçı da bu, belədir? Təbii ki, mən bilirəm silmə işləmi ən çox olanıdır, amma öz vəziyyətinizi digərləri ilə müqayisəniz çox yanlış idi. Onların sildikləri qeyri-ensiklopedik və silinməsi zəruri, həmçinin SNS və BNS-yə aid səhifələrdir. Bu zaman belə sual ortaya çıxır, siz daşığınız bu hüquqları simvolik olaraq daşımalısınız və niyə? Həmçinin bürokrat kimi fəaliyyətləriniz nədən ibarətdir? Bu arada, başqa inzibatçıların üslubuna irad bildirsəniz də, nədənsə öz müzakirə üslubunuz barədə normal, heç nə yoxmuş kimi danışırsınız (sizin təcrübəli istifadəçi kimi bunu qəbul etməməyiniz, digər redaktorların da sizi təkrarlamasını təəccübləndirməməlidir o zaman), amma adətən və sadəcə iştirak etdiyiniz bu mövzudakı müzakirələrinizdə kobud və nəzakətsiz (atmacalı və savaş meydanıymış kimi əsas məsələ qalır qıraqda, aiddiyətsiz yerə fokuslanırsınız sərt şəkildə tələbkar istifadəçilərə, halbuki orada müzakirə mövzusu onlar deyil. beləcə qayda pozdu, blok falan derkən mövzu da artıq dəyişir, amma siz davam edirsiniz.) şərhlər yazırsınız, birini nümunə kimi qoymuşam, amma cavab verməmisiniz, tapıb digərlərini də əlavə etmək olar, amma bəllidir və təkrarlanır deyə lüzum görmədim. Yəni elə bilməyin ki, təkcə bu keçiddəkinə görə deyirəm. Özünüz irad tutursunuz başqalarında, bəs sizcə, o yazdığınız şərh normaldır inzibatçı, istifadəçi və təcrübəli üçün? Vikipediyalıq danışıqdı? Bütün bunların fonunda əgər özünüzə də güvənirsinizsə (qeyd etdiklərinizə baxsaq güvənirsiniz) nəyə görə etimad səsvermənizin və digərləri üçün bunun keçirilməsini istəmirsiniz və istəmirlər? Nəsə itirmək barədə narahatsınız ya da deyəlim alındı, o zaman da hüquqsuz töhfələrinizə davam edəcəksiniz? Maraqlıdır və istərdim ki, edəsiniz hər biriniz. Yenə maraqlıdır, alınanlardan kim buraxacaq, kim edəcək. Çünki heç kim hüquq üçün fəaliyyət göstərməməlidir. Təki bəzi inzibatçılardan da viki üçün vacib digər məsələlərdə də belə aktivlik və həvəs görək. O zaman AzViki sözün əsl mənasında qazanacaq. :) Hörmətlə, Gadir^müzakirə 04:40, 16 fevral 2024 (UTC)

