. Love.az

Aleksandr Kalyaninov - Wikipedia - Love.az

Ana Səhifə - Aleksandr Kalyaninov

Aleksandr Georgiyeviç Kalyaninov (rus. Александр Георгиевич Кальянинов; 11 dekabr 1992[1], Bakı – 25 dekabr 2024, Aktau) — Təyyarə pilotu, Azərbaycanın Milli Qəhrəmanı.[2]

Aleksandr Kalyaninov
Doğum tarixi 11 dekabr 1992(1992-12-11)[1]
Doğum yeri
  • Bakı, Azərbaycan
Vəfat tarixi 25 dekabr 2024(2024-12-25) (32 yaşında)
Vəfat yeri
  • Aktau, Mangistau vilayəti, Qazaxıstan
Vəfat səbəbi təyyarə qəzası
Dəfn yeri
  • II Fəxri Xiyaban
Dəfn tarixi 29 dekabr 2024
Təhsili
  • Bakı Avropa Liseyi,
  • Milli Aviasiya Universitetinin Uçuş Akademiyası[d],
  • İzmir Texnologiya İnstitutu
Fəaliyyəti pilot
Mükafatları Azərbaycanın Milli Qəhrəmanı

Mündəricat

  • 1 Həyatı
  • 2 Ölümü
  • 3 Xatirəsi
  • 4 Təltifləri
  • 5 İstinadlar

Həyatı

redaktə

Aleksandr Kalyaninov 11 dekabr 1992-ci ildə Bakıda anadan olub. Milliyətcə rusdur. Uşaqlıqdan arzusu helikopter idarə edən atası kimi pilot olmaq idi.[3][4] Atası Georgi Kalyaninov 2017-ci ildə vəfat edib.[5]

Bakı Avropa Liseyinin fərqlənən şagirdlərindən biri olub.[6] Keçmişdə aykido və boksla məşğul olurdu. Məktəb illərində həmyaşıdları arasında "ağıllı və yaraşıqlı" biri kimi tanınırdı.[7] Milli Aviasiya Akademiyasına qəbul edilib. Orada 1 kurs oxuyub.[8] Təhsilini daha sonra IZTECH-də davam etdirib.[9] İngilis və fransız dillərini yaxşı səviyyədə bilirdi.

Kalyaninov 2021-ci ilin aprelində Ukrayna Dövlət Uçuş Akademiyasında (o zaman Ukrayna Milli Aviasiya Universiteti) oxuyarkən aviasiya nəqliyyatı üzrə magistr dərəcəsi alıb.[10]

Anası Yelena (Lena) Kalyaninova "oğlunun cəmi bir ildir ki, işə başladığını və işini çox sevdiyini" deyib.[11]

Ölümü

redaktə
Əsas məqalə: Azərbaycan Hava Yollarına məxsus Embraer 190 qəzası

2024-cü il dekabrın 25-də Azərbaycan Hava Yollarına məxsus Embraer 190 təyyarəsi Rusiya istehsalı olan Pantsir-S1 zenit raket kompleksi ilə vurulmuşdur. Hava gəmisinin kapitanı İqor Kşnyakin və ikinci pilot Aleksandr Kalyaninov idarəetmə sistemlərinin sıradan çıxmasına baxmayaraq, təyyarəni Xəzər dənizi üzərindən Aktau Beynəlxalq Hava Limanına yaxın əraziyə yönləndirmişlər. Qazaxıstanın Aktau şəhəri yaxınlığında qəza enişi zamanı təyyarə yerə çırpılmışdır. Təyyarənin göyərtəsində 67 nəfər olub: 62 sərnişin və 5 ekipaj üzvü. Qəza nəticəsində 29 nəfər sağ qalmışdır.[12]

Aleksandr Kalyaninov qəza nəticəsində həyatını itirmişdir. 29 dekabr 2024-cü ildə II Fəxri xiyabanda dəfn olunub.[13]

Xatirəsi

redaktə
 
  • 2024-cü il Dekabr Qəhrəmanları: Azərbaycan hökuməti və Azərbaycan Hava Yolları tərəfindən Kşnyakin və komandasının xatirəsi xüsusi anım tədbirləri ilə yad edilmişdir.
  • Aviasiya Muzeylərində Anım: Onun qəhrəmanlığı Azərbaycan Aviasiya Muzeyi və digər beynəlxalq aviasiya qurumlarında sərgilənəcəkdir.
  • Ukraynanın Kropivnitskidəki Dövlət Uçuş Akademiyasının sinif otaqlarından birinə onun adına veriləcək.[14]
  • Ukraynada Azərbaycanın Milli Qəhrəmanı Aleksandr Kalyaninovun adına azərbaycanlı tələbələr üçün xüsusi təqaüd təsis olunacaq. Bu barədə Ukraynanın Azərbaycandakı səfiri Yuri Husyev məlumat verib.[15]

Təltifləri

redaktə

Azərbaycan Respublikası Prezidentinin 29 dekabr 2024-cü il tarixli sərəncamı ilə Kalyaninov Aleksandr Georgiyeviç ölümündən sonra "Azərbaycanın Milli Qəhrəmanı" adına layiq görülmüşdür.[16]

