 |
 |
Love.az |  |
 |
Yusif Yusibov (tam adı: Yusif Əmiralı oğlu Yusibov) — kimya elmləri doktoru, professor, Gəncə Dövlət Universitetinin rektoru (7 mart 2014-cü ildən).[1]
| Yusif Yusibov | |
|---|---|
| Doğum tarixi | |
| Doğum yeri | Qırmızı Samux, Samux rayonu, Azərbaycan SSR, SSRİ |
| Vətəndaşlığı |
 SSRİ→ Azərbaycan |
| Atası | Əmiralı Yusibov |
| Elm sahəsi | kimya |
| Elmi dərəcəsi | kimya elmləri doktoru |
| Elmi adları |
rektor professor |
| İş yeri | Gəncə Dövlət Universiteti |
| Təhsili |
Bakı Dövlət Universiteti SSRİ EA Üzvi kimya İnstitutu |
| Mükafatları |
 |
20 aprel 1951-ci ildə Samux rayonunun Qırmızı Samux kəndində anadan olmuşdur.[2]
1973-cü ildə Bakı Dövlət Universitetinin Kimya fakültəsini fərqlənmə diplomu ilə bitirib. 1973-1976-cı illərdə SSRİ EA Üzvi Kimya İnstitutunda aspiranturada təhsil alıb. 1978-ci ildə həmin institutda namizədlik dissertasiyasını müdafiə edib. 1986-cı ildə dosent elmi adını, 1993-cü ildə isə AMEA-nın Kimya Problemləri İnstitutunda doktorluq dissertasiyasını müdafiə edərək elmlər doktoru dərəcəsini alıb. 1995-ci ildə professor elmi adı verilib.[3]
2003-cü ildən Yeni Azərbaycan Partiyasının üzvüdür.
Ailəlidir, 4 övladı var.
200 elmi əsərin , o cümlədən 4 monoqrafiyanın, 10 dərslik və dərs vəsaitinin, 4 patentin müəllifıdir. 2 elmlər namizədi yetişdirmişdir.
Elmi fəaliyyəti mürəkkəb qeyri-üzvi sistemlərin fiziki-kimyəvi tədqiqi ilə bağlıdır. O, çoxkomponentli yarımkeçirici sistemlərin faza tarazlığını və termodinamik xassələrini əlaqələndirən sistemli tədqiqatlar aparıb. 20 ildən artıq bir müddət ərzində mis, gümüş və tallium əsasında müxtəlif üçlü və daha mürəkkəb xalkogenid və xalkohalogenid sistemlərini geniş şəkildə öyrənib. Bu araşdırmalar nəticəsində həmin sistemlərdə yarımkeçirici, termoelektrik və fotoelektrik kimi xüsusiyyətlərə malik yüzlərlə yeni birləşmə və dəyişən tərkibli faza müəyyən edilib. Eyni zamanda, onların əmələgəlmə xüsusiyyətləri, homogenlik sahələri, kristalloqrafik parametrləri, eləcə də standart parsial və inteqral termodinamik funksiyaları tədqiq olunub.[3]
Tədqiqat sahəsi çoxfazalı və çoxkomponentli qeyri-üzvi sistemlərin kimyası, fiziki-kimyəvi analizi və termodinamikası, kimyəvi materialşünaslıq və qeyri-üzvi funksional materialların öyrənilməsini əhatə edir.[3]
50-dən artıq beynəlxalq və respublika elmi konfranslarında müxtəlif mövzulu məruzələrlə çıxış etmişdir.[3]
Əmək fəaliyyətinə 1973-cü ildə N.D. Zelinski adına Üzvi Kimya İnstitutunda aspirant kimi başlayıb, daha sonra 1976-cı ildən eyni institutda kiçik elmi işçi kimi çalışıb. 1981-ci ildə AKTİ-yə keçərək assistent vəzifəsini icra edib, 1986-cı ildən isə dosent kimi fəaliyyətini davam etdirib. 1995-ci ildə AKTA-da professor təyin olunub, bir il sonra isə “Kimya” kafedrasına rəhbərlik edib. 1997-ci ildən 2011-ci ilədək Bakı Dövlət Universitetində professor kimi çalışıb. 2011-ci ildə Gəncə Dövlət Universitetində tədris işləri üzrə prorektor vəzifəsinə təyin olunub. 2014-cü ildən isə həmin universitetin rektoru kimi fəaliyyət göstərir.[3]
“Ümumi kimya”, “Qeyri-üzvi kimya”, “Fıziki-kimyəvi analiz”, “Qeyri-üzvi materialşünaslıq”, “Faza tarazlıqlarının termodinamikası” və s. fənnlər üzrə mühazirə və laboratoriya dərsləri aparır.
Azərbaycan Respublikası Prezidentinin 7 mart 2014-cü il tarixli Sərəncamı ilə Gəncə Dövlət Universitetinin rektoru vəzifəsinə təyin edilmişdir.[1]
 |
 |
LOVE.AZ |  |
 |
|