Gadir, xeyli vaxt ayırıb uzun şərh yazmısınız. Amma əvvəlki şərhinizdə nəsə irad vardı, bu uzun şərhiniz sadəcə ümumi ittihamlardır. Yenə də müəyyən şeylərə cavab verməyə çalışacağam. Amma mən Samralın fəaliyyətini burada müzakirəyə çıxarmağı doğru hesab etmirəm. Yuxarıda özünə də yazmışam və iradlarını cavablandırmışam. Lazım olar onun üçün ayrıca başlıq açıb hamımız fikirlərimizi yazarıq. Burada xahiş edirəm mənim fəaliyyətimi müzakirə edək. Yazdıqlarınızı cavablandırırıam: 1. Mən blokla heç kimi təhdid eləmirəm, qayda pozuntusu edən istifadəçiyə xəbərdarlıq edirəm ki, inzibatçı kimi bu alətim var və bloklaya bilərəm. Diqqət etsəniz görərsiniz ki, fəal inzibatçılar arasında bəlkə də ən az blok tətbiq edən mənəm. Birbaşa bloklamağı düzgün hesab etmədiyim və ümumiyyətlə bloklamağı ən-ən axırıncı vasitə kimi dəyərləndirdiyim üçün çox vaxt sadəcə istifadəçiyə xəbərdarlıq etməklə kifayətlənirəm. İnanın ki, bunun köməyi olur, iş bloklamağa gedib çıxmır. 2. Dediyiniz Müzakirə:Lalə səhifəsindəki müzakirə doğrudan diqqətimdən yayınıb. Biologiya məqalələrinin müzakirə səhifələrində baxın görün mənə nə qədər ► müraciətlər olur. Böyük əksəriyyətini düzəldirəm. Yəni konkret bu məsələdə belə israrla mənə irad tutmanızı qəbul etmirəm. Amma hansısa müzakirə ola bilər ki, doğrudan da onu bilərəkdən iqnor etmişəm. Hətta xatırladığım qədər sizə də məni müzakirələrə çəkməməniz haqqında xəbərdarlıq etmişdim. Çünki həddən artıq çox lazımsız müzakirələr açıb vaxtımı ora xərcləməyə məni məcbur edirdiniz. Amma bu 100% Müzakirə:Lalə məsələsinə görə olmayıb. 3. Bəzi inzibatçıların sildiyi səhifələr qeyri-ensiklopedik səhifələrdir, mən silənlər addəyişikliyidi, bir başqası sadəcə şəkil silir, biri gərəksiz kateqoriyaları və ya şablonları - bütün inzibatçılara demək olmaz axı, hamı bir işi görsün, məsələn, hamı SNS səhifələri silsin. Bu yanaşmanı doğru hesab etmirəm. Yəni siz əvvəlcə dediz ki, sildiyim səhifə çoxdu, indi deyirsiz sildiyim səhifə o keyfiyyətdə səhifələr deyil. Bu irad nə qədər haqlı iraddır? 4. Bürokrat kimi fəaliyyətim nədən ibarətdir - bürokratın siz düşünməyin ki, inzibatçıdan fərqli 50 funksiyası var. Yəni digər bürokratlar kimi - çox mübahisəli məsələlər olanda 4 bürokrat operativ reaksiya verir. Bürokratların müzakirəsi səhifəsindən bürokrat kimi fəaliyyətimi izləyə bilərsiniz. 5. Özümə güvənmək məsələsinə gəldikdə - inzibatçı fəaliyyətinin özünə güvənlə nə əlaqəsi var? Mən özümə çox güvənirəm, hətta o qədər güvənirəm ki, düşünürəm Stalloneni də, Van Damı da döyərəm. Hər inzibatçıya "özünə güvənirsənsə, kişisənsə gəl sənə etimad səsverməsi keçirək" deməliyik? İnzibatçının nəsə səhvi varsa ona görə cavab verər, iradları cavablandırar, böyük səhvi varsa istefa verər. Yoxsa ki, özünə güvənirsən nə deməkdir? Bir şərhçi irad kimi yazır ki, "get dincəl, istirahət elə", siz özünə güvəndən danışırsınız, adam bilmir nə cavab versin. Doğrudan da bu cür təkliflər, iradlar adamı stresə salır :) Nəsə konkret iradlarınız olsa mən cavablandırmağa hazıram, amma "özünə güvənirsənsə" və ittihamlar tərzində yox.— Sortilegus (müzakirə) 06:50, 16 fevral 2024 (UTC)

@Sortilegus, sizə edilən müraciətləri başa düşdüm, amma buna görə inzibatçı statusunda qalmaq istəməniz məntiqsiz gəlir sadəcə. Alətdən çox istifadə edirsiniz, az edirsiniz demədim ki. Amma təyinatı üzrə yox. Budur ki, statistikada 4-cü yerdəsiniz və sizdən öncə gələnlərlə də, sonra gələnlərlə də müqayisə edin və fərqi görəcəksiniz. Özgüvəniniz yoxdur? Necə yəni əlaqəsi yoxdur? Bir inzibatçı "çətin" qərarları özgüvənli davranaraq verməli deyil? Məsələn, SNS nəticəsində hansısa "mübahisəli" məqalənin silinməsi. Özgüvənlə bağlı yazdıqlarınızı səmimi və zarafat qarşılayıram, amma xahiş edirəm, müzakirələrdə çizgiyi keçməyin, yəni nəzakətsizlik etməməyə çalışın. Haqlısınız, əvvəllər lazımsız müzakirələr açırdım, qəbul edirəm bunu. Bəli, xəbərdarlıq da etmişdiniz, amma orada belə, nəzakətsiz davranmışdınız mənə qarşı. Bunu digər istifadəçilər də qeyd etmişdi. Sırf xoşniyyətli davranıb müzakirələr açdığıma görə. Bunu başa düşə bilməmişdim. Və sonda nə üçün Samrala deyirsiniz ki, geri çəkin, dayandırılsın. Niyə icmanın uzunmüddətli fəaliyyətiniz də daxil inzibatçı kimi sizə etimad edib-etməməsini öyrənmək istəmir, dəyərləndirməsini əlinizin tərsi ilə itirsiniz? Onsuz da əleyhinizə səslər daha çoxdur, nəinki lehinizə. Yəni stresə düşməyinizə də ehtiyac qalmır. :) Yəni bəs inzibatçı hüququ olmadan fəaliyyət göstərməyinizə mane olan nədir? Simvolik olaraq hüquq daşımağınız bu qədər önəmlidir sizin üçün? Hörmətlə, Gadir^müzakirə 11:59, 16 fevral 2024 (UTC)