  •   (29 dekabr 2024) — "Qızıl Ulduz" medalı (ölümündən sonra)

İstinadlar

redaktə
  1. ↑ 1 2 Names of passengers and crew members killed in plane crash in Kazakhstan released-LIST.
  2. ↑ "Təyyarə qəzasında həlak olan ekipaj üzvlərinə Azərbaycanın Milli Qəhrəmanı adı verilib". Report İnformasiya Agentliyi (az.). Report.az. 29 dekabr 2024. 2025-01-14 tarixində arxivləşdirilib. İstifadə tarixi: 2024-12-29.
  3. ↑ modern.az. "Aleksandrın ölümü bizi çox sarsıdıb - Pilotun müəllimi Modern.az-a DANIŞDI". modern.az (az.). İstifadə tarixi: 2024-12-31.
  4. ↑ "Aviaqəzada həlak olan pilotun qonşusu: Aleksandr Kalyaninovun pilot olmaq uşaqlıq arzusu idi - VİDEO". Report İnformasiya Agentliyi (az.). 2024-12-28. 2024-12-30 tarixində arxivləşdirilib. İstifadə tarixi: 2024-12-31.
  5. ↑ ""Ağ şəhər"in qara buludu, rəqibi səma olan qadın, günəşə dönən Saşa... – REPORTAJ-REKVİYEM". pressklub (az.). 2024-12-31 tarixində arxivləşdirilib. İstifadə tarixi: 2024-12-31.
  6. ↑ "Təyyarə qəzasında həlak olan pilotlardan biri Bakı Avropa Liseyinin məzunu olub". Oxu.az (az.). 26.12.2024. 2024-12-25 tarixində arxivləşdirilib. İstifadə tarixi: 29.12.2024.
  7. ↑ ""Səmaya baxanda Saşanı xatırlayacağıq..."". Qafqazinfo (az.). 2024-12-26. 2024-12-26 tarixində arxivləşdirilib. İstifadə tarixi: 2024-12-31.
  8. ↑ moderator.az. ""Göylərə can atırdı, işləri ilə bağlı çox görüşə bilmirdik" - Aleksandr Kalyaninovu belə andılar-ÖZƏL+FOTOLAR+VİDEO". moderator.az (ingilis). 2024-12-31 tarixində arxivləşdirilib. İstifadə tarixi: 2024-12-31.
  9. ↑ "Təyyarə qəzasında həlak olan pilotlardan biri Bakı Avropa Liseyinin məzunu olub". Oxu.az (az.). 2024-12-25 tarixində arxivləşdirilib. İstifadə tarixi: 2024-12-31.
  10. ↑ "Təyyarə qəzasında həlak olan pilot Aleksandr Kalyanikov Ukraynada təhsil alıb". Lent.az (az.). İstifadə tarixi: 2024-12-31.
  11. ↑ "Pilotun uçuşdan bir gün əvvəl anasına yazdığı mesaj... — Video". Qafqazinfo (az.). 2024-12-28. 2025-01-09 tarixində arxivləşdirilib. İstifadə tarixi: 2024-12-31.
  12. ↑ "Эксперты: экипаж разбившегося самолёта "Азербайджанских авиалиний"- герои". euronews (rus). 2024-12-26. 2024-12-29 tarixində arxivləşdirilib. İstifadə tarixi: 2024-12-29.
  13. ↑ "Təyyarə qəzasında həlak olan ekipaj üzvlərinin cənazələri II Fəxri xiyabanda dəfn edilib". Oxu.az (az.). 29.12.2024. İstifadə tarixi: 29.12.2024.
  14. ↑ "Qəhrəman pilotumuzun adı Ukraynada əbədiləşdiriləcək". Oxu.az (az.). 2024-12-29 tarixində arxivləşdirilib. İstifadə tarixi: 2024-12-29.
  15. ↑ "Ukraynada Azərbaycanın Milli Qəhrəmanının adına təqaüd təsis ediləcək". Report İnformasiya Agentliyi. 30 dekabr 2024. 2024-12-30 tarixində arxivləşdirilib. İstifadə tarixi: 2024-12-30.
  16. ↑ ""Azərbaycan Hava Yolları" Qapalı Səhmdar Cəmiyyətinə məxsus "Embraer 190" tipli sərnişin təyyarəsi Bakı–Qroznı (Rusiya Federasiyası) reysini yerinə yetirərkən baş vermiş qəza zamanı yüksək peşəkarlıq və şücaət göstərmiş şəxslərin təltif edilməsi haqqında Azərbaycan Respublikası Prezidentinin Sərəncamı". www.president.az (Azərbaycan Prezidentinin rəsmi saytı) ( (az.)). 29.12.2024. 2024-12-29 tarixində arxivləşdirilib. İstifadə tarixi: 29.12.2024.
Mənbə — "https://az.wikipedia.org/wiki/?q=Aleksandr_Kalyaninov&oldid=8069632"
LOVE.AZ