@Sortilegus, mən özümə bəraət qazandırmaq və ya özümü müdafiə etmək üçün and içmədime. Siz deyəsən cümlələri də başa düşmək istədiyiniz kimi oxuyursuz. Diqqətlə oxuyun. Azərbaycandakı elm və təhsil sisteminin vəziyyətini ifadə edərkən and içdim mən. Yoxsa ki, sizin ittihamlarınız mənim üçün o dərəcədə əhəmiyyətli deyil, duram and da içəm. samral ^müzakirə 17:30, 16 fevral 2024 (UTC)

•  Y VP:İBSQ-yə uyğun olaraq sorğu 7 lehinə səslə qəbul edildi. Etimad səsverməsi üçün VP:İ-yə yönləndirilir.— Turkmen ^müzakirə 19:38, 17 fevral 2024 (UTC)

1.   Əleyhinə:— samral ^müzakirə 02:18, 15 fevral 2024 (UTC)
2.   Əleyhinə: — Tarixi Nadir (müzakirə) 07:29, 15 fevral 2024 (UTC)
3.   Əleyhinə: — Moses :) 08:13, 15 fevral 2024 (UTC)

     Əleyhinə: fəal inzibatçılardandır. - Dr.Wiki54 (müzakirə) 08:23, 15 fevral 2024 (UTC)

4.   Lehinə: İnzibatçı kimi fəaliyyətinin aşağı olmasını buradan da görmək mümkündür. Mütamadi olaraq müzakirələr zamanı kobudluq etməsi və buna görə bir necə dəfə bloklanmasını da qeyd etmək olar. Yuxarıdakı müzakirədə tərəfkeşlik olmasaydı Solavirum üçün də etimad səsverməsi başladılardı. — Baskervill ☼ - De Gəlsin ! 21:17, 15 fevral 2024 (UTC)
5.   Bitərəf: mən elə hesab edirdim müzakirələr aktivliklə bağlıdır, şərhlərimi də ona görə əlavə etmişdim. İndi isə ümumi aspektdən şərhimi bildirirəm, Solavirumun bəzi müzakirələrdəki şərhləri qeyri-peşəkar və kobud olur. Ümumi insə konstruktivdir. - Dr.Wiki54 (müzakirə) 22:09, 15 fevral 2024 (UTC)
6.   Lehinə: İnzibatçı kimi çox kobud olmasını, müzakirələrdə barışdırıcı yox, mübahisələri daha da qızışdıran mövqe tutmasını, tərəfkeşlik etdiyini nəzərə alaraq statusunun səsverməyə çıxarılmasını doğru hesab edirəm.— Sortilegus (müzakirə) 01:38, 16 fevral 2024 (UTC)
7.   Lehinə: istifadəçi kimi fəaliyyətini bəyəndiyim istifadəçilərdən biridir, inzibatçı kimi də aktivdir. Lakin dəfələrlə qayda pozub nəzakətsiz ifadələr işlədib. Bəzi müzakirələrdə də tərəfli mövqe göstərməsində şübhələrim var. Ümid edirəm ki, hüququ alınsa da alınmasa da fəaliyyətinə müsbət yöndə dəyişikliklər edəcək. — eldarado(müzakirə | fəaliyyət | meta səhifəsi) 03:33, 16 fevral 2024 (UTC)
8.   Əleyhinə: Bəzən müzakirələr zamanı kobudluq etmiş ola bilər, ümid edirəm gələcəkdə belə halların baş verməməsü üçün daha diqqətli olacaq. Ümumi fəaliyyətini və aktivliyini isə yüksək dəyərləndirirəm, etimad səsverməsi keçirilməsi üçün lüzum görmürəm.— Nicat^{49   ⋠müzakirə⋡} 04:49, 16 fevral 2024 (UTC)
9.   Əleyhinə: Ən aktiv inzibatçılardan biridir. Davranış qaydalarına müəyyən dərəcədə düzəliş etməlidir. Fəaliyyəti həmişə göz önündə olan, daim bütün müzakirələrdə iştirak edən istifadəçidir. — Patriot (müzakirə) 05:02, 16 fevral 2024 (UTC)
10.   Lehinə: Mənə yanlış blok qoyması və üstəlik bunun fərqinə belə vara bilməməsi səbəbindən. İstifadəçi bu imzasız redaktəni mənim etdiyimi fikirləşmiş, redaktə tarixçəsinə baxmağa da lüzum görməmişdir. P.S — NKO ^zi 05:22, 16 fevral 2024 (UTC)
11.   Bitərəf: SNS-də, müzakirələrdə aktiv şəkildə iştirak edir, amma kobudluq inzibatçı üçün ən əsas irad hesab edilə bilər. Bu düzəlsə, əvəzsiz inzibatçılardan biri olacaqdır — Toghrul R (m) 07:01, 16 fevral 2024 (UTC)
12.   Əleyhinə: Fəaliyyəti Vikipediya üçün dəyərlidir. Heç kim səhvsiz işləmir. Eminn (müzakirə) 07:37, 16 fevral 2024 (UTC)
13.   Əleyhinə: biraz çılğın tərzinə müəyyən sərhədlər çəkməlidir. :)— Turkmen ^müzakirə 07:57, 16 fevral 2024 (UTC)
14.   Əleyhinə: faydalı və aktiv inzibatçıdır. Atakhanli (müzakirə) 08:33, 16 fevral 2024 (UTC)
15.   Əleyhinə: İdarəçi olaraq faydalı fəaliyyəti var. Əsasda passiv deyil və idarəçi adını sırf titul olaraq əlində saxlamır. Grenzsoldat 10:32, 16 fevral 2024 (UTC)
16.   Əleyhinə: faydalı və aktiv inzibatçıdır.— Rəcəb Yaxşı (müzakirə) 14:09, 16 fevral 2024 (UTC)
17.   Bitərəf: Gənc və təcrübəli istifadəçi olmağına baxmayaraq, bəzən nəzakət qaydalarını pozduğunun şahidi oluram. Düşünürəm ki, bir çox mübahisəli hallarda daha təmkinli, daha nəzakətli olarsa dəstəkləyəcəm. Uğurlar — A.Aida88 (müzakirə) 12:02, 17 fevral 2024 (UTC)
18.   Əleyhinə: aktiv inzibatçıdır. — Xeyal ^(müzakirə) 15:29, 17 fevral 2024 (UTC)
19.   Əleyhinə: Toghrul R ilə razıyam, amma aktiv və konstruktiv inzibatçılardan olduğu üçün əleyhinə səs verməyə qərar verirəm. Və düşünmürəm ki, hüquq üçün ürəyigedən və bərk yapışan istifadəçidir (elə olsa heç könüllü də olmazdı). Sultan11 məsələsində hər nə qədər səhvlərə yol vermiş olsa da, düşünürəm ki, xoş olmasa da mövcud situasiyada bunu anlamaq olar. Hörmətlə, Gadir^müzakirə 16:53, 17 fevral 2024 (UTC)

Baskervill inzibatçı kimi aktivliyimi şübhə altına almağınız qəribədir. Məqalə namizədləri layihəsini ancaq mən yeniləyirəm demək olar. Xəbərlər və SNS-da fəalam. Hansı tərəfkeşlikdən gedir söhbət, başa düşmürəm. Səsverməm keçirilir də. --► Hörmətlə: SolaVirum 08:39, 16 fevral 2024 (UTC)

 N VP:İBSQ-yə uyğun olaraq 7 lehinə səs olmadığı üçün sorğu qəbul edilmədi. — Turkmen ^müzakirə 06:06, 21 fevral 2024 (UTC)

1.   Əleyhinə:— samral ^müzakirə 02:18, 15 fevral 2024 (UTC)
2.   Əleyhinə: — Moses :) 08:16, 15 fevral 2024 (UTC)

     Bitərəf: bəzən fəallaşır, amma ümumilikdə fəallığı gözə çarpmır. Ona görə yekun bir fikir bildirə bilmirəm. - Dr.Wiki54 (müzakirə) 08:20, 15 fevral 2024 (UTC)

3.   Lehinə: Belə bir başlıq üçün ilk namizəd göstərilməli olan inzibatçılardan biri Eminn olmalı idi. Maraqlıdır ki, şəffaf vikipediyaçılarımızın nəzərindən qaçıb, Emini namizəd kimi təqdim etmək. 46 gündür ki, heç bir fəaliyyəti yoxdur. buradan daha detallı tanış olmaq olar. — Baskervill ☼ - De Gəlsin ! 22:09, 15 fevral 2024 (UTC)
4.   Lehinə: bundan 1-2 il öncəki səsvermədə də inzibatçının qeyri-aktivliyi müzakirə mövzusu idi. - Dr.Wiki54 (müzakirə) 22:12, 15 fevral 2024 (UTC)
5.   Lehinə: Fəal fəaliyyətin olmaması.✡ Redivy ✡ (müzakirə) 22:28, 15 fevral 2024 (UTC)
6.   Əleyhinə: İnzibatçı kimi qəşəng fəaliyyəti var. Ara-sıra vikidə çox görünməsə də, aktiv olduğu vaxtlar inzibatçı alətlərindən maksimum istifadə edir. Bunu buradan da görmək olur. Son 6 ayda bu sayı 627-dir ki, bu da 693 olan siyahıda 5-ci olan gündəlik aktiv inzibatçılardan olan White Demon-dan 66 işləm azdır və 6-cı sıradadır. Hazırda yetərlidir. Bu aralar çox aktiv olmasa da istifadəçinin inzibatçı vəzifələrini imkan daxilində yerinə yetirməyə çalışdığı anlaşılır. Ümumiyyətlə, düşünürəm ki, bu halda uzun davam edərsə özü bir müddət sonra könüllü imtina edəcək. Ona görə də hələlik əleyhinəyəm. Hörmətlə, Gadir^müzakirə 22:37, 15 fevral 2024 (UTC)
7.   Əleyhinə: Ümumi götürəndə çox aktiv inzibatçılarımızdan olmasa da, etiraf edək ki, əksər hallarda çox inzibatçının atmağa risk etmədiyi qətiyyətli addımları Emin bəy atıb. Bu cür insanları sevirəm. Fəaliyyətindən narazı deyiləm. — Sura Shukurlu (müzakirə) 22:40, 15 fevral 2024 (UTC)
8.   Əleyhinə: Emin bəy olmasaydı, Vikipediya kimlərin əlində qalardı. --► Hörmətlə: SolaVirum 23:08, 15 fevral 2024 (UTC)
9.   Əleyhinə: arada olan passiv fəaliyyəti nəzərə almasaq, elə bir qəbahətinin olduğunu düşünmürəm. İnzibatçı kimi fəaliyyət göstərməsi azvikiyə nələrsə qazandırır, azvikidən heç nə almır.— Sortilegus (müzakirə) 02:22, 16 fevral 2024 (UTC)
10.   Lehinə: Aktivliyi çox çox azalıb, bir ara düzəldi daha sonra yenidən sıfıra endi. Fəaliyyətində böyük problemlər görmürəm, əgər fəaliyyətini bərpa edəcəyini qeyd etsə etimad səs verməsində əleyhinə olaram çox güman ki. — eldarado(müzakirə | fəaliyyət | meta səhifəsi) 03:36, 16 fevral 2024 (UTC)
11.   Bitərəf: Elə ay olur ümumiyyətlə redaktəsi olmur, lakin elə ay da olur ki, aktiv olur. Bu səbəbdən fikir bildirməkdə çətinlik çəkirəm.— Nicat^{49   ⋠müzakirə⋡} 04:57, 16 fevral 2024 (UTC)
12.   Əleyhinə: Buradakı inzibatçının görəcək olduğu işləri mütəmadi görür. — Araz Yaquboglu (müzakirə) 06:25, 16 fevral 2024 (UTC)
13.   Bitərəf: açığı, qərar verməkdə çətinlik çətirəm. İşləri ilə bağlı olaraq aktivlikdə müəyyən geriləmənin olması nəzərə çarpır. Amma Sura Shukurlu-nun da qeyd etdiyi kimi, riskli və icmanın rəğbətini qazanan bir sıra qərarların verilməsində iştirak edib. Fəaliyyətini artırmadığı təqdirdə yenidən müzakirəyə çıxarılmalı olduğunu düşünürəm — Toghrul R (m) 06:58, 16 fevral 2024 (UTC)
14.   Əleyhinə: Fikrimcə Emin necə və nə vaxt getməli olduğunu özü bilir. — Tarixi Nadir (müzakirə) 07:52, 16 fevral 2024 (UTC)
15.   Əleyhinə: Eminn Azviki üçün önəmlidir, onun fəaliyyətinin zəifləməsi bu önəmi azalda bilməz.— Turkmen ^müzakirə 07:58, 16 fevral 2024 (UTC)
16.   Əleyhinə: Eminin Azvikidə olan fəaliyyətinə nəzər saldıqda nə qədər dəyərli istifadəçi olduğunu görünür.Fortius-94 (Müzakirə) 08:23, 16 fevral 2024 (UTC)
17.   Əleyhinə: Sura xanım çox gözəl izah verib. mən də eyni fikirdəyəm. ümumi olaraq inzibatçının əvvəlki dönəmdə müəyyən passivliyi olub, doğrudur. amma bu, əsas arqument olmamalıdır. çünki, bu, xroniki hal almayıb. indiki fəaliyyəti hesab edirəm ki, qənaətbəxşdir. Atakhanli (müzakirə) 09:04, 16 fevral 2024 (UTC)
18.   Əleyhinə: Emin bəy idarəçi olaraq vəzifəsindən uğurla gəlir. Adicə SNS-də bir çox idarəçinin min bir bəhanə ilə baxmaqdan imtina etdiyi, görməzdən gəldiyi məqalələri silə bilər. Grenzsoldat 10:30, 16 fevral 2024 (UTC)
19.   Əleyhinə:Eminn bəy hər zaman qərəzsiz, tərəfsiz inzibatçı olub. Uğurlar arzulayıram və etimad edirəm. — A.Aida88 (müzakirə) 11:51, 17 fevral 2024 (UTC)
20.   Lehinə: inzibatçı kimi fəaliyyəti çox zəifləyib. — Xeyal ^(müzakirə) 15:25, 17 fevral 2024 (UTC)

  Şərh: Yuxarıda yazılan mənfi və müsbət bütün fikirlərə görə təşəkkür edirəm. Ümumiyyətlə, fəaliyyətin ölçülməsi üçün təkcə kriteriya davamlılıq olmalıdır ya yox? Davamlılıq baxımından ötən illərdə fəaliyyətim uğurlu olmayıb, bunu qəbul edirəm. Amma xüsusən uyğunsuz məzmunların silinməsi baxımından fəaliyyətim pis olmayıb. Azərbaycanca olmayan xeyli məqaləni aşkar edib silmişəm, müəllif hüququ pozuntularını aradan qaldırmışam. Yuxarıda da qeyd etmişdim ki, statusu ömürlük daşımaq niyyətim də yoxdur. Azviki üçün daha yaxşısının mənim inzibatçı kimi fəaliyyətimin dayandırılması hesab edirsinizsə, problem yoxdur. Sadəcə səsvermədə manipulyasiya cəhdləri ola biləcəyini nəzərə alıb burda bunu yazıram. 46 gün məsələsini xüsusilə dəfələrlə vurğulayan Baskervillə demək istəyirəm ki, inzibatçılara da aid olan hüquqlardan olan patrullamanı 1167 gündür icra etmirsiniz. Ondan əvvəlki 7 il ərzində də cəmi 7 dəfə istifadə etmisiniz.— Eminn (müzakirə) 07:53, 16 fevral 2024 (UTC)

Eminn özünüzə bu formada haqq qazandırmağa çalışmağınız kənardan çok komik görünür. İnzibatçılar üçün onlarla alət var və mən onlardan hər birini icra etməliyəm ? O zaman siz nə üçün məqalə namizədləri bölməsində müvafiq təqdim etmə, arxivləşdirmə işlərini aparmırsınız ? Ana səhifə ilə bağlı olan bölmələr üzərində nə üçün çalışmırsınız ? Faktiki olaraq istifadəçilərin Ana səhifəyə müdaxilə imkanları yoxdur və bunu istifadəçilər etməlidir. — Baskervill ☼ - De Gəlsin ! 08:03, 16 fevral 2024 (UTC)

@Baskervill, hamı hər bir işi görə bilməz. Mən də hamı kimi ilin hər gününü və ayını Vikipediyada keçirə bilmərəm. Elə sizə bunu bildirmək istəyirdim ki, fasilələrin olması, inzibatçının hansısa aləti çox, digərini az istifadə etməsi normal haldır. Könüllü layihədir və hamı imkan olduğu qədər fəaliyyət göstərir. Əsas bu fəaliyyətin faydalı olub olmadığını müəyyənləşdirməkdir. Eminn (müzakirə) 08:08, 16 fevral 2024 (UTC)

Eminn bir var ki, hansısa bir alətdən, xüsusiyyətdən istifadə etməmək və birdə var ki, ümumiyyətlə Vikipediyaya aylarla daxil olmamaq. Kənd meydanında məni və digər 1-2 yoldaşı "kreslo" hərisliyində günahlandıranlar, nədənsə indi heç nə yazmır. Etiraf edirəm ki, yeni yaranmış qruplaşma çox güclüdür və onun qarşısında gec-tez məğlub olacam. Sadəcə olaraq sona qədər mübarizə aparmağa çalışıram. Fərid Pərdəşünas haqqındakı məqaləni SNS namizədi etdiyiniz və sonda sildiyiniz üçün icma 2 aydır ki, vikipediyaya daxil olmayan şəxsi inzibatçı olaraq qalmasına razılaşırsa deyəcək heç nə yoxdur.— Baskervill ☼ - De Gəlsin ! 08:13, 16 fevral 2024 (UTC)

@Baskervill, müzakirəni elə yönə aparırsız ki, qruplaşma, mübarizə və s. Mən belə bir hal olduğunu düşünmürəm. Kiminsə fəaliyyətindən narazılıq varsa, deməli ona qarşı qruplaşma var? Kimlərsə sizi "kreslo" hərisliyində günahlandırıb bilmirəm. Məncə, bu məsələlərin mənim inzibatçılıq statusumla bir əlaqəsi yoxdur. Eminn (müzakirə) 08:22, 16 fevral 2024 (UTC)

 N VP:İBSQ-yə uyğun olaraq 7 lehinə səs olmadığı üçün sorğu qəbul edilmədi. — Turkmen ^müzakirə 06:06, 21 fevral 2024 (UTC)

Hər kəsə salam, inzibatçının müzakirələrdə nəzakətsiz, kobud rəyləri və məqsədli fəaliyyət göstərdiyi üçün etimad səsverməsinə çıxarılmasını təklif edirəm. Aşağına bu fikirə gəlməyimə səbəb olacaq keçidləri yerləşdirirəm.

1. İstifadəçinin mənə riyakar deyərək (hər kəs bu ifadənin nə anlama gəldiyini bilir) təhqir etməsi.
2. İnzibatçıya yaraşmayan ("Ay Baskervilli dəstəkləyən inzibatçılar" ifadəsi) nəzakətsiz müraciət.
3. "Siz də məni bağışlayın, ömründə bir dəfə də Vikipediyada redaktə etməyib burda iş görməyə çalışanlara nəsə demək istəyənlərin hamısı qələt edir." cümləsi ilə daha bir nəzakətsiz kobudluq.
4. Mübahisə etdiyi istifadəçiyə müzakirə ərəfəsində İngilis Bayrağı mükafatı təqdim etməsi.
5. Etimad səsverməm bitdikdən sonra müzakirə səhifəmə, sataşma və provakasiyaya çəkmək məqsədi ilə yazdığı "icmanın böyük hissəsi sizə etimad etmir və inzibatçı kimi fəaliyyətinizdən narazıdır. Sadəcə mövcud qaydalara görə statusunuz alınmadı, amma səsvermədə 1-2 səs vəziyyəti tamamilə dəyişə bilərdi. Ümid edirəm gələcək fəaliyyətinizdə səhvlərinizdən dərs çıxaracaqsınız." ifadəsi ilə nəzakət qaydalarını pozması. Mübahisəyə çəkilməyimin fərqində olduğum üçün müzakirə səhifəmdən bu başlığı sildim. Bundan sonra Kənd meydanında yenidən bənzər ifadəni işlədərək sataşması: Kaş son etimad səsvermənizdən dərs çıxarıb fəaliyyətinizi yoluna qoyardız. Buna daim bir birlərini dəstəkləyən istifadəçilərdən digəri olan Samralın da eyni ifadəni işlətməsi: Bu sizə əslində dərs olmalı idi. Amma baxıram ki, nə sizə dərs olub, nə də başqalarına. (Ehtimal edirəm ki, Nemoralisin istəyi ilə yazılıb)
6. "bilmirəm sizi yandıran nədir" ifadəsi ilə daha bir kobudluq və nəzakətsizlik.
7. Digər bir istifadəçiyə qarşı etdiyi kobudluq nəticəsində tərəfimdən bloklanmış və müzakirə səhifəsinə bununla bağlı məlumat bildirib bu cümlələri yazmışdım. (Hansı ki, bütün tətbiq etdiyim bloklarda eyni cümlələri qeyd edirəm) İnzibatçı isə blok müddəti bitdikdən sonra ona qarşı yazmış olduğum rəyimi nəzakətsizlik kimi qiymətləndirərək məni qisas məqsədi ilə bloklamış və mənim ona yazdığım cümlələri kopyalayaraq sonuna smile yerləşdirərək mənim səhifəmə yazmışdır.

Bütün bu qeyd etdiyim çox ciddi qayda pozuntularıdır. Bənzər qayda pozuntularına görə Greznzsoldat və Samral adlı istifadəçilər üst üstə toplasaq aylarla bəlkə də bir ildən çox blokda qalıblar. Lakin bu istifadəçiyə heç bir halda irad tutulmayıb inzibatçılar tərəfindən. Yuxarıda qeyd etdiyim kobud qayda pozuntularından əlavə N qədər rəyində rişxənd, ələ salmaq, sataşma və provakasiyaya çəkmək niyyəti hiss olunur. Bunlardan sadəcə mənim qarşıma çıxanları qeyd edirəm. 1, 2, 3.

Son olaraq isə inzibatçının məqalə üzərindəki redaktələr üçün bir şəxsən ödəniş alması. Ödəniş edən şəxsin mail ünvanıma yolladığı screenlər və səsyazıları sayəsində İnzibatçının azviki üçün nə qədər zərərli istifadəçi olması qənaətinə gətirib çıxartdı. Mən başa düşürəm ki, bu qaydalarda zidd deyil, lakin bunu bir izibatçının etməsi və xoşagəlməyən halda etməsi məni çox məyus etdi. Hələ bir qrup istifadəçi və inzibatçılar ilə qruplaşıb birgə fəaliyyət göstərmələrindən danışmayacağam. Çünki artıq icma bunu sezib. Bütün yuxarıdakı fikirlərimə əsasən inzibatçı üçün etimad səsverməsinin təşkil olunmasını təklif edirəm. Hörmətlə — eldarado(müzakirə | fəaliyyət | meta səhifəsi) 00:53, 30 mart 2024 (UTC)

1.   Lehinə: — eldarado(müzakirə | fəaliyyət | meta səhifəsi) 00:56, 30 mart 2024 (UTC)

7 fakt göstərmisiniz, 4-ü birbaşa sizlə bağlıdır. Hələ-hələ 5-ci. Bu müzakirəni məndən nifrət edirsiniz deyə açmağınızı bu qədər bəlli etməyin. Fəaliyyətinizi ətraflı təftiş edib icmaya açıqladığım üçün əsəbləşmisiniz? Həqiqətən düşünürsünüz ki, o məqalələri şirkətin Content Marketing meneceri Pasha Rahimov (müzakirə • töhfələr • statistikalar), PR rəhbəri Svetlana Haciyeva (müzakirə • töhfələr • statistikalar) və vəzifəsi bəlli olmayan CaspianEventOrganisers (müzakirə • töhfələr • statistikalar) ilə birlikdə eyni tarixlərdə (2022 yayı) təmənnasız şəkildə yaratmısınız?

İkinci abzasda nəzakətsiz kimi göstərdiyiniz rəylərdə daim sizin fəaliyyətinizi ifşa etmişəm. Öz fəaliyyətinizi mənim "nəzakətsizliyim" adı altında gizlətməyə çalışmayın. Nemoralis (müzakirə) 07:44, 30 mart 2024 (UTC)

Yorursunuz məni artıq, sizi nifrət edəcək qədər tanımıram və tanımaq da istəmirəm açığı. Qaydaları pozursunuz və buna görə də müzakirəyə çıxarılırsınız. 6 illik fəaliyyəti olmayan hesabı teq edib, tanımadığınız insanların şəxsi profillərini buraya yerləşdirirsiniz. Etdiklərinizin fərqində deyilsiniz deyəsən. Yazdıqlarınızla bağlı açıqlamamı etmişəm artıq KM-də. İcma qərar versin. — eldarado(müzakirə | fəaliyyət | meta səhifəsi) 09:56, 30 mart 2024 (UTC)

@Eldarado mövcud vəziyyətdə bu səsverməyə heç kim münasibət bildirməyəcək. Söhbət istənilən növ (müsbət, mənfi, tərəfsiz) səslərdən gedir. Hesab edirəm ki, icma son 1 ayda 3 inzibatçısı itirib və əvəzində 1 nəfəri qazanıb. @Burocandan başqa qalan 2 nəfər inzibatçılıqdan çıxmaq istəməsə də, bir növ icmanın hökmü ilə buna məcbur olublar. Bunları ona görə yazıram ki, Azviki kimi gündəlik 40-50 nəfərin olduğu icmalarda 1 ay içində 3 inzibatçı statusundan məhrum edilmir, 2 rəqəmi belə qulağa çox gəlir. İnanıram ki, istifadəçilərin mütləq əksəriyyəti sözügedən müzakirəni görüb və sadəcə münasibət bildirməmək qərarına gəlib. Hətta @Nemoralisə mütləq dəstək olacağı şübhə doğurmayan həmkarlar belə əleyhinə səs verməyə lüzum görməyiblər. Bütün bunları nəzərə alıb başlığı dayandırmağınızı tövsiyyə edirəm. Azvikidəki mövcud toksik abu-havaya bir son vermək, ən azından buna çalışmaq lazımdır. Başa düşürəm, sizə ünvanlanan qələt edir, mənə təqdim olunan UK bayrağı sizi haqqlı olaraq qəzəbləndirib, ancaq başqa yol yoxdur hal-hazırda. Yenə də, seçim və son söz sizindir. Baskervill 00:42, 1 aprel 2024 (UTC)

 N 7 gün ərzində yetərli səs toplanmadı.— Turkmen ^müzakirə 06:19, 6 aprel 2024 (UTC)